Maafîu 14:19 - Yálá laawoo hɛɓɛ (dc)

¹⁹ Yii kɛa di dɛɛ bɔ, ə mo diɛ yɛ diɛ: 'Ka mo nuą ŋɛ̨i diɛ, di kəlee di hee nɔi ɓa. Yili pulu, ə nɛɠɛ lɔɔli da Ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo. Yili pulu ə ɉu tee-tee ə dɛɛ nwɔ kalan nɛai pɔ, yɛ diɛ: Ka ŋąąkwɛlɛ nu kəlee ɓa.

Yálá laawoo hɛɓɛ

¹⁹ Yii kɛa di dɛɛ bɔ, ə mo diɛ yɛ diɛ: 'Ka mo nuą ŋɛ̨i diɛ, di kəlee di hee nɔi ɓa. Yili pulu, ə nɛɠɛ lɔɔli da Ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo. Yili pulu ə ɉu tee-tee ə dɛɛ nwɔ kalan nɛai pɔ, yɛ diɛ: Ka ŋąąkwɛlɛ nu kəlee ɓa.

Bible

¹⁹ Nya ƃe è mò a gɛɛ ǹûai dí see galai ŋá. È gbólo-kpâla lɔ́ɔlui sìɣe da nyɛ̃ɛ feerɛi é ŋɛ́i tɛ́ ŋelei su é lûwa too é gbólo-kpalai su ɣále é dɛɛ ŋɔpôlu-ƃelai pɔ, ŋɔpôlu-ƃelai dí dɛɛ ǹûai pɔ.

Maafîu 14:19 Referans Kwoze

Lukə 24:30

Di kɛɛ yələ wilii laa mį́į́ kɛi da Jesus ni, Jesus ə Yáláhɛɠɛɛɓo nɛɠɛ tii mąą mɛ̨nį ɓa, ə ɉu tee ə nu kəlee nwɛi tɛɛ pɔ.

Samuɛlə dɔlɔɔ 9:13

Ka lɛɛ kpɔlɔɔ tɛi taai, ka li ka həli mą, hvo tɛɠa kɛ pai lii ɉala kulɔi pələ. Mąąhɔlɔɓo, yaa tii ɓə nuą kaa mąąkpɔn ɉii; di hva pɛli kɔ̨nɔ̨n mįi dɔwɔ. Gbala ə tɔɔ, ya ɓə mąąnɛ̨ɛ̨ ə lúwɔ́ too ɉaláá kɔ̨nɔ̨n ma. Yili kɛɛ pulu ɓə, nuąi di di təli, da pɛli kɔ̨nɔ̨n mįi la. Ka li kɛa, nwɛi tii, ka káá lii gaai háákələi.»

Gɛlaɠaa 27:35

Moi Polə ə mo tii, ə lɛɠɛ həɠə, ə Yálá hɛɠɛɛɓo nu kəlee ɲɛ̨i ɓa, ə ɉu yali, yɛ kɛa mįi.

Markə 6:41

Yili pulu, Jesus ə nɛɠɛ lɔɔli huɠalə-ɠalə, ə dɛɛ nwɔ kalan nɛai pɔ, ə gɛ, di ɲąąkwɛlɛ nuą diɛ.

Korɛntə dɔlɔɔ 11:24

ɛlɛɛ, gbɛɛ a Yálá hɛɠɛɛɓoɔ, ə ɉu yali, yɛ diɛ: «Yii kaa a gɔ́lɔ, yai a ká wɔɔ, 'ká yii kɛ káá ną́ą́ kili too la ká ɲą.»

Lomaŋ 14:6

Nui a yələ ta hviala ɓo, a gɛ ti yɛ gu Nąmu mąąwiɛ la. Nui a hɛn gəlee mįi, a gɛ tii, yɛ gu Nąmu mąąwiɛ la. Mąąhɔlɔɓo, a Yálá hɛɠɛɛɓo, gɔ̨nɔ̨n ti mąą mɛ̨nį ɓa. Nui hva hɛn gəlee mįi a gɛ ti, yɛ gu Nąmu mąąwiɛ la, yɛ Yálá hɛɠɛɛɓo.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Korɛntə dɔlɔɔ 10:16

Núwɔ́ kpələ kɔwɔi gwa kɛ lúwɔ́ kɛi mą, hvo mɔ̨ɔ̨ gu tɔɔi kɛ tanɔ̨n Kristə ɲąmą hu? Nɛɠɛ gwa kɛ ɲąąkwɛlɛi gu gee lɔwai, yai a Kristə kɔlɔ, hva mɔ̨ɔ̨ gu yee lɔ gii hu gwa diɛ ni?

Lukə 9:14

(Yaan, nu kpului tii lonon ŋąą a pɛli kɛi a hinąą waa lɔɔli.) Jesus yɛ nwɔ kalan nɛai diɛ: «Ka nuą hee a nu pu-lɔɔli-lɔɔli.»

Markə 7:34

Yili pulu ə ɲɛ̨i pili yələi, ə nii tɛ ə doo; yɛ ɉulɔnu tii ɓa: «Ɛfata!» Mukulaa ɓaa: «Hvólóon.»

Korɛntə dɔlɔɔ 10:31

Ká kɛ kɔ̨nɔ̨n mįi-o ká kɛ ká kpələi-o, yii lɔpee ka káá gɛi, 'ká gəlee kɛ Yálá mąąwiɛ mɛ̨nį ɓa.

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Markə 6:39

Jesus yɛ diɛ: «Ka mo nuą diɛ, di hee nɔi ɓa gala ŋą.»

Ɉaan 11:41

Nuą di gwɛni həɠə gámą la. Jesus ə ɲɛ̨i tɛ ɲələi yɛ mą: «Ną́n Yálá gáá ə́ hɛɠɛ ɓoi, mąąhɔlɔɓo, ya nwóó mɛ̨n.

Lukə 22:19

Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Lukə 9:16

Jesus ə nɛɠɛ lɔɔli da ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo gɔ̨nɔ̨n tii mąą mɛ̨nį ɓa. Ə ɉəɠə ə dɛɛ nwɔ kalan nɛai pɔ, əgɛ, di ŋąąkwɛlɛ nuą diɛ.

Maafîu 14:18

Jesus yɛ diɛ: «Ka pa a yili bɔ́.»

Lukə 22:17

Yili pulu, ə gbələ hɛnɲąŋą həɠə, ə́ Yálá hɛɠɛɛɓo, yɛ diɛ: «Ka ɉon, nu kəlee ə da kpələ.