Maafîu 22:7 - Yálá laawoo hɛɓɛ (dc)

⁷ «Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.

Yálá laawoo hɛɓɛ

⁷ «Dɔɔmun tii líí ə holi ə nwɔ holahiɠaa tɔɔ, ə gə, də li nuą tii dinuą paa, di yiliɠaai paa, ə lɛɛ, di nwɔ̨n nɔ di wɔ taa hu naa ə kələn.

Bible

⁷ Gâloŋ è ńii ŋwàna é ŋɔkɔ́-kuluƃa-ŋai tɛ́ɛ dí ǹúu-paa-ƃelai tí páa dí dítaai kereŋ.

Maafîu 22:7 Referans Kwoze

Lukə 19:27

Yii ɓaa nuą tii kɛ diɛ, di hvo nwɔ́ tɔɔlaa pɔi, ka pa a diɛ ɓɛ, ka di paa ɲɛ̨́i ɓa.›»

Lukə 21:24

Di kaa pai di paai a ɓɔwa, di kaa pai damąą kɛi a luwɔɠaa lɔi tamąą hu, nuąi di hvo laa li Yálá la, di kaa pai di kɔ́wɔ hiɛi Ɉerusalɛmə taa hu, ə lɛɛ la ɉu, nuąi di hvo laa li Yálá la di wɔ huwalawala nwɔ lɔwai ə kpɛɛ.»

Tɛsalonikə dɔlɔɔ 2:16

diɛ ɓə da kpɛ̨ąn ku tɔwɔ, diɛ ku hvo ɓalo woo laa həli huwu takpɛliɠaa diɛ, ɛlɛɛ, yələ kəlee, diɛ di wɔ nɛŋɛ̨nŋaai laa kulɔ la tii. Kɛlaa, lííholi aa too di mɛ̨i a gbəlamąą.

Lukə 21:21

Nąąlɔwai, nuąi da kɛ Ɉude lɔi hu, di pu də li ɲee tonnaɠaa ɓa. Nuąi da kɛ Ɉerusalɛmə, mąąnɛ̨ɛ̨ di kulɔ laa. Yiiɠaai da kɛ ɲɛɛ kɔ́wɔɠaa hu, di hvo kɛ di kaa pai taai.

Zooɛ 3:2

Ə mą kpɛli kɛ ka wɔ luwɔ hinąą da ka wɔ luwɔ nɛ̨ąą, ŋą́ nwɔ́ Kilii tɛɛ di pɔ.

Zooɛ 2:25

Yai-Laa woo ka, yɛ diɛ: Gwəlanŋąa kpɔ, gbəligbiɛɠaa da peeləɠaa, ɉaiɠąa da hviliɠaa, diɛi a nwɔ́ kɔlaɠai diɛ ŋį́ ɲąątɔɔ kaa, diɛ kɛɛ kala la kaa; Ŋą́ gəlee pɔɔi kulɔ ɉu.

Zooɛ 2:11

Yii kpɔ Yai-Laa woo kaa nii tɔɔi, nwɔ kɔlaɠai nwun na, lono və nwɔ kulaaɠaa diɛ, nuąi da nwoo pɔ mɛ̨nį kɛ, gbalai tɔɔ Yai-Laa nwɔ hvólói kɛnɛ̨i, mąą ɲɔwa, gbɛɛ ɓə a pɛli tɔɔ na?

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Maafîu 22:6

Daɠaa dinuą tii hon di di paa.

Maafîu 22:8

Tɔɔmun ə mo nwɔ tínuą diɛ, yɛ diɛ: ‹Vúlu lɔ kɔ̨nɔ̨n aa mɔ; kɛlaa, nuąi kɛ mąąnɛ̨ɛ̨ di mįi di hva kpɔ kɛa da mįi.