Maafîu 21:11 - Yálá laawoo hɛɓɛ (dc)

¹¹ Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Yálá laawoo hɛɓɛ

¹¹ Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Bible

¹¹ Gbɔŋ-su-ƃelai dí mò, dîyɛɛi, “Ɣâla ŋɔlóno-kɛ-nuui Zîsɛ ká ŋí, nyii kùla Nâzarɛ Galalii-lɔii sui.”

Maafîu 21:11 Referans Kwoze

Ɉaan 6:14

Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Ɉaan 7:40

Nu kpului tii kɛi Jesus woo mɛ̨n, daɠaa di kɛi kɛ diɛ: «Nui ŋɛ̨i kaa kpɔ a Yálá kwəi mɛ̨nį hukulɔ mun neelee.»

Lukə 7:16

Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Gɛlaɠaa 7:37

Moisəi ti ɓə kɛ Israɛlə nu huwu ɓa: ‹Yálá kaa pai gwəi mɛ̨nį hukulɔ mun da həɠəi ka nąn nonnii lɔwai, yɛ ɲą́ą́.›

Ɉaan 9:17

Di pənə nwɔ̨nɔ̨ diɛ ɲɛ̨ipumun ma: «Ɛlɛɛ yáán, ə́ kaa kɛi lə, nui ə́ ɲɛ̨i hvoloon, mąą mɛ̨nį hu?» Yɛ diɛ: «Yálá kwəi mɛ̨nį hukulɔ mun ni.»

Maafîu 2:23

Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Ɉaan 4:19

Nąąlɔwai, nɛ̨ɛ̨nui tii ə mo Jesus ɓa yɛ mą: «Ną́n, gáá gaai, ə́ kaa yɛ Yálá kwəi mɛ̨nį hukulɔ mun.

Ɉaan 1:21

Di pənə di mąąni kɛ diɛ mą: «Gbɛɛ ɓaa yɛ? Akɛti, Eli ɓaa yɛ?» Ə di woo ŋąą pənə yɛ diɛ: «Ya hvaa ɲą́ą́.» Diɛ nwɔ̨nɔ̨ mą: «Akɛti, yɛ ɓə a Yálá kwəi mɛ̨nį hukulɔ mun?» Ə di woo ŋąą pənə yɛ diɛ: «Kpaa-o!»

Markə 6:15

Daɠaa diɛ kɛ diɛ: «Eli ka tii. A wala kɛ tii, Yálá kwəi mɛ̨nį hukulɔ mun da lɔ li, yii gɛ pələ kaa lɔ yɛ tɔlɔɔ nwɛi ta.»

Lukə 24:19

Jesus yɛ diɛ: «Lə mɛ̨nįɠaa li?» Di nwoo ŋąąpənə diɛ mą: «Mɛ̨nįi ŋɛ̨i həli Jesus Nazarɛtə mun ma, yaa ŋɛ̨i kɛ a Yálá kwəi mɛ̨nį hukulɔ mun gɛnɛ̨, gɛ koló da vaa wooɠaa kəlee hu Yálá ɲɛ̨i ɓa da nuą kəlee.

Ɉaan 1:25

Di pənə nwɔ̨nɔ̨ di Ɉaan mąąni kɛ, diɛ mą: «Akɛ Nwun mąąɓomun Yálá ə naakwɛlanmo ya hvaa yɛ, ə lɛɛ, Eli hva nwɔ̨nɔ̨ a yɛ, hvo nwɔ̨nɔ̨ a Yálá kwəi mɛ̨nį hukulɔ mun, lə mɛ̨nį ɓa ə kaa nuą mąąwaai?»

Lukə 13:33

Gɛ pələ takpɛli hvo mą, hvo kɛli ŋą li ɲɛ̨́i tɔwɔ, háákələi, tínąą da hvəlaan. Mąąhɔlɔɓo, mąą hvo nɛ̨ɛ̨li Yálá kwəi mɛ̨nį hukulɔ mun hvo haa pələ takpɛli, akɛ Ɉerusalɛmə hvəə.

Lukə 7:39

Farisiɛ̨ tii Jesus təli kɔ̨nɔ̨n ma, yii kɛa ə yili kaa tii, ə mo gwəi pələ, yɛ kɛ mą: «Akɛ kɛ, nui ŋɛ̨i kaa kɛ a Yálá kwəi mɛ̨nį hukulɔ mun, hvo li hvaa mą, nɛ̨ɛ̨nui ŋɛ̨i hvo ɲee pɛlɛ mą, ə li gɔlɔn yɛ: wɛlikɛ nɛ̨ɛ̨nu kɛnɛ̨ li.»

Maafîu 21:10

Ɓɛlɔwai Jesus ə lɔ la Ɉerusalɛmə, daa kɛ pələ wiɛ-wiɛ, daai nuą kəlee di kɛi kɛ diɛ: «Nu lə kɛɛ ɓəi?»

Maafîu 21:26

Akɛ nwɔ̨nɔ̨ gwa kɛ mą «Nuą ɓə», yaan hvo kɛli gwa ɲɔ̨w nuą diɛ. Mąąhɔlɔɓo, nu kəlee laai na diɛ Ɉaan ə kɛ a Yálá kwəi mɛ̨nį hukulɔ mun.

Maafîu 21:46

Di kɛi Jesus hon bələ kwɛli mą. Kɛlaa, diɛ ɲɔ̨w nu kpulu ɓa, mąąhɔlɔɓo, yiliɠaa di kɛi Jesus kaa a Yálá kwəi mɛ̨nį hukulɔ mun.