Maafîu 13:30 - Yálá laawoo hɛɓɛ (dc)

³⁰ Yili ɓa, ka nɛɛ lɔ tii ə lɛɛ la Ɉu deei lɔwai ə ɉəli. Deei lɔwai, ŋą mo nuą diɛ, gɛ́ diɛ: «Ka gala ɲɔ̨nwɔ̨ɔ̨ɠaa kulɔ tɔlɔɔ ɉu, ka ɲili a dee, ka bɛlɛ gee ɓa, ka nwɔ̨n doo ɉu. Yili pulu, ka nwɔ́ hihɛn gɔwi pu ɲə́i gələi.»›»

Yálá laawoo hɛɓɛ

³⁰ Yili ɓa, ka nɛɛ lɔ tii ə lɛɛ la Ɉu deei lɔwai ə ɉəli. Deei lɔwai, ŋą mo nuą diɛ, gɛ́ diɛ: «Ka gala ɲɔ̨nwɔ̨ɔ̨ɠaa kulɔ tɔlɔɔ ɉu, ka ɲili a dee, ka bɛlɛ gee ɓa, ka nwɔ̨n doo ɉu. Yili pulu, ka nwɔ́ hihɛn gɔwi pu ɲə́i gələi.»›»

Bible

³⁰ Ka ǹɛɛ naa dí lɛ́lɛ nɔ́ tɔnɔ é lɛ́ɛ la zu wîi-tee-tãi é seri. Gɛ̀ ní, ŋa pâi m̀ôi wîi-tee-ƃelai dîa, a gɛɛ dí galai tée fulɔi wîi su dí ŋìri a gɔŋ-ŋa gereŋ mɛni ma. Kɛ́lɛ, ka wîi tée, ká dɛ́ ŋákêrei su.’ ”

Maafîu 13:30 Referans Kwoze

Maafîu 3:12

Nwɔ laɠai kaa ɲəi, yɛ pa nwɔ mɔ̨nun mąąhvɛɛila. Ə mɔ̨nun gɔw pu ɲəi gələi, ə gala kpɔn gee ɓa, nwɔ̨n ɲii hva liin ə doo ɉu.»

Timote dɔlɔɔ 5:24

Nɛŋɛ̨n daɠaa kaa laa, nu a ɉəɠə, da gaa ɉa; kɛlaa, daɠaa diɛn, nu hva gaa ɉa, hvo kɛli ɉu a kwɛa.

Korɛntə dɔlɔɔ 4:5

Yili ɓa, ká hvo nuą kiti tee nąąlɔwai tɔwɔ, gɛɛ gu Ną́mu hvo pa. Ya ɓə pai, mɛ̨nįɠaai noɔ kpįnįi, gəlee tooi pono ɲą, ə mą kɛ di kwəi kiliɠaa. Yili pulu, nu tɛitɛi da mąąwiɛ hɔlɔɓo Yálá yəi yɛ bələi bɛliɛ la diɛ.

Ɉaan 15:6

Nui a wala kanąn mą́ą́, da bili ɲɛnɛ̨ɛ̨, yɛ wulu wonwo a kulɔ mą, diɛ gɛ a kwɛi.

Malasi 3:18

Nąąlɔwai tii hu, ka gaa, bələi ɓɛla ɓo kaa la nu haŋąą da nwąnąlɔ mun di lɔwai a nįnɛ̨. Ɓɛla ɓoi gaa, nuąi da tí Yálá ɓa, da nuąi di hva tí mą di lɔwai.

Maafîu 25:32

yɛnɛ̨ɛ̨ nuą kəlee di kaa pai di ɲąąkpɔn ɉii nií la, a di ɓɛlaɓo ɉu a kpulu heei hveelɛ yɛ pələi taa-təlɛɛ nąmu a ɓooliɠaa da ɓɛlaaɠaa di ɓɛlaɓo la.

Lukə 3:17

Nwɔ laɠai kaa ɲei yɛ paa la, gaa pai gɔw da gala di ɓɛlaɓoi, a gɔw pu nwɔ hɛnŋąŋąi hu, ə gala kələn a nwɔ̨n yii hva luwun.»

Maafîu 25:41

«Yili pulu, tɔɔmun a mo gɔɓɛyee hu nuą diɛ yɛ diɛ: ‹Ka ka mąąkwɛa mą́ą́, kaa yiɠaai ka nɛ̨ŋɛ̨n naa Yálá yəi, ka li nwɔ̨n yii luwun və mą ɉu. Yii bɛliɛ kɛ nąnį da nwɔ ɲį́nɛ̨nŋąai diɛ.

Samuɛlə dɔlɔɔ 25:29

Nuą daa di muhəɠə nwɔ́ mɛ̨nį Nąmu laa ɓa, di hvilɛnŋaa bulu, ə gɛ di baa, kɛlaa di ma gɛ tii, nwɔ́ mɛ̨nį Nąmu nwɔ yɛnɛ̨ɛ̨ a lɛɛ Yai-Laa ə́ wɔ Yálá yəi, ə naa hɔn mo. Kɛlaa, ə́ yowoɠaa di wɔ yɛnɛ̨ɛ̨ nwɛi, Yai-Laa a naa vingwɛni hu, ə bili kpɔ kwɛa la.

Samia Veerɛi 23:7

Nui gaa bɔ ə lɛɠɛ ma, a kwɛli taɠan ɉəɠə, ə gbɔn na gee ɓa, di gələn gbɔlɔɔ ɓɛi tii da kɛ laa.

Azaya 17:5

Yɛ bələi kpɔlɔ da mɔ̨nun diɲɛ̨ la gee mɛ̨i mɔ̨nun deei lɔwai, diɛ mɔ̨nun gɔnŋąą tiɛ̨ gee mɛ̨i, mɔ̨nun gbaɠa tɛi tɛi lɔ ɓə kɛa a lɛɛ Refaitə yɛɛ kɔ́wɔ hu.

Maafîu 13:25

Kpini pɛlɛ kɛa, ɓɛlɔwai nu kəlee di kɛi yii la, ɉulɔnu tii ɲowo ta ə li ə kala kɔ́w ɲɔ̨nwɔ̨ɔ̨ taɠa laa ɲɛa, ə həɠə laa.

Maafîu 13:29

Ɉulɔnu tii yɛ diɛ: ‹Kpaa. Ka nɛɛ lɔ tii. Mąąhɔlɔɓo, ka kɛ ka káá ɉukulɔi, ka káá pai Ɉihɛn da kulɔi.

Zôo 39:12

Ə́ kaa pai ə́ nii laa mɛ̨i ə́ wɔ hɔlɔɓo hɛn mɛ̨nį hu? Yɛ́ ə́ wɔ kɔ̨nɔ̨n gələi laa hvaa.