Maafîu 17:1 - Yálá laawoo hɛɓɛ (dc)

¹ Hvóló mɛ̨ihveelɛ tɛɛ pulu, Jesus ə Piɛrə, Ɉakə da nəɠə Ɉaan ni həɠə ə li a diɛ yee ta tona, di tɔ̨nɔ̨ kɛɛ naa.

Yálá laawoo hɛɓɛ

¹ Hvóló mɛ̨ihveelɛ tɛɛ pulu, Jesus ə Piɛrə, Ɉakə da nəɠə Ɉaan ni həɠə ə li a diɛ yee ta tona, di tɔ̨nɔ̨ kɛɛ naa.

Bible

¹ Ɣele-kuu lɔ́ɔlu mɛi da tɛ́ɛ pôlu ma, Zîsɛ è Pitɛ sìɣe da Zĩi é pɛ́lɛ ǹêɣe Zɔ̂ŋ ma é lí a dia yée tɔ́ɔ tɔnɔ ma dítee-tee kwaa ma.

Maafîu 17:1 Referans Kwoze

Maafîu 26:37

Gɛɛ lii, ə Piɛrə da Zebede lon ɉinąą hveelɛi həɠə, da diɛni də li. Jesus ə lɛɛ lɔ laa, lii kələn gwəi da liihɛlɛn ə gɔwɔ tɔɔ yɛ too mą.

Markə 5:37

Jesus hvo hvaa mą nui lɔpee ta hvo hvilɛn bulu, hvo kɛli Piɛrə, Ɉakə da nəɠə Ɉaan.

Piɛrə veelɛ 1:18

Kuɔ kpinįi ku nwoo ti mɛ̨n yɛ həɠə yələkɔlɔn ɉu, yɛ həɠə Yálá nwɔ yeei ɓa.

Korɛntə veelɛ 13:1

Gáá pai ká pɔɔli a ɉaaɓanąn. Mɛ̨nį kəlee ɲɛ̨i kaa pai kulɔi, nu hveelɛ, ɉaaɓa ŋą kɛla woo mɛ̨i.

Lukə 8:51

Ɓɛlɔwai Jesus ə həli la Ɉairusə yəi bɛlɛ́ laaləi, hvo hvaa mą nui lɔpee ta hvo lɛɛ bɔ di hvo lɔ bɛlɛ́n, hvo kɛli, Piɛrə, Ɉaan, Ɉakə, ə lɛɛ, da nokoloi nąn da nee.

Maafîu 17:2

Di lɛɛ lɔ laa, Jesus ɲɛ̨i laa mąą ə hvalin. Yɛ lən yɛ hvóló. Mąą həɠə ə kwələ yɛ kɛɛ pono.

Markə 13:3

Jesus kɛɛ heeni Olivə yee mɛ̨i, Yálá hee pɛlɛ́ tənən ma, di tɔ̨nɔ̨ konɉu nuą kɛ gwɛlɛ diɛ ɓaa: Piɛrə, Ɉakə, Ɉaan da Andre; yiliɠaai di mąąni kɛ, diɛ mą:

Piɛrə veelɛ 1:16

Gáá moi kaa, ku hvo kɛ hvilɛn ni li lɛɛ pɔlɔ-kiliinŋąa pulu, ə gɛ, ku gu Ną́mu Jesus Kristə pa mɛ̨nį nwɔ huwalawala lɛ kaa, kɛlaa, kuɔ kpinįi ku nwɔ mąąwiɛ kaa a ku ɲɛ̨ikɔw.