Maafîu 2:2 - Yálá laawoo hɛɓɛ (dc)

² Di mąąni kɛ kɛ, diɛ mą: «Ɉuifəɠaa di wɔ tɔɔmun nįnɛ̨i daa gaa, gaa mį? Mąąhɔlɔɓo kwaa nwɔ pɛmɛ̨lɛ̨n gɔw kaa voló kulɔi pələ. Ku pa kwɛli hvilɛn ɉi mą.»

Yálá laawoo hɛɓɛ

² Di mąąni kɛ kɛ, diɛ mą: «Ɉuifəɠaa di wɔ tɔɔmun nįnɛ̨i daa gaa, gaa mį? Mąąhɔlɔɓo kwaa nwɔ pɛmɛ̨lɛ̨n gɔw kaa voló kulɔi pələ. Ku pa kwɛli hvilɛn ɉi mą.»

Bible

² “Zûu-ŋai díkâloŋ nyii dímaa sɔlɔ ƃó ƃɛ́ a ninai ǹyaa kɔ̀ɔ? Kpɛ́ni fêi, ku ŋɔpɛmɛlɛ̂ŋ-kaoi kâa kúlɔii-su vóloi-ƃelai-pere. Nya ƃe kú pà a gɛɛ kúƃaa-kɛ-maa tɛ́ɛ ƃɔ́.”

Maafîu 2:2 Referans Kwoze

Lonon mo 24:17

«Gáá mɛ̨nį kaai, Kɛlaa yiihu mɛ̨nį hvə li, gáá mąąkpɛɛi, kɛlaa ɲɛ̨́i mu mɛ̨nį hvə li. Pɛmɛ̨lɛ̨n-gɔw ta kaa kulɔi Ɉakɔbə huwu hu. Yɛ kɛ a tɔɔmun; tɔɔ hvili kaa muhəɠəi Israɛlə hu. Yɛ Moabə laa kpaɠa yali. Yɛ Sɛtə lonnii kəlee paa.

Ɉeremi 23:5

Yai-Laa woo ka, yɛ diɛ: «Yələ ta kaa pai həlii, gáá pai Davidə mąąpoo tɔɔi mą, yɛ pɛli nɔi ɲąąwooɓoi a tələnmolaa, yɛ tələnmolaa da tɛ̨ą di mąąkɔ̨nwɔ̨.

M̀ɛni-lɛɛi 22:16

«Ɲą́ą́ Jesus, ŋą́ nwɔ́ malakai tɔɔ, ə gɛ, ə pa a gɛla hvaa tii ɓo, yɛ hvilɛn na gbɔnŋaa kəlee diɛ. Ɲą́ą́ ɓə a Davidə huwu mąąpoo, a yələɓoi pɛmɛ̨lɛ̨n-gɔw.»

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Azaya 60:3

Hįį takpɛliɠaa kaa pai kɛi pai ə́ wɔ kɛɛ pɔ̨nɔ̨i pɔ pələ, tɔɔɓɛlaa diɛ pa, ə́ wɔ hvólói tii aa muhəɠə bɔ pələ.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Hebreu 1:6

Kɛlaa yaamun, ɓɛlɔwai ə kɛli pa Lon dɔlɔɔ lɛi la yɛnɛ̨ɛ̨ ɓa, ə mo yɛ: «Yálá ŋą malakaɠaa kəlee, 'ká kwɛli hvilɛn mą.»

Lukə 23:38

Di hɛɓɛ́ pɛ̨ɛ̨ di bɛlɛ Jesus nwun mɛ̨i diɛ kɛ mą: «Nui ŋɛ̨i kaa a Ɉuifəɠaa di wɔ tɔɔmun.»

Lukə 23:3

Pilatə ə mąąni kɛ, yɛ mą: «Akɛti, Ɉuifəɠaa di wɔ tɔɔmun mąą a yɛ́?» Jesus ə nwoo pulu pənə yɛ mą: «Ya ka tii yáá mo.»

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Lukə 19:38

Diɛ kɛ mą: «Dɔɔmun pai gu Ną́mu Yálá laa hu, lúwɔ́ kaa mą! Liilaa ə kɛ yələkɔlɔn ɉu, mąąwiɛ ə kɛ Yálá ɓa!»

Lukə 2:11

Daa ka Nwun mąąɓomun gaa, háákələi, Davidə ŋą taaleei hu, naa ɓaa a Kristə, mɛ̨nį kəlee nąmu.

Ɉeremi 30:9

Yai-Laa di wɔ Yálái ɓə di kaa pai tí mą, Davidə ə ɓo a di wɔ tɔɔmun yai gáá pai ɉeei di nwun na.

Mąątɛ̨nɛ̨ 45:11

'Ə́ wəli tɔɔ nón nɛ̨ɛ̨non, 'ə́ ɲɛ̨i hee tai, ə́ ə́ wəli tɔɔ kpɔ a nɛlɛɛ; 'Lɛ̨ą ə́ nwɔ nuą diɛ, da ə́ wɔ pɛ́lɛ́i mu nuą.

Ɉaan 9:38

Nąąlɔwai, ɉulɔnui tii ə mo mą, yɛ mą: «Ną́mu, ŋą́ą́ laa na.» Ə nɛ̨ɛ̨mą ə kwɛli hvilɛn Jesus ɓa.

Ɉaan 19:19

Pilatə ə hɛɓɛ́ ta pɛ̨ɛ̨ di gbanwo Jesus nwun mɛ̨i. Ɉɛɓɛ́i tii pɛ̨ɛ̨i kɛ diɛ kɛ mą: «Jesus Nazarɛtə mun Ɉuifəɠaa di wɔ tɔɔmun.»

Ɉaan 12:13

Di gwala laaɠaa tee diɛ paa la Jesus laa kwiɛn ɉi, diɛ kɛ mą: «Hosana! Mąąwiɛ kɛ gu Nąmu ɓa, yai pai Ną́mu Yálá laa hu, Israɛlə tɔɔmun li.»

Maafîu 27:11

Jesus ə kɛ tɔɔ ni Pilatə líílaa, yili ə mąąni kɛ, yɛ mą: «Ɉuifəɠaa di wɔ tɔɔmun ɓaa a yɛ́?» Jesus yɛ mą: «Ya ka tii ə́ mo!»

Ɉaan 20:28

Tomasə yɛ Jesus ɓa: «Ną́mu da nwɔ́ Yálá.»

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Maafîu 2:3

Ɓɛlɔwai tɔɔmun Herodə ə nwoo tii mɛ̨n na, ɉu ə pu mą kpɔ kɛnɛ̨, ə mą kɛ Ɉerusalɛmə nuą kəlee.