Maafîu 15:31 - Yálá laawoo hɛɓɛ (dc)

³¹ Nu kpului tii kəlee kwəi ə pili diɛ ɓɛlɔwai di muugbɛɠaa kaa la diɛ hvaa, kɔ́wɔ nwąną ɲɔ̨n gɛ nuą diɛ hiɛ, ɲɛ̨i pu nuą diɛ kɛɛ kaa, yiiɠaai kpɛɠi ɲɔ̨n ə kɛ diɛ, di ŋąą pɛliɛ. Di kəlee di kɛi Israɛlə nwɔ Yálá mąmąɓo.

Yálá laawoo hɛɓɛ

³¹ Nu kpului tii kəlee kwəi ə pili diɛ ɓɛlɔwai di muugbɛɠaa kaa la diɛ hvaa, kɔ́wɔ nwąną ɲɔ̨n gɛ nuą diɛ hiɛ, ɲɛ̨i pu nuą diɛ kɛɛ kaa, yiiɠaai kpɛɠi ɲɔ̨n ə kɛ diɛ, di ŋąą pɛliɛ. Di kəlee di kɛi Israɛlə nwɔ Yálá mąmąɓo.

Bible

³¹ Gbɔŋ-su-ƃelai lá è kpàla dîa, tãi dí mûgbɛ-ƃelai kâa la díkɛ lono, ŋoŋo-saa maa-ƃelai ƃaloɔɔ, gɔɔ-pu-ƃelai díkɛ sia, ŋɛi-pu-ƃelai díkɛ kwaa kaai. Nya ƃe dí Eezuɛ-ŋai Díɣâlai ŋɔfólo-laai maa tɛ̂.

Maafîu 15:31 Referans Kwoze

Maafîu 9:8

Yii kɛa nu kpului tii ə yili kaa, di ɲɔ̨w, diɛ mąąwiɛ tɛɛ Yálá pɔ, yaai a ɉuwalawalai taaləi tii tɛɛ nuą pɔ.

Lukə 18:43

Ŋąąɓa, ɲɛ̨i ə kɛɛ kaa. Ə hvilɛn Jesus pulu, yɛ Yálá hɛɠɛɛɓo. Nu kpului tii kɛ laa, gəlee di mɛ̨nį tii kaa; diɛ kpɛli diɛ Yálá hɛɠɛɛɓo.

Lukə 7:16

Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Maafîu 18:8

«Akɛ ə́ yee a wala kɛ tii, ə́ kɔ́wɔ, a kɛi kɛ əí lan, əí too nɛ̨ŋɛ̨n ɉu, dee yɛ́, ə́ bili kwɛala. Mąąhɔlɔɓo, viɛlaɓoɔi ə́ yee a wala kɛ tii, ə́ kɔ́wɔ ə lɛɛ yɛ́ tɔ̨nɔ̨ ə́ li Yálá pɔɔli liilaa hu, ə tɛɛ, ə́ nąą kəlee ɲąąpɛliɛ ɓa diɛ bili ɉahanąmą nwɔ̨n ɉu.

Maafîu 9:33

Jesus ə ɲį́nɛ̨n tii kpɛ. Ɉulɔnui tii yɛ kɛa hvaa. Nu kpului tii kəlee kwəi ə pili diɛ, diɛ kɛ: «Ee! Ku hvo ta yii mąą mɛ̨nį ɲɔ̨nwɔ̨mą da kaa li, Israɛlə lɔi hu.»

Ɉaan 9:24

Ɉulɔnui tii kɛ ɲɛ̨ipuɔ, Farisiɛ̨ɠaa di pənə nwɔ̨nɔ̨ di də li, diɛ mą: «Yálá mąąwiɛ. Mąąhɔlɔɓo, ku wɛi ku gɔlɔn kuɔ gaa a nɛ̨ŋɛ̨n ɉəɠəmun.»

Lukə 14:21

«Góló kɛmun tii ə pənə ə pa nąmu pɔ, ə nwooɠaa tii kəlee hukulɔ mą. Bɛlɛ nąmui tii ə nii ŋąnwąną kpɔ kɛnɛ̨, ə mo nwɔ tímun ma, yɛ mą: ‹'Li gwəli hɛ̨ąiɠaa ɓa, daa pɔ, nui lɔpee yá kwiɛn na, ə́ mo mą; ə kɛ a: yeehvowolomun, ə kɛ kpɛɠiimu, ə kɛ a ɲɛ̨ipumun, mo diɛ di pa ɓɛ.›

Lukə 14:13

Kɛlaa, yaa kɛi nuą təli hɛli kɔ̨nɔ̨n ma, gɛ a yeehvowolo nuą, kpɛɠii ɲɔ̨n gɛ nuą, kɔ́wɔ nwaną nuą da ɲɛ̨ipu nuą.

Markə 9:43

Akɛ ə́ yee a kɛi kɛ ə́ ə́ həɠə pələ ɓa, ə́ ə́ too nɛ̨ŋɛ̨ ɉu, dee yɛ ə́ bili. Mąąhɔlɔɓo, viɛlaɓoɔi ə́ yee ə lɛɛ yɛ́ tɔ̨nɔ̨ ə́ li Yálá-taa,

Markə 7:37

Nuą tii di kwəi ə pili diɛ ə tɛɛ gɛi ɓa. Diɛ kɛ diɛ: «Gɛ mɛ̨nįɠaa kəlee lɛlɛɛi hvo gaai, gaa wəli wolo nuą wəli hvólóon ɉi, yɛ muųgbɛɠaa laa hvaa.»

Markə 2:12

Ɲąąɓa, ɉulɔnu tii ə́ muhəɠə, ə li ɲei bɛlɛ́ laaləi. Nu kpului tii kɛ laa di kəlee di ɲɛ̨i ɓa. Di kəlee di kwəi ə́ pili diɛ, diɛ mąąwiɛ tɛɛ Yálá pɔ, diɛ kɛ mą: «Ku hvo ta mɛ̨nįi ŋɛ̨i ɲɔ̨nwɔ̨mąn da kaa li.»

Maafîu 21:14

Ɲɛi pu nuą da kɔ́wɔ nwąną nuą di lɛɠɛ Jesus ɓa Yálá hee pɛlɛ́ mu ə di kɔ́lɔi pono.

Mąątɛ̨nɛ̨ 50:23

Nui a mɛ̨inɛ̨ɛ̨ hu kɔlɔnŋąą kɛ a nwɔ haláá hɛn, gaa mą́ą́wiɛi, ɛlɛɛ, nui a ɉiɛ pələ ɲɛlɛ kɛ, ya ɓə ŋą́ Yálá ŋą ɓalo mɛ̨nįi ɲąąnɛ̨ɛ̨ lɛ mą.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Lɛɛ gbɔwɔ ɓa 24:10

Di Israɛlə nwɔ Yálái kaa, gɔwɔ mu ə kɛi lən yɛ da diamąn pɛlɛ laa, dɛɠiɛ yɛ yələkɔlɔn.

Zɛnɛse 33:20

Ə haláá kulɔi pɛli gɛɛnąąi tii, ə naa hee a: Yálá, Israɛlə nwɔ Yálá.

Zɛnɛse 32:28

Yɛ Ɉakɔbə ɓa: «Ə́ laa ɓaa a gbɛɛ?» Ɉakɔbə yɛ mą: «Náá ɓaa Ɉakɔbə.»

Maafîu 8:10

Yii kɛa Jesus ə nwoo tii mɛ̨n, yili ə nii hon gbɔ kpąą. Nuą ŋɛ̨i kɛ bulu, ə mo diɛ, yɛ diɛ: «Gáá tɛ̨ą ɓoi kaa, və́ ni naa na laa huwui ŋɛ̨i ta kaa li Israɛlə lonnii lɔwai.

Maafîu 9:32

Ɓɛlɔwai Jesus da nwɔ kalan nɛai di kɛ la bɔ də li, nuą di pa a hulɔnu ta bɔ muugbɛ ɲįnɛ̨n yɛ ɓo bulu.

Maafîu 15:30

Nu kpulu kɛnɛ̨ ə həɠə yɛ pa bɔ. Daɠaa diɛ pa a di wɔ kɔ́wɔ nwąną ɲɔ̨n gɛ nuą, daɠaa diɛ ɓo a ɲɛ̨i pu nuą, daɠaa diɛ ɓo a muugbɛ, daɠaa diɛ ɓo a kpɛɠii ɲɔ̨n gɛ nuą, ə lee, da ɲɔ̨n ɉuwu lɔpee gəlee kɛ nuą. Di pa a diɛ di di pu Jesus kɔ́wɔ, mu ɲee kɔ́wɔ la, ə gəlee kɔ́lɔi pono.