Maafîu 21:5 - Yálá laawoo hɛɓɛ (dc)

⁵ «Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Yálá laawoo hɛɓɛ

⁵ «Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Bible

⁵ “Ka mó Zãiyɔŋ ǹóŋ-nɛnii ma, Gáa, íkâloŋ káa pâi ípɔ. Ǹíi maa yeŋɔɔ, gɛ ƃo see ni wɛlɛ-sôo mɛi, da ŋwɛlɛ-sôoi ǹóŋ.”

Maafîu 21:5 Referans Kwoze

Azaya 62:11

Mɛ̨nįi Yai-Laa kaa moi, yɛ həli kpɔ lɔi kpon ɉeei, ya ka: 'ka mo Siɔn nɛ̨ɛ̨gbɛla ɓa, kaa mą: Ə́ ɓalo mun ga ɲɛ̨i pai, vɛla kaa ɲəi, ɲąą kɛlɛ hɛnŋąą di ɓo ɲɛ̨itɔwɔ.

Azaya 12:6

'Tómą a kwəinɛ̨ɛ̨, 'ə́ ɓələn, yɛ́i a Siɔn mun. Mąąhɔlɔɓo, Israɛlə nwɔ Mąąhəɠəmun laa tɛɛi ka lɔwai.

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Osia 1:7

«Ɉuda nwɔ pɛlɛ́i nwɛi, ŋą́ nwɛlilakɛ, gɛ́ di nwun mąąɓo, ɲą́ą́ Yai-Laa di wɔ Yálái, və́ pai di nwun mąąɓoi a kilɛn, a wala kɛ tii kɔ́ kɔ́ ɓɔwa, a wala kɛ tii a kɔ́, ə mą kɛ hoo da hoo mɛ̨i kɔ́ kɔ́ nuą.»

Azaya 40:9

Ə́ wɛi, 'tɛ yee tɔɔ ta nwuɔ̨, ə́ woo kulɔ kpɔ a hɔ̨ɔ̨, Siɔn, wɛlɛɛ lɛlɛɛ ɓomun, 'ə́ woo kulɔ, hvo ɲɔw, Ɉerusalɛmə, wɛlɛɛ lɛlɛɛ ɓomun; 'mo Ɉuda taaɠaa diɛ, yɛ diɛ: «Ka gu wɔ Yálái ka!»

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Izikiɛ 34:24

Ɲą́ą́ Yai-Laa, ŋą́ kɛ a di wɔ Yálá, nwɔ́ tí mun Davidə yaan, ə ɓo a di nwun nąmu, ə ɓo di lɔwai. Ɲą́ą́ Yai-Laa nwóó li.

Maafîu 11:29

Ka ka nwun ɉee nwɔ́ tiɛ̨i mu, həɠə ka nwɔ́ liɛwooɠaa hon. Mąąhɔlɔɓo, níí laai, kaa kpɛli, ka hvii tɔɔ hɔlɔɓo ka lii ə laa.

Maafîu 2:6

«‹Yɛ́ Bɛtleɛmə taa, hvo ɓaa taa logolo Ɉuda daa kpɛa-kpɛaɠaa lɔwai. Mąąhɔlɔɓo, tɔɔmun da kaa pai kulɔi ə́ hu, yii a tɔɔ Israɛlə nwɔ́ nu huwui ɲɛ̨itɔwɔ.›»

Maafîu 2:2

Di mąąni kɛ kɛ, diɛ mą: «Ɉuifəɠaa di wɔ tɔɔmun nįnɛ̨i daa gaa, gaa mį? Mąąhɔlɔɓo kwaa nwɔ pɛmɛ̨lɛ̨n gɔw kaa voló kulɔi pələ. Ku pa kwɛli hvilɛn ɉi mą.»

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Mąątɛ̨nɛ̨ 9:14

'Mą́ą́wɛli kaa, Yai-Laa! Nwɔ́ mɔ̨nɔ̨i kaa! Yai ɲówóɠaa daa naa mą́ą́! Yɛ́i ya gúlɔ haa wolo la.

Tɔɔɓɛlaa dɔlɔɔ 10:26

Salomɔn ə kɔ́ kɔ́ wotoloɠaa ŋąąkpɔn da hoo gilɛ həɠə nuą. Wotolo waa tɔ̨nɔ̨ pulu nwun nąąn mə kɛ ɲəi, da hoo gilɛ həɠə nuą waa pow kɔ́w hveelɛ, ə li ə di hee daaɠaa hu ɓɛi gɔ́laɠaɠaa kaa laa, ə daɠaa lɛɛ gwɛlɛ Ɉerusalɛmə.

Tɔɔɓɛlaa dɔlɔɔ 1:33

Tɔɔmun yɛ diɛ: «Ka ka nwun nąmu nwɔ kɔ́kulááɠaai həɠə, ka nón Salomɔn hee nwɔ́ hoohvaalən mɛ̨i, ka li la Gihɔn.

Samia Veerɛi 16:2

Tɔɔmun yɛ Siva ɓa: «Lə ɓə tii ə́ yəi?» Siva yɛ mą: «Tɔɔmun yəi bɛlɛ́n nuą hiɛ hɛn maa ɉoohvaalən veelɛi, nɛɠɛ da nwulu ɓaɠaa, ɉilɛlɛa kɔ̨nɔ̨n ni, yii ɓaa nɔɔ nwɛi, nuąi nɔi pun ɉu hiɛ kaa pai di hvįikpɛɛi, di kpələ lɔɔ li.»

Nwun mąąɓo 12:14

Avdɔn lon ɉinąą di kɛ pow nąąn, mąnįnni diɛ ɓo pow haaɓa, gəlee diɛ ɓo heeni hoohvaalən mɛ̨i. Avdɔn ə Israɛlə ɲąą wooɓo kwɛlan mɛ̨ihaaɓa yee mu.

Nwun mąąɓo 5:10

Kaai kɛ heeni hoohvaalən gwɛlɛɛɠaa mɛ̨i, kaai heeni haɠaɠaa mɛ̨i, kaai tii hiɛi bələɠaa pɔ, ka wələ too.

Dutɛrɔnome 17:16

Ka wɔ tɔɔmun gbɔ, mąą hvo nɛ̨ɛ̨li hoo kpulu kɛnɛ̨ hvo kɛ ɲəi, hvo kɛ gaa nuą tɔɔi Eziptə lɔi hu hoo kpulu kɛnɛ̨ ya mɛ̨nį ɓa. Mąąhɔlɔɓo, Yai-Laa ə kɛ kaa: «Ka hvə kpɔ kɛa pənə ka hvo ɉon a Eziptə lɔi hu pələi tii tɔ̨nɔ̨ kpɛli.»

Lonon mo 24:19

Lɔi ɲąąwooɓomun gaa kulɔi Ɉakɔbə huwuhu, yɛ daai nuą kpəli hu kala.»

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Maafîu 21:6

Galan nɛai tii də li, pələi tii Jesus ə mo la diɛ di gɛ kpɔlɔɔ tii.

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.