Maafîu 19:26 - Yálá laawoo hɛɓɛ (dc)

²⁶ Jesus ə ɲɛ̨i hee diɛ yɛ diɛ: Yii gɛ la walaai nuą yəi, gɛ la hvo wala li Yálá yəi.

Yálá laawoo hɛɓɛ

²⁶ Jesus ə ɲɛ̨i hee diɛ yɛ diɛ: Yii gɛ la walaai nuą yəi, gɛ la hvo wala li Yálá yəi.

Bible

²⁶ Zîsɛ è díkàa, ǹyɛɛ diai, “Nyiŋi bɔri fé núu-kpune mì, kɛ́lɛ, mɛni kélee bɔri káa Ɣâla mì.”

Maafîu 19:26 Referans Kwoze

Ɉeremi 32:27

«Ɲą́ą́ Yai-Laa, ɲą́ą́ ɓə hɛn gəlee pɛli, mɛ̨nį ta kaa mɔ̨ɔ̨ laa yii vá pɛli gɛi?

Lukə 1:37

Mąąhɔlɔɓo, mɛ̨nį ta hvo walawala li Yálá yəi.»

Zôo 42:2

Gílí kaa ɉu gɛ́ yá pɛli mɛ̨nį kəlee ɓa, ɛlɛɛ mɛ̨nį ta lɔpee hva kɛ ə́ tɛɠii.

Lukə 18:27

Jesus ə di woo pulu pənə yɛ diɛ: «Yii gɛ laa walaa nu kanŋaa yəi, gɛ laa hvo wala li Yálá yəi.»

Markə 10:27

Jesus ə ŋɛ̨i hee diɛ, yɛ diɛ: «Mɛ̨nį nu yee hva pɛli mą, Yálá a pɛli gɛi. Yálá a pɛli mɛ̨nį kəlee kɛi.»

Ɉeremi 32:17

«Ée Yai-Laa nwɔ́ Yálá! Yɛ́ ɓə yələ kɔ́lɔn da lɔi di pɛli a ə́ wɔ yeewalawalaa, a ə́ yee kɔ̨nwɔ̨n ɉuwalawalaa, ə́ yee a pɛli mɛ̨nį kəlee ɓa.

Zɛnɛse 18:14

Akɛtii, mɛ̨nį ta a pɛli kɛi a nwalawalaa Yálá yəi? Gwɛlan tii pai, ŋą́ pənə ŋą́ pa ɓɛ ə́ pɔ a ɓɛlɔwai, Sara a lon ɉulɔnu hɔlɔɓo.»

Mąątɛ̨nɛ̨ 62:11

'Ka hvo ka kili lɛɛ nwąnąlɔ ɓa, 'ka hvo kɛ lɔ gilɛ ŋą, toomɛ̨i kɛ mɛ̨nį ɓa. Hɛn ə mą kɛ̨nɛ̨ ka yəi, 'ka hvo ka kili lɛɛ mą.

Lonon mo 11:23

Yai-Laa yɛ Moisə ɓa: «Gaa ə́ kwəi Yai-Laa yee hvo walawala li? Ə́ ɲɛ̨i hee laa, akɛ mɛ̨nįi ŋį́ mo, nwóó hvo pai gulɔi mą.»

Zakari 8:6

Yai-Laa, Yai-Laa Mɛ̨nį Kəlee ŋą Hééɓomun woo ka, yɛ diɛ: Akɛ, nɔi lonnii yiiɠaai daa lɛɛ, da wala kɛ mɛ̨nįɠaai tii kaai a pɛli mɛ̨nį, ɲələ a pa həlii, a kɛ tii ɲą́ą́n gbɛli mąn, vá mɔ̨ɔ̨ gaa a mɛ̨nį a pɛli kɛi? Yai-Laa Mɛ̨nį Kəlee ŋą Hééɓomun woo li.

Mąątɛ̨nɛ̨ 3:8

'Ə́ muhəɠə, Yai-Laa! 'Málo, yɛ́i a nwɔ́ Yálá! Yɛ́i yá ɲówóɠaa kəlee laa lɔwa, ɛlɛɛ, yɛ́ nwąnąlɔ nuą ɲįn ɲali.

Samuɛlə dɔlɔɔ 14:6

Ɉonatan yɛ nwɔ ɓíitiɛ̨ ɓa: «Pa gu həli gɛ́nɛ kpolɔwaɠaa tii diɛ, gbəli hu Yai-Laa kaa pai kpɔnmąą tɛɛi gu pɔ, hvo gaai, nu ə tamą, a wala kɛ tii, di hvo tamą, hɛn da hva pɛli tɔɔi Yai-Laa tɔwɔ kɔ́ nɛ̨ɛ̨ mɛ̨nį ɓa nu ɓa.»

Maafîu 19:25

Yii kɛa galan nɛa di nwoo tii mɛ̨n, di kwəi ə pili diɛ. Diɛ Jesus ɓa: «Akɛti, gbɛɛ ɓə ka ni pai ɓaloi?»

Maafîu 19:27

Nąąlɔwai, Piɛrə ə mo Jesus ɓa yɛ mą: «Akɛti kani, kuɔi ŋɛ̨i kwaa hɛn gəlee lɛɛ laa kwaa hvilɛn ə́ pulu, ku wɛi kaa pai kɛi ləi?»

Hebreu 6:6

ɛlɛɛ ə mą kɛ tii, daa həɠə laana pələ mɛ̨i, gɛ laa walaai di di yali di pulu, diɛ ɓə, da pənə nwɔ̨nɔ̨, diɛ Yálá Lon gbanwo kolɔwa ɓa a nįnɛ̨, diɛ gɛ nuą diɛ nalan.

Tɔɔɓɛlaa dɔlɔɔ 17:16

Ə həɠə ɲələi tii ɓa, nɛɠɛ hunwɔ hvo kpɛɛ nəɠi hu, nwulɔ mąą hvo yɛɛ múluun ɉu, yɛ bələi Yai-Laa ə mo la Eli ɓa, yili yɛ ɉukulɔ.