Maafîu 15:11 - Yálá laawoo hɛɓɛ (dc)

¹¹ Hɛn nɔpee nu a dɛ na, hva mąą liɓi. Kɛlaa, yii a kulɔ nu la, ya ɓə a mąąliɓi.»

Yálá laawoo hɛɓɛ

¹¹ Hɛn nɔpee nu a dɛ na, hva mąą liɓi. Kɛlaa, yii a kulɔ nu la, ya ɓə a mąąliɓi.»

Bible

¹¹ Sɛŋ a lɔ̂ núu kponôi va gara. Kɛ́lɛ, zɛŋ a kûla núu lái, ǹyaa ƃa gàra.”

Maafîu 15:11 Referans Kwoze

Markə 7:15

Hɛn nɔpee nu a dɛ na, yili hva gɔhɔɓo. Kɛlaa, yii a kulɔ nu la, ya ɓə a nu kɔ́hɔɓo.

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Mąątɛ̨nɛ̨ 12:2

Yai-Laa, 'pa kilɛ-mą́ą́! Tələnmo nuą daa kpɛɛ, tələnmo mɛ̨nį aa kpɛɛ nu kanŋaa lɔwai.

Mąątɛ̨nɛ̨ 10:7

Nɛŋɛ̨n naa woo, nu ɓowɔ mɛ̨nį, da wea mɛ̨nį lɔ ɓə na.

Lomaŋ 14:20

Hvo Yálá ŋą kólói kala a kɔ̨nɔ̨n mɛ̨nį. Gəlee mąąhəɠɛɛi tɛ̨ą li, kɛlaa, kɔ̨nɔ̨n yá mįi yɛ ə́ ɓɛlan nwɔ kiliŋąhiɛ həɠə Yálá kɔ́lɔn bələ ɓa, yili ɓə ɲɔ̨nwɔ̨ɔ̨.

Hebreu 13:9

'Ká hvo ka kpɔwɔ lɛɛ laa, kalan bələ takpɛli hu wooɠaa di hvo ká həɠə tɛ̨ą pələ mɛ̨i. Mąąhɔlɔɓo, viɛlaɓoɔi, nu lii ə pilɛ a Yálá yəi mɛ̨inɛ̨ɛ̨, ə tɛɛ la, koolon gɔ̨nɔ̨n ma, yai, ŋą tɔn ɉon nuą di hvo ta dɔlɔ kaa lii.

Lomaŋ 14:14

Náái na, gíli la teɛ kpɔ gu Ną́mu Jesus laa hu gɛ́ diɛ: hɛn lɔpee ta hvo kɔ́hɔɓo li, kɛlaa, nui a gaa yɛ gɔhɔɓoɔi, yaa tɔ̨nɔ̨ lɔ ɓə kɔ́hɔ ɓoɔi ɲɛ̨i ɓa.

Azaya 37:23

Gbɛɛ ɓə tii ə́ nalan yɛ mɛlɛ kpɛɛ mąi? Gbɛɛ ɓə tii ə́ kɛi ə́ woo həɠə mąi? Ɛlɛɛ, yɛ́ ɲɛ̨itɛ kulɔ lai? Israɛlə nwɔ Mąąhəɠəmun ɓə.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.

Taitɔ 1:15

Mɛ̨nį kəlee mąąhəɠɛɛi, nuą di mąąhəɠɛɛi di ɲɛ̨i ɓa. Kɛlaa, nuą di kɔ́hɔɓoɔ, di hvo bɔ di hvo laa na laa kɛ, mɛ̨nį ta mąą hvo həɠə li di ɲɛ̨i ɓa. Kɛlaa yaamun, di wɔɔ nwun-gɛ-ɉulaa, da di kili ɓə gɔhɔɓoɔ.

Maafîu 15:10

Yili pulu, ə nu kpului tii təli yɛ diɛ: «Mɛ̨nįɠaa ŋɛ̨i gáá moi kaa, ka ka wəli tɔɔ ka mɛ̨n a nəlɛɛ.

Maafîu 15:12

Jesus nwɔ kalan nɛai di lɛɠɛ mą diɛ mą: «Ə́ gɔlɔn yɛ diɛ mɛ̨nįɠaa ŋɛ̨i ə́ mo Farisiɛ̨ɠaa, diɛ aa kɛ yɛ kwɛi kɔ́wɔ a kpəɲan di tɔwɔ?»

Timote dɔlɔɔ 4:3

Di pai tɔn dɔɔi hilɛtai mɛ̨nį ɓa, diɛ tɔn dɔɔ kɔ̨nɔ̨n daɠaa diɛ, ya pa, Yálá ə di pɛli, laa na nuąi álá kɔlɔn a neelee, da kɛli mįi, diɛ Yálá mąmąɓo.