Maafîu 2:23 - Yálá laawoo hɛɓɛ (dc)

²³ Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Yálá laawoo hɛɓɛ

²³ Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Bible

²³ Ǹiɛɛ̂i, è sèe taa kɛ́tɛ tɔnɔ su da kɛ̂ ma Nâzarɛ, a gɛɛ mɛnii Ɣâla ŋɔlóno-kɛ-ƃelai dí mòi ŋa-see é kɛ́, “Da pâi dólîi a Nâzarɛ-nuu.”

Maafîu 2:23 Referans Kwoze

Nwun mąąɓo 13:5

Mąąhɔlɔɓo, ə́ kaa pai koo həɠəi, ə́ lon ɉulɔnu kaa, di hvo kpəŋą hiɛ nwuɔ̨, mąąhɔlɔɓo, nokoloi tii kaa pai kɛi a nui naakwɛlanmoɔ Yala ɓa, ɛlɛɛ. Ya ɓə pai Israɛlə nuą kulɔi Filisti nuą yee mu.»

Markə 1:24

«Lə ɓə ə́ kaa bɔ ə́ gɛ a kuɔ, Jesus Nazarɛtə mun? Ə kaa bɔ ə́ ku nwun napili? Ŋą ə kɔ́lɔn, gɛ́: Ə́ kaa a Yálá nwɔ nu mąąhəɠɛɛ.»

Maafîu 26:71

Yili pulu, gɛɛ həɠəi nąą gwəli, nɛ̨ɛ̨nu takpɛli ə gaa, yɛ nuą diɛ: «Nui ŋɛ̨i ə kɛ Jesus Nazarɛtə mun bɔ.»

Maafîu 1:22

Mɛ̨nįɠaa tii kəlee ə kɛ, əgɛ, mɛ̨nį Ną́mu ə mo gwəi mɛ̨nį hukulɔ mun ma, naa ə hon.

Gɛlaɠaa 24:5

Kwaa gaa kuɔ ɉulɔnui ŋɛ̨i kaa a lɔi kala ɲɔ̨n gbɔkpɔɔ, Ɉuifəɠaai kpɔ yɛnɛ̨ɛ̨ nąą kəlee a di ɲąą hee di kee ɓa. Nuąi da kɛ diɛ: Nazarɛtə lɛɛ kalan gɛ nuą, di nwun nąmu ta li.

Gɛlaɠaa 2:22

«Kaai ɓaa Israɛlə nu huwu, ka ka wəli tɔɔ nwoo ɓa: Jesus Nazarɛtə mun ŋɛ̨i Yálá ə nwɔ huwalawala lɛ kaa; mąąhɔlɔɓo, Yálá ə kpalo mɛ̨nį tamąą kɛ da kwəi pilimąą mɛ̨nįɠaa yaa ɉaalai ka lɔwai, yɛ pələi kaa kpinįi ka kili kaa la ɉu.

Ɉaan 19:19

Pilatə ə hɛɓɛ́ ta pɛ̨ɛ̨ di gbanwo Jesus nwun mɛ̨i. Ɉɛɓɛ́i tii pɛ̨ɛ̨i kɛ diɛ kɛ mą: «Jesus Nazarɛtə mun Ɉuifəɠaa di wɔ tɔɔmun.»

Ɉaan 18:7

Jesus ə pənə ə di mąąni kɛ a nįnɛ̨ yɛ diɛ: «'Gbɛɛ ɓə ka káá gwɛli?» Di nwoo pulu pənə diɛ mą: «Jesus Nazarɛtə mun mə.»

Ɉaan 18:5

Di nwoo pulu pənə diɛ mą: «Jesus Nazarɛtə mun mə.» Jesus yɛ diɛ: «Ɲą́ą́ ka.» Yaan, Ɉudasə ŋɛ̨i nɔwɔtɔɔ ə kɛ nu kpului tii pɔ.

Lukə 2:39

Ɉosɛfə da Mari yii kɛa di kpɛɛ a ɉaláá kəlee kulaa Yálá hee pɛlɛ́ mu, di pənə a di lon, də li la di pɔ taai Nazarɛtə Galile lɔi hu.

Lukə 1:26

Ɓɛlɔwai Elisabɛtə koo ə kɛ la a ɲąnįn mɛ̨ida koo, nąąlɔwai ɓə Yálá ə nwɔ malaka Gabriɛlə tɔɔ la Galile taa ta hu, diɛ kɛ nąą laa ɓa: Nazarɛtə.

Lonon mo 6:13

«Nu a gbɔwɔ laakwɛlanmo Yálá ɓa, ɉon bələ ka: Ɲələi ə gbɔwɔ laakwɛlanmo la, naakwɛlanmo hvólóɠaa tii da tɛɛ, da pa a mąą nu gee kaa kələ laaləi.

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Maafîu 21:11

Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Markə 1:9

Nąąlɔwai ɓə Jesus ə həɠə la Galile taa ta hu, yii da kɛ naa ɓa: Nazarɛtə, ə yɛ pa Ɉaan pɔ. Ɉaan ə́ mąąwaa Ɉurdɛn yá hu.

Lukə 18:37

Diɛ mą: Jesus Nazarɛtə mun ga tii tɛɛi.