Maafîu 13:39 - Yálá laawoo hɛɓɛ (dc)

³⁹ Ɉulɔnu tii, ɲowo yii kɛi gala kɔ́w ɲɔ̨n bili ɲɛa ya ɓaa a nąnį. Deei lɔwai ɓaa a: Yɛnɛ̨ɛ̨ ɲąąkpɛɛi lɔwai. Dee nuą ɓaa a: Yálá nwɔ malakaɠaa.

Yálá laawoo hɛɓɛ

³⁹ Ɉulɔnu tii, ɲowo yii kɛi gala kɔ́w ɲɔ̨n bili ɲɛa ya ɓaa a nąnį. Deei lɔwai ɓaa a: Yɛnɛ̨ɛ̨ ɲąąkpɛɛi lɔwai. Dee nuą ɓaa a: Yálá nwɔ malakaɠaa.

Bible

³⁹ Gbɔara-nuui nyii a dísîi, ǹyaa ƃa Dɛ̂ƃele. Ǹyaŋ wîi-tee-tãi ƃa ŋ̀éniɛi kpɛɛ ŋá. Wîi-tee-ƃelai ƃa Ŋ̀âla-taa-kela-ŋai.

Maafîu 13:39 Referans Kwoze

Maafîu 13:49

Pələ kpɔlɔɔ ɓə gaa pai kɛi la yɛnɛ̨ɛ̨ ɲąąkpɛɛi lɔwai. Yálá nwɔ malakaɠaa kaa pai pai di mɛ̨nį ɲɔ̨n gɛ nuą da mɛ̨nį lɛlɛɛ kɛ nuą ɓɛlaɓo.

Maafîu 25:31

«Ɓɛlɔwai Nu Lon gaa pai pai la, nwɔ tɔɔlaai hu, da malakaɠaa kəlee, gaa pai heei nwɔ tɔɔ kpəlin mąąwiaa hu;

M̀ɛni-lɛɛi 19:20

Di ɉuwɔi tii hon a kɔluwɔ, ɛlɛɛ, da nɛɛ loloɓomun tii, yai kɛli gbalo mɛ̨nįɠaa kɛ niila, ɛlɛɛ, da nuąi ə di ɲąąhɛn, ə gɔlɔn ɉii kɛ diɛ, diɛ kwɛli hvilɛn mąą nįnįn ma. Di gəlee pili nwɔ̨n maɠa hu a di hvúlú.

M̀ɛni-lɛɛi 13:14

Ə kɛli lɔi mɛ̨i nuą nwun ɉu lan a gbalo mɛ̨nįɠaai di gɛɛ mąą laa tɛɛ bɔ, yɛ gɛ ɉuwɔi tii ɲɛ̨i mu. Ə mo diɛ, yɛ kɛ, ɉuwɔi tii di nwąną a ɓowa kwɛaa, ɛlɛɛ, bala ə kpɛɛi, di mąąnįnįn bɛli, di dɔɔ.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

Maafîu 24:3

Jesus ə tɛ ə hee Olivə yee tona, nwɔ kalan nɛai di hee gwɛlɛ di tɔ̨nɔ̨ kɛɛnąą. Di mąąlən gɛ diɛ mą: «Akɛti, mįnɛ lɔwai ɓə kwɛni hvo pai lɛɛ la kwɛni mɛ̨i? Ɛlɛɛ, ə́ pai lɔwai da yɛnɛ̨ɛ̨ ŋɛ̨ɛ̨ kpɛɛi lɔwai kɔ́lɔn ɉɛn lə kɛɛɠaa ɓə ku kaa pai gɔlɔn ɉii la.»

Maafîu 13:25

Kpini pɛlɛ kɛa, ɓɛlɔwai nu kəlee di kɛi yii la, ɉulɔnu tii ɲowo ta ə li ə kala kɔ́w ɲɔ̨nwɔ̨ɔ̨ taɠa laa ɲɛa, ə həɠə laa.

Zûu 1:14

Ə həɠə Adamə ɓa ə həli la Henɔkə ɓa, káláɓɔlɔ heekpəlin na mɛ̨ihveelɛ li. Kɛlaa Yálá ə mɛ̨nį ta pu Henɔkə la yɛ hvilɛn na nuą tii diɛ, yai ə kɛ diɛ: 'Ka ka wəli tɔɔ! Ną́mu kaa pai pai da nwɔ malaka kpulu waa tamąą;

Piɛrə dɔlɔɔ 5:8

'Ká yee ə pɛli ká koolon ma, 'ká lɛɛ a ká ɲɛ̨i, mąąhɔlɔɓo, ká yowo nąnį kaa ka kwɛlɛ, yɛ tinɛ̨n hvili-hvili yɛ huluun yɛ yala, hɛn kpɔ ə ɉuhvala-hvala, yɛ gwɛli.

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Korɛntə veelɛ 11:3

Kɛlaa, gáá ɲɔwi, və́ bɔ ká wɔ kiliŋąhiɛ mąą hvo hvalin a ɲɔ̨nwɔ̨ɔ̨, hvo ka kulɔ Kristə nwɔ nɛ̨ɛ̨laa hu, yɛ bələi kaalə ə Ɛvə ɲąąhɛn na, a gbąnąlaa.

Korɛntə veelɛ 2:17

Ku hvo yɛ nuąi da kɛ Yálá lawoo kɛi a hɛn gwɛli hɛn. Kɛlaa yaamun, kwa gɛ a kwəi kwələlaa, Yálá ɓə ku tɔɔ la, kwa gɛ Yálá ɲɛ̨i ɓa, kwa kɛ pələ ɓoi Kristə laa hu.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Maafîu 13:28

Ɉulɔnu tii ə mo diɛ yɛ diɛ: ‹Ɲówó ta ka tii aa yili kɛ tii.› Nwɔ tínuąi diɛ mą: ‹Akɛti, ə́ kaa bɔ ku li ku gala ɲɔ̨n tii kulɔ ɉu?›

Danîa 7:10

Nwɔ̨n ə kɛi kulɔ nííla, yɛ tɛɛ yɛ, ya lee, nwɔ kɛlaɠaa di kɛ a nu waa nwun damaa, nu waa nwun damaa diɛ ɓo gwɛlɛ, kiti tee nuą di pa di hee, hɛɓɛ́ɠaa laa ə ɓo.

Maafîu 12:32

Akɛ nu a woo ɲɔ̨n mo Nu Lon ɓa, mąąhvaa a lɛɛ. Kɛlaa, nui a woo ɲɔ̨n mo Kili-Mąąhəɠɛɛ ɓa, mąąhvaa hva lɛɛ háákələi ə mą kɛ tinąą.»

Maafîu 13:22

Yiiɠaai too ɲɔ̨w ɉaalən ɉu diɛ ɓaa, nuą da Yálá laawoo mɛ̨n, kɛlaa yɛnɛ̨ɛ̨liihɛlɛnŋąą da nwɔ ŋąąnɛ̨ɛ̨ a kpinįn a diɛ, ə di hvinatɔn, nwoo tii hva kólo kɛ di kili pɔ.

Maafîu 13:40

Pələi tii da gala kɔ́w ɲɔ̨n gulɔ la ɉu, bələ ɓə gaa pai kɛi la a yɛnɛ̨ɛ̨ ɉaakpɛɛi lɔwai.

Korɛntə dɔlɔɔ 10:11

Mɛ̨nįɠaai kpɔ tii di gɛ, di yiliɠaai pɛ̨ɛ̨, ə gɛ, ə kɛ a mɛ̨nį kɔɔn mąą, di bɛ̨ɛ̨, gu mąąkwɛli mɛ̨nį ɓa, guɔi gu kaa lɛɠɛi ɲɛ̨nɛ̨ɛ̨ ɲąąkpɛɛi lɔwai ŋɛ̨i ɓa.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.