Maafîu 2:15 - Yálá laawoo hɛɓɛ (dc)

¹⁵ Di lɛɛ laa, ə lɛɛ la ɉu, Herodə ə haa. Yili ə kɛ tii, ə gɛ, mɛ̨nįi Ną́mu ə mo gwəi mɛ̨nį hukulɔ mun ma, naa ə hon, yai ə kɛ la mą: «Ŋą́ą́ nón ɉulɔnu təli ə kulɔ Eziptə lɔi hu.»

Yálá laawoo hɛɓɛ

¹⁵ Di lɛɛ laa, ə lɛɛ la ɉu, Herodə ə haa. Yili ə kɛ tii, ə gɛ, mɛ̨nįi Ną́mu ə mo gwəi mɛ̨nį hukulɔ mun ma, naa ə hon, yai ə kɛ la mą: «Ŋą́ą́ nón ɉulɔnu təli ə kulɔ Eziptə lɔi hu.»

Bible

¹⁵ Ǹaa ƃe è lɛ̀ɛ naa é lɛ́ɛ la zu Ɛɛlɔ é sáa. Nyiŋi é kɛ̀ a gɛɛ mɛnii Kúnuu-namui Ɣâla è mò ŋɔlóno-kɛ-nuui sârai ŋa-see é kɛ́, ǹyɛɛi, “Ŋá ńoŋ tòli ŋa gula Ize-lɔii su.”

Maafîu 2:15 Referans Kwoze

Osia 11:1

Ɓɛlɔwai Israɛlə ə kɛ la nokolo kɔ́lɔi, nwɛli ə kɛ mą́ą́; nón tii kɛ Eziptə, ŋą́ dəli.

Lɛɛ gbɔwɔ ɓa 4:22

Yá li, yá kɛ Eziptə tɔɔmun ma: ‹Mɛ̨nii Yai-Laa ə mo ya ka, yɛ: Nón dɔlɔɔ ka ŋɛ̨i a Israɛlə.

Lonon mo 24:8

Yálá ɓə Israɛlə kulɔ Eziptə lɔi hu, a vaŋą kɛnɛ̨ yɛ laŋ mįnɛ̨ mąą. Israɛlə a ɲonwoɠaa hukala, yɛ di kɔ́wɠaa kiin giin, yɛ di hon a nwɔ mɛ̨ikɔwɠaai.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Maafîu 1:22

Mɛ̨nįɠaa tii kəlee ə kɛ, əgɛ, mɛ̨nį Ną́mu ə mo gwəi mɛ̨nį hukulɔ mun ma, naa ə hon.

Maafîu 26:54

Kɛlaa, ŋą yili kɛ tii Yálá laawoo laa a hon bələ kɛ ləi? Yaan, Yálá laawoo yɛ: Hvo kɛ li, yili ə kɛ tii.»

Maafîu 21:4

Yili ə kɛ tii, ə gɛ, mɛ̨nį Yálá kwəi mɛ̨nį hukulɔ mun ə mo naa ə hon, yaa ə kɛ mą:

Maafîu 8:17

Yili ə kɛ tii, ə gɛ, mɛ̨nį Yálá kwəi mɛ̨nį hukulɔ mun Esai ə mo mąą ə hvɛɛ, yai ə kɛ mą: «Yaa ɓə ku kpɛɠiɠaa həɠə kuɔ, ə ku wɔ ɲɔ̨nŋąai həɠə a nwuɔ̨ tiɛ̨.»

Maafîu 2:23

Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Maafîu 2:19

Herodə haa pulu, Ɉosɛfə ə Yálá nwɔ malaka ta kaa hįį pələ, Eziptə lɔi hu,

Maafîu 2:17

Yili ə kɛ tii, ə gɛ, mɛ̨nį Yálá kwəi mɛ̨nį hukulɔ mun Ɉeremi ə mo, naa ə hon, yai ə kɛ la mą:

Ɉaan 19:36

Yaan, mɛ̨nį tii ə kɛ, ə gɛ, mɛ̨nį Yálá laawoo hɛɓɛ́ ə mo bɔ mɛ̨nį ə kɛ, yai ə kɛ mą: «Gɔw tɔ̨nɔ̨ kpɛli hu hvo pai yalii.»

Ɉaan 19:28

Yii kɛa Jesus ə gaa yɛ mɛ̨nį kəlee ɲąą aa pɛli, əgɛ mɛ̨nįi Yálá laawoo hɛɓɛ́ ə mo bɔ mɛ̨nį kɛ, yɛ diɛ: «Kpələ wɛli aa ɉón.»

Maafîu 26:56

Kɛlaa yili ə kɛ tii, ə gɛ, mɛ̨nįɠaai Yálá kwəi mɛ̨nį hukulɔ nuą di mo naa ə hon.» Nąąlɔwai galan nɛa kəlee di nɛɛ laa, di pu.

Gɛlaɠaa 1:16

«Ną́n nonnii, mɛ̨nįi Kili-Mąąhəɠɛɛ ə mo ɉɛɓɛ́ mąąhəɠɛɛ hu, hvo kɛli kɛ bɔ mɛ̨nį ə kɛ, yai ə bu Davidə la yɛ hvilɛn na Ɉudasə ɓa, yaai tɔɔ nuą tɔwɔ diɛ pa Jesus hon ɉii.

Maafîu 27:35

Di nɛ̨ɛ̨mą di Jesus kpanwo kolɔwa ɓa. Di mąą həɠəɠaa həɠə di ŋąąkwɛlɛ, di nwɔ həɠə muhəɠəi kɔ́ a kpɛ̨ɛ̨n.

Maafîu 2:14

Gbinii tii hu, Ɉosɛfə ə nokoloi da nee di həɠə, ə li a diɛ Eziptə lɔi hu.