Maafîu 21:1 - Yálá laawoo hɛɓɛ (dc)

¹ Ɓɛlɔwai Jesus da nwɔ kalan nɛai di kɛi həli la Ɉerusalɛmə, di tɛ taa lon da hu, yii da kɛ mą Bɛtfaze, Olivə yee koo mu. Jesus ə nwɔ kalan nɛai veelɛ tɔɔ taai yɛ diɛ:

Yálá laawoo hɛɓɛ

¹ Ɓɛlɔwai Jesus da nwɔ kalan nɛai di kɛi həli la Ɉerusalɛmə, di tɛ taa lon da hu, yii da kɛ mą Bɛtfaze, Olivə yee koo mu. Jesus ə nwɔ kalan nɛai veelɛ tɔɔ taai yɛ diɛ:

Bible

¹ Tãi dí lɛ̀ɣɛ la Zerusâlɛŋ, dí pà Bɛfazi, Ŋulɔ-wuru-yeei ma. Nya Zîsɛ è ŋɔpôlu-ƃelai veerɛ tɛ̀ɛ dítuɛ pere,

Maafîu 21:1 Referans Kwoze

Zakari 14:4

Mąą yələi tii, gaa pai gɔwɔɠaa hvilɛn ɉii Olivə yee nwuɔ̨, yai tii Ɉerusalɛmə tənən ma, voló kulɔi pələ. Olivə yee kaa pai ɓɛlai ɉɛ̨ąi, ə həɠə voló kulɔi pələ, ə li voló tooi pələ. Ɛlɛɛ, nąą mąą kaa pai pənəi a nɛ̨ŋɛ̨ lɔi kɛnɛ̨, ɲee bələ tɔ̨nɔ̨ kaa pai lii ɲələi pələ, bələ tɔ̨nɔ̨ ə li ɉɛɠɛɛ pələ.

Ɉaan 8:1

Jesus ə li Olivə yee ɓa.

Lukə 21:37

Akɛ a yələ ɓɔɔ, Jesus ə kɛi li Yálá hee pɛlɛ́ mu yɛ nuą kalan. Yələ wilii pɔ, ə kɛi li yɛ yii Olivə yee ɓa.

Maafîu 26:30

Yili pulu, nwələi wɔlɔ Moisə ni di kɛi doo pakə hɛli hu, di doo, di kulɔ diɛ tɛ Olivə yee ɓa.

Maafîu 24:3

Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Gɛlaɠaa 1:12

Ɲee ti galan nɛa di kɛ donna Jesus yɛ tɛ yələkɔlɔn ɉu naa ɓa kɛ a Olivə-yee; ɲee ti mąą hvo kɛ kwɛa li Ɉerusalɛmə ɓa, di lɔwai hiɛ a pɛli kɛi a pələ kələn dɔ̨nɔ̨. Galan nɛa di həɠə kɛa ɲee ɓa, di pa taai.

Lukə 22:39

Nąąlɔwai tii, Jesus ə kulɔ, yɛ li Olivə yee ɓa, yɛ bələi a gɛ la a bɔlɔ; nwɔ kalan nɛai di ɓo bɔ.

Markə 14:26

Di kpɛɛ kɛa a ɉɛli pu wələ toɔ, di kulɔ də li Olivə yee ɓa.

Maafîu 20:34

Di mąąwɛli ə Jesus hon, ə ɲee pɛlɛ di ɲɛ̨i, ɲąąɓa di ɲɛ̨i ə hvoloon diɛ kɛɛ kaa.

Maafîu 21:2

«Ka li, daa ŋɛ̨i ka tɔwɔ ɉu, ka káá li hoohvaalən da kaai gbulɔnɉaa non nɛ ɓo gwɛlɛ, ka volón ka pa a diɛ bɔ́.

Markə 13:3

Jesus kɛɛ heeni Olivə yee mɛ̨i, Yálá hee pɛlɛ́ tənən ma, di tɔ̨nɔ̨ konɉu nuą kɛ gwɛlɛ diɛ ɓaa: Piɛrə, Ɉakə, Ɉaan da Andre; yiliɠaai di mąąni kɛ, diɛ mą: