Maafîu 16:6 - Yálá laawoo hɛɓɛ (dc)

⁶ Jesus ə mo diɛ yɛ diɛ: «'Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Yálá laawoo hɛɓɛ

⁶ Jesus ə mo diɛ yɛ diɛ: «'Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Bible

⁶ Nya ƃe Zîsɛ è mò dîa, ǹyɛɛi, “Ka kámɛi káa a Faresii-ŋai da Sâdusii-ŋai díkpolo-tɛ-sɛŋ.”

Maafîu 16:6 Referans Kwoze

Lukə 12:1

Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Galatə 5:9

«Lɛɠɛ dɛ hɛn nogolo a pɛli ə lɛɠɛ kpɔlɔ kɛnɛ̨ tɛ!»

Markə 8:15

Jesus ə di liɛwoo ɓo yɛ diɛ: «'Ka gɛ a nɛlɛɛ: ka ka kpɔɔ mɛ̨i kaa Farisiɛ̨ɠaa da Herodə ni di wɔ lɛɠɛ tɛ hɛn mąą mɛ̨nį ɓa.»

Maafîu 16:12

Yili pulu di gɔlɔn kɛa diɛ, lɛɠɛ tɛ hɛn vəi Jesus ə kɛ mą. Kɛlaa, Farisiɛ̨ɠaa da Sadusiɛ̨ɠaa di wɔ kalan gɛ pələ ɓə ə kɛ mą.

Levetekɔ 2:11

«Ɉaláá hɛnŋąąi kpɔ ka káá pai kɛi Yai-Laa kɔ́i la ka hvo lɛɠɛ tɛ hɛn bu da hu. Mąą hvo nɛ̨ɛ̨li da kɛi Yai-Laa kɔ́ hɛn gələn, lɛɠɛ tɛ hɛn da kwɛ̨in nwulɔ di hvo kɛ da hu.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Maafîu 16:1

Farisiɛ̨ɠaa da Sadusiɛ̨ɠaa di pa ə gɛ, di Jesus hon nwoo hu. Di mo mą diɛ mą: «Mɛ̨nį ta kɛ, yii kwa gaa kuɔ ə́ wɔ huwalawalai ə həɠə Yálá pɔ.»

Maafîu 16:5

Jesus nwɔ kalan nɛai di kɛɛ lii bówa pulu pələ, di lɛ̨ą di hvo lɛɠɛ həɠə.

Maafîu 16:7

Galan nɛa kwəi ə pili diɛ, diɛ kɛ di kee ɓa: «Akɛti, nɛɠɛi tii gu hvo ɉəɠə li mąą mɛ̨nį ɓə gɛi yɛ mo la tii?»

Maafîu 16:11

Akɛti, lə mɛ̨nį ɓa ka hvo gbaɠala kaa li kaa kɛ diɛ: Lɛɠɛ yii gaa a kɔ̨nɔ̨n, mąą mɛ̨nį hvəə gáá yili ɓoi la kaa. Ka gɛ a nəlɛɛ Farisiɛ̨ɠaa da Sadusiɛ̨ɠaa di wɔ lɛɠɛ tɛ hɛn mąą mɛ̨nį ɓa.»

Ɉaan 4:33

Galan nɛa di mo kɛa di kee lɔwai diɛ kɛ mą: Nu ta a kiɛ kɔ̨nɔ̨n dɛɛ bɔ a mį́į́.