Maafîu 15:36 - Yálá laawoo hɛɓɛ (dc)

³⁶ Ə nɛɠɛ mɛ̨ihveelɛi tii həɠə da Ɉɔwɔleeɠaa, ə Yálá mąmąɓo. Yili pulu, ə gəlee hu tee-tee ə dɛɛ nwɔ kalan nɛai pɔ, yɛ diɛ: «Ka ŋąąkwɛlɛ nuą diɛ.»

Yálá laawoo hɛɓɛ

³⁶ Ə nɛɠɛ mɛ̨ihveelɛi tii həɠə da Ɉɔwɔleeɠaa, ə Yálá mąmąɓo. Yili pulu, ə gəlee hu tee-tee ə dɛɛ nwɔ kalan nɛai pɔ, yɛ diɛ: «Ka ŋąąkwɛlɛ nuą diɛ.»

Bible

³⁶ È gbólo-kpâla lɔ́ɔlu mɛi feerɛi siɣe da nyɛ̃ɛi é sɛɣɛ̂i-fei tɛɛ é díɣale-ɣale é dítɛɛ ŋɔpôlu-ƃelai pɔ, ŋɔpôlu-ƃelai dí dítɛɛ ǹûai pɔ.

Maafîu 15:36 Referans Kwoze

Lomaŋ 14:6

Nui a yələ ta hviala ɓo, a gɛ ti yɛ gu Nąmu mąąwiɛ la. Nui a hɛn gəlee mįi, a gɛ tii, yɛ gu Nąmu mąąwiɛ la. Mąąhɔlɔɓo, a Yálá hɛɠɛɛɓo, gɔ̨nɔ̨n ti mąą mɛ̨nį ɓa. Nui hva hɛn gəlee mįi a gɛ ti, yɛ gu Nąmu mąąwiɛ la, yɛ Yálá hɛɠɛɛɓo.

Lukə 22:19

Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Gɛlaɠaa 27:35

Moi Polə ə mo tii, ə lɛɠɛ həɠə, ə Yálá hɛɠɛɛɓo nu kəlee ɲɛ̨i ɓa, ə ɉu yali, yɛ kɛa mįi.

Ɉaan 6:11

Jesus ə nɛɠɛɠaa tii həɠə, ə Yálá hɛɠɛɛɓo, ə ŋąąkwɛlɛ nu kəlee diɛ. Pələ lɔ ɓə ə gɛ la a ɉɔ̨nwɔ̨lee, ə ɲąąkwɛlɛ diɛ, nu kəlee di ɉɔlɔɓo yɛ pələi di kɛ la bɔ.

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Samuɛlə dɔlɔɔ 9:13

Ka lɛɛ kpɔlɔɔ tɛi taai, ka li ka həli mą, hvo tɛɠa kɛ pai lii ɉala kulɔi pələ. Mąąhɔlɔɓo, yaa tii ɓə nuą kaa mąąkpɔn ɉii; di hva pɛli kɔ̨nɔ̨n mįi dɔwɔ. Gbala ə tɔɔ, ya ɓə mąąnɛ̨ɛ̨ ə lúwɔ́ too ɉaláá kɔ̨nɔ̨n ma. Yili kɛɛ pulu ɓə, nuąi di di təli, da pɛli kɔ̨nɔ̨n mįi la. Ka li kɛa, nwɛi tii, ka káá lii gaai háákələi.»

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Lukə 24:30

Di kɛɛ yələ wilii laa mį́į́ kɛi da Jesus ni, Jesus ə Yáláhɛɠɛɛɓo nɛɠɛ tii mąą mɛ̨nį ɓa, ə ɉu tee ə nu kəlee nwɛi tɛɛ pɔ.

Lukə 22:17

Yili pulu, ə gbələ hɛnɲąŋą həɠə, ə́ Yálá hɛɠɛɛɓo, yɛ diɛ: «Ka ɉon, nu kəlee ə da kpələ.

Maafîu 14:19

Yii kɛa di dɛɛ bɔ, ə mo diɛ yɛ diɛ: 'Ka mo nuą ŋɛ̨i diɛ, di kəlee di hee nɔi ɓa. Yili pulu, ə nɛɠɛ lɔɔli da Ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo. Yili pulu ə ɉu tee-tee ə dɛɛ nwɔ kalan nɛai pɔ, yɛ diɛ: Ka ŋąąkwɛlɛ nu kəlee ɓa.

Maafîu 15:35

Ə mo nuą diɛ yɛ diɛ: «'Ka hee nɔi ɓa.»

Korɛntə dɔlɔɔ 14:16

Gbala ə tɔɔ, ɉį́iwooi gáá moi, ŋą́ kɛli lúwɔ́ kɛ ɉu, nuą di hvo gɔlɔn, da hvaa pələ kɛ ləi núwɔ́ mu? Mąąhɔlɔɓo, mɛ̨nįi ə́ kaa moi, hvo di mɛ̨n ɉii.