Maafîu 14:23 - Yálá laawoo hɛɓɛ (dc)

²³ Nu kpului tii liɛɛ pulu, Jesus ə tɛ yee kpukpu ta ɓa, yɛ Yálá hvɛli yaa tɔ̨nɔ̨; kpinį yɛ kɛa pɛlɛ.

Yálá laawoo hɛɓɛ

²³ Nu kpului tii liɛɛ pulu, Jesus ə tɛ yee kpukpu ta ɓa, yɛ Yálá hvɛli yaa tɔ̨nɔ̨; kpinį yɛ kɛa pɛlɛ.

Bible

²³ Tãi è ǹûai tɛ̀ɛ la dí liî, è lì ǹyéei ma ǹyaa tɔnɔ kwaa ma é Ɣâla fɛli. È lɛ̀ɛ naa ǹyaa tɔnɔ ɣele-wulii é kɛ́.

Maafîu 14:23 Referans Kwoze

Lukə 6:12

Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Markə 6:46

Yii kɛa Jesus ə nuą tii tɔɔ pələi, ə tɛ yee kpukpu ta tonna yɛ Yálá hvɛli yaa tɔ̨nɔ̨.

Maafîu 26:36

Yili pulu Jesus da nwɔ kalan nɛai də li kɛɛnąą ta, diɛ kɛ nąą laa ɓa Gɛtsemani. Yɛ diɛ: «Ka hee ɓɛ, gáá mą́ą́ tɛi tɔwɔ ŋį́ Yálá hvɛli.»

Maafîu 6:6

Kɛlaa, yɛ́ ə́ wɛi, yá kɛi Yálá hvɛli, lɔ ə́ yəi bɛlɛ́n, ə́ naa kpulu; ə́ Ną́n Yálái gaa laa ə́ pɔ loo hu, vɛli. Yaa tii a loo mɛ̨nį hu kaai, ya ɓə pai ə́ hvɛla kulɔi.

Gɛlaɠaa 6:4

Ku wɛi, ku kaa ku ɲɛ̨i lɛɛi Yálá hvɛliɛ da Yálá lawoo laa həliɛ ɓa.»

Lukə 9:28

Mɛ̨nįi tii ɓoɔ, lɔwɔ tɔ̨nɔ̨ ə kulɔ ɉu, Jesus ə Piɛrə, Ɉaan da Ɉakə di həɠə da diɛni də li yee ta ɓa Yálá hvɛli mɛ̨nį ɓa.

Markə 1:35

Mąą yələ laaɓoɔ, yələ ɓoi kpinį mu, Jesus ə kulɔ bɛlɛ́n ə li daa pulu pələ yɛ Yálá hvɛli dɔ̨nɔ̨ kɛɛnąą.

Lukə 3:21

Ɉaan ə nu kpului tii mąąwaa lɔ, ə Jesus yaa kpɛli mąąwaa. Ɓɛlɔwai ə kɛi Yálá hvɛli la, yələkɔlɔn nąą ə ɓo;

Lukə 5:16

Yili pulu, Jesus ə li dɔ̨nɔ̨ kɛɛnąą yɛ Yálá hvɛli.

Lukə 9:18

Yələ ta, Jesus yaa tɔ̨nɔ̨ ə kɛi Yálá hvɛli, nwɔ kalan nɛa di laŋąn ma. Ə di mąąni kɛ, yɛ diɛ: «Nuą da kɛ kɛi lə mą́ą́ mɛ̨nį hu?»