Maafîu 21:37 - Yálá laawoo hɛɓɛ (dc)

³⁷ Yili pulu, ɉulɔnui tii ə gbɔɔ-kpɔ lon dɛɛ, yɛ giliŋąhiɛ yɛ kɛ diɛ: ‹Gbəli hu, di kaa lii ɲɔ̨wi mą di mąąwiɛ mąąhɔlɔɓo, ɲą́ą́ nón ni.›

Yálá laawoo hɛɓɛ

³⁷ Yili pulu, ɉulɔnui tii ə gbɔɔ-kpɔ lon dɛɛ, yɛ giliŋąhiɛ yɛ kɛ diɛ: ‹Gbəli hu, di kaa lii ɲɔ̨wi mą di mąąwiɛ mąąhɔlɔɓo, ɲą́ą́ nón ni.›

Bible

³⁷ Kɛ́lɛ, è gbîŋ-loŋ tɛ̂ɛ nàa pôlu ma, ǹyɛɛi, ‘Da pâi ŋumɛ-maa tɛɛ̂i ńoŋ pɔ.’

Maafîu 21:37 Referans Kwoze

Sofoni 3:7

Ŋą́ mo gbɔ́wɔ́ ɓa, gɛ́ kɛ diɛ: «Ɉerusalɛmə, ə́ wɛi, ə́ kaa kiɛ pai mą́ą́wiɛi, ə́ ə́ wəli tɔɔ ə́ hutɔɔ woo ɓa.» A gɛ tii, nwɔ pɛlɛ́i hvo pai pui. Kɛlaa, mɛ̨nį ɓo pələ diɛ tɛitɛi, diɛ mun, di wɔ mɛ̨nį ɲɔ̨n gɛ yee ta lɔ ɓə kɛi pɛlɛi mą.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Ɉaan 1:34

Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Lukə 20:13

Viɲə nąmu yɛ diɛ: ‹Ŋą́ gɛ ləi kɛa? Gáá nwɛ̨́li kɛ mąą lon dɔ̨nɔ̨ ŋɛ̨i, tɔɔi laa. Gbəli, di kaa kiɛ pai mąąwiɛi.›

Markə 12:6

Nu tɔ̨nɔ̨ gbən lɔ ɓə kɛa lɛɛ ɉulɔnui tii yəi; ya ɓaa a non ɉulɔnu tɔ̨nɔ̨ gbən yii nwɛli ə kɛ mą. Yili ɓə kɛa ə dɛɛ a gbəli. Ə kɛi giliŋąhiɛ yɛ kɛ diɛ: ‹Gbɛli hu, di kaa lii ɲɔ̨wi mą, di mąąwiɛ, mąąhɔlɔɓo, nón ni.›

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Azaya 5:4

Lə kpɔ ɓə ŋą́ pɛli gɛi mą, ə tɛɛ yili ɓa? Ŋą́ kɛi viɲə ɓá lɛlɛɛɠaa mąąkpɔn, Lə ɓə kɛ yai ə ɓá a ɲɔ̨nwɔ̨ɔ̨?

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉeremi 36:3

Gbəli hu, Ɉuda nuą di kaa pai di wəli tɔɔi, mɔ̨nɔ̨ɠaai gɛ́ ŋį́ naa diɛ mąą mɛ̨nį ɓa, di tɛitɛi di di pulu tɔɔ di túwɔ́ pələ ɲɔ̨n diɛ; gɛ́ di kɛ nɛ̨ŋɛ̨nŋąą, da di wɔ huwu la mɛ̨nįɠaa mąą hvaalɛɛ.»

Maafîu 21:36

Ɉulɔnui tii ə pənə ə nu takpɛliɠaa tɛɛ, di tamąą, di tɛɛ dɔlɔɔɠaa diɛ, bələi tii di nu dɔlɔɔɠaa tii kɛ la, di nɛɛ buluɠaa kɛ lɔ tii.

Maafîu 21:38

«Kɛlaa, yii lɔ di gaa yɛ pa, di mo di kee lɔwai diɛ kɛ mą: ‹Nui ɉihɛn gaa pai lɛɛ ɲəi a gwɛli hɛn ya ka. Ka gu baa, ɉihɛn ə lɛɛ ka gu yəi.›