Maafîu 2:22 - Yálá laawoo hɛɓɛ (dc)

²² Kɛlaa, ɓɛlɔwai Ɉosɛfə ə mɛ̨n na, diɛ kɛ mą, Arselausə ɓə hee Ɉude lɔi nwun na a tɔɔmun, a nąn bɔɔi, ə ɲɔw, hvo li laa. Yálá ə niɛwoo ɓo hįį pələ yɛ mą: 'Li Galile lɔi hu.

Yálá laawoo hɛɓɛ

²² Kɛlaa, ɓɛlɔwai Ɉosɛfə ə mɛ̨n na, diɛ kɛ mą, Arselausə ɓə hee Ɉude lɔi nwun na a tɔɔmun, a nąn bɔɔi, ə ɲɔw, hvo li laa. Yálá ə niɛwoo ɓo hįį pələ yɛ mą: 'Li Galile lɔi hu.

Bible

²² Kɛ́lɛ, tãi Zosɛ è mɛ̀ni la a gɛɛ Akelɔ ƃe lɛ̀ɛ ǹâŋ Ɛɛlɔ pɔ́ɔ ŋá Zuda-lɔii mɛi, è yào a gɛɛ é seri naa. Ǹyaŋ tãi Ɣâla e ǹia-woo ƃò la seêi-perei, è lì Galalii-lɔii-kpiniŋ su.

Maafîu 2:22 Referans Kwoze

Lukə 2:39

Ɉosɛfə da Mari yii kɛa di kpɛɛ a ɉaláá kəlee kulaa Yálá hee pɛlɛ́ mu, di pənə a di lon, də li la di pɔ taai Nazarɛtə Galile lɔi hu.

Ɉaan 7:52

Mɛlaa diɛ mą: «Yɛ́ kpɛli, Galilemun mąą a yɛ́? Yɛ́ kpinįi ya kɛ Yálá laawoo hɛɓɛ́ ɓoi, ə́ gɔlɔn kpɔ yɛ́ diɛ, Yálá kwəi mɛ̨nį hukulɔ mun hva pɛli kulɔi Galile lɔi hu.»

Maafîu 3:13

Jesus ə həɠə Galile lɔi hu, yɛ pa Ɉaan pɔ ə gɛ, yili ə mąąwaa Ɉurdɛn hu.

Maafîu 2:19

Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Azaya 30:21

Woo kaa pai kɛi tooi ka wəlii, yɛ ka tənən dɔɔ, akɛ mąąnɛ̨ɛ̨ ka li ɓa-mįi-yee hu pələ, a wala kɛti kɛɓɛyee hu pələ, yɛ kɛ kaa: «Bələ ka, 'ka ɉon na.»

Mąątɛ̨nɛ̨ 121:8

Yai-Laa a ɲɛ̨i kɛ ə́ tɛɛ pələɠaa kəlee hu, ə́ lii, da ə́ pai, ə həɠə yiihu ɓa, ə lɛɛ ɉu, ɲɛ̨n deei hva kɛ mą.

Mąątɛ̨nɛ̨ 73:24

Yɛ́ li a ɲą́ą́ ɓɛi ə́ kɛ bɔ, yili pulu, ə́ kaa pai ɉə́i mąąwiɛ pulu.

Mąątɛ̨nɛ̨ 48:14

'Ka mąąkɔ̨nwɔ̨ hįi lɛlɛ pələ kaa, 'ka dɔɔɓɛlaa yíi pɛlɛ́ɠaa lono, nuąi pai lɛɛi ka pulu, kaa pɛli kɛi diɛ:

Samuɛlə dɔlɔɔ 16:2

Samuɛlə yɛ mą: «Ŋą́ li pələ kɛ ləi? Saulə a bələ mɛ̨n, gaa pai báái.» Yai-Laa yɛ mą: «Nįŋɛ̨ kpɛla həɠə ə́ li la, yɛ́ diɛ: ‹Ŋą́ pa haláá kulɔi Yai-Laa ɓa.›

Maafîu 2:1

Jesus ə hɔlɔɓo Bɛtleɛmə daai Ɉude lɔi hu, a Herodə nwɔ tɔɔlaa yələ. Ɉɔlɔɓoɔ pulu, kilimąą nuą di həɠə hvóló kulɔi pələ, diɛ pa Ɉerusalɛmə.

Maafîu 2:21

Ɉosɛfə ə nokoloi da nee di həɠə, di pənə diɛ li Israɛlə lɔi hu.