Maafîu 21:26 - Yálá laawoo hɛɓɛ (dc)

²⁶ Akɛ nwɔ̨nɔ̨ gwa kɛ mą «Nuą ɓə», yaan hvo kɛli gwa ɲɔ̨w nuą diɛ. Mąąhɔlɔɓo, nu kəlee laai na diɛ Ɉaan ə kɛ a Yálá kwəi mɛ̨nį hukulɔ mun.

Yálá laawoo hɛɓɛ

²⁶ Akɛ nwɔ̨nɔ̨ gwa kɛ mą «Nuą ɓə», yaan hvo kɛli gwa ɲɔ̨w nuą diɛ. Mąąhɔlɔɓo, nu kəlee laai na diɛ Ɉaan ə kɛ a Yálá kwəi mɛ̨nį hukulɔ mun.

Bible

²⁶ Kɛ́lɛ, kwà kɛ̀ mà, ‘È kùla núu-kpune yêei,’ kúkaa yáôi gbɔŋ-su-ƃelai dîa. Kpɛ́ni fêi, ǹûai kélee da Zɔ̂ŋ siɣe a Ɣâla ŋɔlóno-kɛ-nuu.”

Maafîu 21:26 Referans Kwoze

Markə 6:20

Herodə ə kɛi ɲɔ̨w Ɉaan ɓa. Mąąhɔlɔɓo, ə kɛ gɔlɔn yɛ Ɉaan kaa a nu mąąhəɠɛɛ, əlɛɛ, dəlimo. Herodə ə kɛi Ɉaan mɛ̨i kaa. Herodə aa kɛi kɛ Ɉaan woo mɛ̨n, gwəi ə kɛi pili mą. Kɛlaa, ə mą kɛ tii, nwoo mɛ̨n nwɛli ə kɛ lɔ mą.

Ɉaan 5:35

Ɉaan ə kɛ yɛ labon daa dɔɔ yɛ lən. Ka kɛ bɔ ka da hɔlɔɓo, ka ɲąąnɛ̨ɛ̨ gulɔ.

Maafîu 21:46

Di kɛi Jesus hon bələ kwɛli mą. Kɛlaa, diɛ ɲɔ̨w nu kpulu ɓa, mąąhɔlɔɓo, yiliɠaa di kɛi Jesus kaa a Yálá kwəi mɛ̨nį hukulɔ mun.

Maafîu 14:5

Herodə ə kɛ bɔ ə Ɉaan paa, kɛlaa ə kɛi ɲɔ̨w Ɉuifəɠaa diɛ. Mąąhɔlɔɓo, nu kəlee di kɛi Ɉaan kaa yɛ Yálá kwəi mɛ̨nį hukulɔ mun.

Maafîu 11:9

Ka li nɔi pun ɉu, lə ɓə kani ka gaa? Yálá kwəi mɛ̨nį hukulɔ mun da ɓə ka gaa? Oowei! Teą li. Gáá moi kaa, gɛnɛ̨i dɛɛ yili ɓa.

Gɛlaɠaa 5:26

Nąąlɔwai, Yálá hee pɛlɛ́ ɲąąwooɓomun ə həɠə yɛ li da ɲee pɔ nuą, ə gɛ, di gɛlaɠaa hon di pa a diɛ. Kɛlaa, di ho di yagalanmo. Mąąhɔlɔɓo, di kɛi ɲɔw, ə gɛ, di hvo nəi pa di hɔɔ a kwɛni.

Ɉaan 9:22

Ɉulɔnui tii kaa nuą di kɛi mo tii, mąąhɔlɔɓo, di kɛi ɲɔ̨w Ɉuifəɠaa diɛ. Hvó gaai, daa kɛ mo diɛ kɛ: «Nui lɔpee a kɛ diɛ: ‹Jesus kaa a Nwun mąąɓomun Yálá ə naakwɛlanmo›, da gbɛ di wɔ Yálá hvɛli pɛ́lɛ́i mu.»

Lukə 22:2

Ɉalaa laa həli nuą kpɛa-kpɛa da dɔ́n galamɔ̨ɔ̨ɠaa di kɛi Jesus paa pələ kwɛli. Kɛlaa, di kɛi ɲɔw nuą diɛ.

Lukə 20:19

Dɔ́n galamɔ̨ɔ̨ɠaa da ɉalaa laa həli nuą kpɛa-kpɛaɠaa, di gɔlɔn, diɛ kɛ, diɛ ka tii Jesus ə di mąą hanwɔ̨n ɉɔɔ, kɛlaa, di kɛi ɲɔw nuą diɛ.

Lukə 20:6

Gwa kɛ nwɔ̨nɔ̨ mą: ‹Nuą ɓə dɔɔ›, nu kpulu kaa pai gu hɔɔi a kwɛni di gu paa. Mąąhɔlɔɓo, di laai na diɛ Ɉaan ə kɛ a Yálá kwəi mɛ̨nį hukulɔ mun.»

Markə 12:12

Ɉaláá laa həli nwun nąmįną, da Farisiɛ̨ɠaa di kɛi Jesus hon gbaɠala kwɛli mą, mąąhɔlɔɓo, di gɔlɔn diɛ diɛ: Jesus ə ɉanwon tii hɔɔ di mąą mɛ̨nį ɓa. Kɛlaa, di kɛi ɲɔ̨w nu kpulu ɓa. Ya ɓə gɛ di nɛɛ laa, diɛ li.

Markə 11:32

Kɛlaa yaan, gwa kɛ mą: ‹Nuą ɓə›, hvo kɛli gu ɲɔ̨w nuą diɛ.» Mąąhɔlɔɓo, nu kəlee laai na diɛ Ɉaan ə kɛ a Yálá kwəi mɛ̨nį hukulɔ mun.

Azaya 57:11

Gbɛɛ ɓə ə́ kɛi ɲɔw mą, yɛ́ mówo kpɔ tii? Yai ə́ lənə la mą́ą́? Yai gíli hvo mą kɛa lɛɛ ə́ ɲąą? Nwɛ́i, ɉu aa kɛa, və́ kwɛi hvaa ə́ pɔ, hvo kɛ tii? Nąąlɔwai, hvó kɛli kɛa mą́ą́wiɛ.

Maafîu 21:11

Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Maafîu 21:25

Akɛti, mąąwaai ŋɛ̨i Ɉaan ə kɛi gɛi, gbɛɛ ɓə dɔɔ la; nuą ɓə? Ɓaa Yálá ɓə?» Di mo di kee lɔwai diɛ kɛ mą: «Gwa kɛ mą Yálá ɓə», gaa pai kɛi diɛ: «Lə mɛ̨nį ɓa ka hvo laa li na?»

Maafîu 21:27

Di mo kɛa Jesus ɓa, diɛ mą: «Ku hvo gɔlɔn!» Jesus yaa kpɛli yɛ diɛ: «Akɛti nui mɛ̨nįɠaa ŋɛ̨i kɛ huwalawala tɛɛ bɔ́, vá naa ɓo kaa.»