Maafîu 16:17 - Yálá laawoo hɛɓɛ (dc)

¹⁷ Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Yálá laawoo hɛɓɛ

¹⁷ Jesus ə mo Piɛrə ɓa, yɛ mą: «Simɔn, Ɉonasə lon ɉulɔnu, ə́ nwun na nɛ̨ɛ̨i; mąąhɔlɔɓo dɛ̨ą ŋɛ̨i yaa mo, nu hvəə a nɛ nu ɓa; hvɛɛ Ną́n Yálá yai gaa yələkɔlɔn ɉu, ya ɓə a pɛli nɛi nu ɓa.

Bible

¹⁷ Nya ƃe Zîsɛ è ŋ̀óo zu tòo, ǹyɛɛ mai, “Lûwa káa yâ Zôna ǹóŋ Samaŋ! Kpɛ́ni fêi, núu-kpune fé m̀ɛnii ŋí lɛ ni yâ, kɛ́lɛ, Ŋáɣâla-taa-Naŋ ƃe ǹɛ yâ.

Maafîu 16:17 Referans Kwoze

Ɉaan 6:45

Yálá kwəi mɛ̨nį hukulɔ nuą di bɛ̨ɛ̨ diɛ mą: ‹Yálá ɓə pai di kilaa pono.› Nui pai ną́n nwoo mąn ɉi, ə ɲąą kaa, ə ɲee hee mu, a pa bɔ́.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Galatə 1:16

ə Non nɛ mą́ą́, ə gɛ, ŋį́ mąą wɛlɛɛ lɛlɛɛ laa həli huwu takpɛliɠaa diɛ, və́ nwún dɔɔ a nui lɔpee ta;

Korɛntə dɔlɔɔ 15:50

Yii gɛ́ ŋą́ mo káá, ną́n nonnii, ya ka: Kɔlɔ da ɲąmą di hva pɛli Yálá-taa tɔɔlaa hɔlɔɓoi. Hɛn gɔhɔɓoɔ, hva pɛli hɛn mąąhəɠɛɛ ɉɔlɔɓoi.

Ifisiɛŋ 3:5

Mɛ̨nį loɔ ti Yálá hvo ɉu pono tɔwɔ-tɔwɔ nuą ɲɛ̨i ɓa, yɛ bələi aa nɛ la kɛa yiihu nwɔ Kilii háálai nu mąąhəɠɛɛɠaai a gɛlaɠaa da gwəi mɛ̨nį hukulɔ nuą diɛ.

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Zɔ̂ŋ Maa-ŋuŋ 4:15

Nui lɔpee a mo yɛ kɛ: Jesus kaa a Yálá Lon, Yálá kaa mąą nu hu, ɛlɛɛ, yɛ ɓo Yálá hu.

Piɛrə dɔlɔɔ 5:1

Nu pɔlɔ-pɔlɔɠaai ká lɔwai, diɛ ɓə gáá di hvaŋąlɔi, ɲą́ą́i a nu pɔlɔ-pɔlɔ yɛ diɛ, ŋį́ ɓo a mɔ̨nɔ̨i tii Kristə ə mįi, mąą kɛla, mąąwiɛ laai pai tooi pono ŋą, nwɔ́ nąą kaa ɉu:

Ifisiɛŋ 2:8

Mąąhɔlɔɓo, ká ɓaloɔi laa na laa háálai, a mɛ̨inɛ̨ɛ̨, ká hvo kɛ mɛ̨nį ta kɛ li ɉu, Yálá yəi mɛ̨inɛ̨ɛ̨ li.

Ɉaan 1:42

Ə niɛ hon a ɲee da yaa di pa Jesus pɔ. Jesus ə ɲɛ̨i hee kpɔ Simɔn ɓa a ɉu kwɛa, yɛ mą: «Ə laa ɓaa Simɔn, Ɉaan lon maa yɛ. Kɛlaa ə́ laa ɓaa pai kɛi a Sefasə» (mukulaa ɓaa: Piɛrə, a wala kɛti: hvaɲą.)

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Ifisiɛŋ 6:12

Nu kan hvə gu kaa kɔ pɛlɛi mą, kɛlaa, ɲɛnɛ̨ɛ̨ hu kpiniɛ ŋɛ̨i ɲąąwooɓo kili, ɉu hvaŋą, ɉu heeɓolaai tɔɔlaa kɛi, mɛ̨nį ɲɔ̨n gɛ kiliɠaai di kaa yələ kwəi, diɛ ɓə.

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»