Maafîu 19:23 - Yálá laawoo hɛɓɛ (dc)

²³ Jesus ə mo nwɔ kalan nɛai diɛ yɛ diɛ: «Gáá moi kaa a tɛ̨ą, hɛn gɔw nąmu lɔ laa walaai Yálá-taa tɔɔlaa hu.

Yálá laawoo hɛɓɛ

²³ Jesus ə mo nwɔ kalan nɛai diɛ yɛ diɛ: «Gáá moi kaa a tɛ̨ą, hɛn gɔw nąmu lɔ laa walaai Yálá-taa tɔɔlaa hu.

Bible

²³ Nya ƃe Zîsɛ è mò ŋɔpôlu-ƃelai dîa, ǹyɛɛi, “Ŋa tɔ̃yâ ƃoi kâa, gbanaŋɔɔ̂i a gɛɛ tɔɔ-nuu é lí Ŋ̀âla-taa kâloŋ-laai su.

Maafîu 19:23 Referans Kwoze

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Markə 10:23

Jesus ə tinɛ̨n ə nwɔ kalan nɛai kaa gwɛlɛ, yɛ diɛ: «Hɛn gɔw nąmu lɔ laa walaai Yálá-taa tɔɔlaa hu.»

Lukə 18:24

Yii kɛa Jesus ə gaa yɛ mɛ̨nįi tii aa nui tii hviikpɛɛ, ə mo kɛa yɛ diɛ: «Ee! Hɛn gɔw nąamənąą lɔ laa walaai Yálá-taa tɔɔlaa hu!

Korɛntə dɔlɔɔ 1:26

Ną́n nonnii, káá kpinįi ka ká kpɔwɔ kaa tai, a káái Yálá aa ka təlii: Nuąi di kaa nuą ɲɛ̨i ɓa a kilikɛɲəi nuą, di hvo tamą li ká lɔwai, ə mą kɛ, nu kpɛa-kpɛaa, ɛlɛɛ, laa kɛnɛ̨ nąmįną di hvo tamą li ká lɔwai.

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Hanwon 11:28

Nui a gilitɔɔ hɛn gɔw nąmu ɓa, a too. Kɛlaa, tələnmomun a ɓuwuɓo, yɛ yá kwɛlɛ wulu.

Zĩi 2:6

Kɛlaa, ka wɛi, ká yeehowolomun mɛlɛ too. Kɛlɛi ɉɛn gɔw nąmįną ɓə da kɛ ka mɔ̨nɔ̨ɓoi-e? Kɛlɛi, diɛ lɔ ɓə nwɔ̨nɔ̨, da kɛ lii a káá kiti pɛlɛ́ la-e?.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Ɉaan 3:5

Jesus ə nwoo pulu pənə yɛ mą: «Gáá moi yɛ a tɛ̨ą, nu hva pɛli lɔi Yálá-taa tɔɔlaa hu, akɛ a wala hɔlɔɓo a yá da Kili.

Maafîu 18:3

Yɛ diɛ: «Gaa tɛ̨ą ɓoi kaa, akɛ ka wala ka kɛ pələ mąąhvalin ka hvo kɛ yɛ lɛapɛlɛɛ, ka hva pɛli lɔi Yálá-taa tɔɔlaa hu.

Maafîu 5:20

Gáá moi kaa, akɛ ka wɔ tələnmolaa a wala kɛnɛ̨ hvo tɛɛ dɔ́n galamɔ̨ɔ̨ɠaa da Farisiɛ̨ɠaa di wɛi ɓa, ka hva pɛli lɔi Yálá-taa tɔɔlaa hu.

Maafîu 21:31

Akɛti, gáá ka mąąni kɛi; nɛapəlɛɛ hveelɛi tii, nɛlɛ ɓə nąn niiɓa kɛ?» Nuą tii di Jesus nwoo ŋąąpənə diɛ mą: «Nón dɔlɔɔ tii ɓə.» Jesus ə mo kɛa diɛ yɛ diɛ: «Gáá tɛ̨ą ɓoi kaa, niihɔ̨nwɔ̨ kulɔ nuą da wɛli hon nuą di kaa pai tɛi ka tɔwɔ Yálá-taa tɔɔlaa hu.

Maafîu 19:22

Yii kɛa ə nwooɠaa tii mɛ̨n, nii ə kələn gwəi, ə pənə yɛ li. Mąąhɔlɔɓo, hɛn gɔw kɛnɛ̨ ə kɛ ɲɛ̨i.