Maafîu 19:13 - Yálá laawoo hɛɓɛ (dc)

¹³ Nuą di pa a lɛapɛlɛɛ Jesus pɔ, ə gɛ, ə ɲee laa di mɛ̨i ə Yálá hvɛli diɛ. Kɛlaa Jesus nwɔ kalan nɛai di haɉa nuąa tii diɛ!

Yálá laawoo hɛɓɛ

¹³ Nuą di pa a lɛapɛlɛɛ Jesus pɔ, ə gɛ, ə ɲee laa di mɛ̨i ə Yálá hvɛli diɛ. Kɛlaa Jesus nwɔ kalan nɛai di haɉa nuąa tii diɛ!

Bible

¹³ Nya ƃe dí pà bɔ a nîa-pɛlɛɛ a gɛɛ é ǹyée pɛlɛ dîa é Ɣâla fɛli dímaa mɛ̂ni m̀a, kɛ́lɛ, ŋɔpôlu-ƃelai dí ǹûai pá a ǹîa-pɛlɛɛi kpera.

Maafîu 19:13 Referans Kwoze

Gɛlaɠaa 2:39

Mąąhɔlɔɓo, kaa ɓə Yálá ə naakwɛlan mo kaa, da ka lonnii, ə mą kɛ nuą yiiɠaai di heɛ kaa kwɛa la, ə mą kɛ nuą yiiɠaai ku Ną́mu Yálá kaa pai di təlii.»

Korɛntə dɔlɔɔ 7:14

Mąąhɔlɔɓo, ɉulɔnui hvo a laa na mun, kalan non nɛ̨ɛ̨nu yɛ ɓo ɲəi, mąąhəɠɛɛi nɛ̨ą háálai. Ɛlɛɛ, nɛ̨ɛ̨nui hvo a laa na mun, ɉilɛ yɛ ɓo a kalan non, mąąhəɠɛɛi ɉilɛ háálai. Yili awala kɛ tii, di lonnii da kɛ yɛ hali pulu nuą; yá pa, di mąąhəɠɛɛi.

Maafîu 20:31

Nu kpului tii di kɛi di woo hupu diɛ kɛ diɛ: ka ka laa pilɛ. Kɛlaa, ə mą kɛ tii, di kɛi lɔ tómą yɛ tɛɛ dɔlɔɔ ɓa; diɛ kɛ mą: «Ną́mu Davidə Lon ku ŋɛ̨i mąąwɛli kaa.»

Maafîu 16:22

Yili pulu Piɛrə ə Jesus təli di nu hveelɛi kɛɛnąą, yɛ niɛwoo kɛ, yɛ kɛ mą: «Yálá ə ə́ mɛ̨i kaa, yili hvo pai həli yɛ́.»

Ɉeremi 32:39

Ŋą́ kiliŋąhiɛ tɔ̨nɔ̨ too diɛ, di hiɛ pələ ə ɓo tɔ̨nɔ̨, diɛ mą́ą́wiɛ a yələ kəlee; yili a kɛ diɛ a nwun na nɛ̨ɛ̨, da di lonnii pai lɛɛi di pulu di wɔ nwun na nɛ̨ɛ̨.

Samuɛlə dɔlɔɔ 1:24

Yii kɛa ə naa kulɔ ɲįnį ɓa, ə ɉəɠə ə bɛlɛ kwɛlan ɉaaɓa nįŋɛ̨ hilɛ tɔ̨nɔ̨ ɓa, da lɛɠɛ hunwɔ̨ gəgən ɉu tɔ̨nɔ̨ ɓa, da lɔɔyá ləɠi tɔ̨nɔ̨, ə nokoloi lɔ Yai-Laa hee pɛlɛ́ mu ə kɛ laa a naa tíɓo kɛ mun da.

Zɛnɛse 48:1

Mɛ̨nįɠaai tii kəlee tɛɛ pulu, diɛ Ɉosɛfə ɓa: «Ə́ nąn gaa ɲɔ̨n gɛi.» Ɉosɛfə ə nɛɛ mą, ə nonnii hveelɛi həɠə, Manase da Ɛfraimə da diɛni di li.

Maafîu 19:12

Mąąhɔlɔɓo, mɛ̨nįi a gɛ nu tamąą di hva nɛ̨ą hee nwun damąąi. Da daɠaa kaa, hulɔnu laa hva kɛ di yəi, daɠaa diɛn, nuą ɓə da hulɔnu laa kulɔ di yəi, daɠaa nwɔ̨nɔ̨, di hva gɛ di hvo nɛ̨ą hee Yálá-taa tɔɔlaa mąą mɛ̨nį ɓa. Nui a pɛli niɛwoo ŋɛ̨i hon ɉi, ə ɉon.»