Maafîu 13:23 - Yálá laawoo hɛɓɛ (dc)

²³ Nu taɠaa diɛn, da di yee hee nwoo tii mu yɛ pələi nɔi lɛlɛɛ tii kaa la; di gbaɠala kaa di kanąn ma, ə lɛɛ la ɉu, ə kɛnɛ̨, ə ɓa a damąą. Gbaɠa taɠaa kɔ́w ə ɓo ŋą nwun dɔ̨nɔ̨, daɠaa pow-mɛ̨ida, daɠaa pow-haaɓa.»

Yálá laawoo hɛɓɛ

²³ Nu taɠaa diɛn, da di yee hee nwoo tii mu yɛ pələi nɔi lɛlɛɛ tii kaa la; di gbaɠala kaa di kanąn ma, ə lɛɛ la ɉu, ə kɛnɛ̨, ə ɓa a damąą. Gbaɠa taɠaa kɔ́w ə ɓo ŋą nwun dɔ̨nɔ̨, daɠaa pow-mɛ̨ida, daɠaa pow-haaɓa.»

Bible

²³ Nyii tòo ǹɔii lɛ́lɛɛi mai, ǹyaa ƃa ǹúui a ŋ̀óoi mɛ̀ni é táre zu é ƃá, m̀á da-ni dí ƃò a ŋuŋ tɔnɔ (100), da-ni a buu lɔ́ɔlu mɛi da, da-ni a buu saaƃa.”

Maafîu 13:23 Referans Kwoze

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Maafîu 12:33

«Wului nɛlɛɛ, ma lɛlɛɛi lɔ. Wului ɲɔ̨nwɔ̨ɔ̨, ma ɲɔ̨nwɔ̨ɔ̨i lɔ. Wulu kɔ́lɔn ɉɛn ɓaa a ma.

Maafîu 13:8

Daɠaa di too lɔi lɛlɛɛ hu, di ɓɔn, di mɔ̨n. Gbaɠa taɠaa kɔ́w yɛ ɓo ŋą: nwun dɔ̨nɔ̨, daɠaa pow-mɛ̨ida, daɠaa pow-haaɓa.»

Kolosə 1:6

yai pa ə həli káá; bələi lɔ gaa kɛ mɛ̨nį kɛi la, ɉu yɛ kɛnɛ̨, yɛnɛ̨ɛ̨ nąą kɔlɔ kəlee, bələ lɔ ɓə a gɛ la ká lɔwai, ə həɠə ɲələ ká ká yee hee la mu, ká gɔlɔn ŋą tɛ̨ąi hu, a Yálá ŋą mɛ̨inɛ̨ɛ̨,

Maafîu 3:8

Yili ɓa, 'ka túwɔ́, yɛ nui aa ɲii pələ mąąhvalin.

Lukə 13:9

Yili hu, gwɛlan tii pai, gaa pai ɓai kiɛ. A wala ɓa, ə́ mo di dee.›»

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Piɛrə veelɛ 3:18

Kɛlaa, ka tɛ tɔwɔ gu Ną́mu Yálá da gu Nwun mąąɓomun Jesus Kristə kɔ́lɔn ŋąą hu, da nwɔɔ mɛ̨inɛ̨ɛ̨ hu. Ə həɠə yiihu ɓa, ə lɛɛ la ɉu lɔwai kəlee, mąąwiɛ ə kɛ Jesus Kristə ɓa. Yálá ə kɛ ti!

Kolosə 1:10

Yili ɓə a gɛ, káá pɛli yɛnɛ̨ɛ̨ kɛi a gu Ną́mu liiɓa, yii gaa bɔ, kaa gwɛli, a kɛ tii, ka kɛ mɛ̨nįɠaa ɲɛ̨i tínɛ̨nŋąą mɛ̨nį lɛlɛɛ pɔ pələ, dɔlɔ ə ɓo mą mɛ̨nį kəlee hu, káá tɛ la tɔwɔ Yálá kɔlɔn mɛ̨nį leelee hu.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Hebreu 4:2

Mąąhɔlɔɓo, guɔ kpɛlimąn gwaa nwɛlɛɛ lɛlɛɛ hɔlɔɓo lɔ yɛ nuą tii, kɛlaa nwoo tii di mɛ̨n, dɔlɔ hvo kɛ mą di yəi, gbala ə tɔɔ, diɛi mɛ̨n, di hvo nɛɛlaa, laa na laa hvo ɉeei kulɔ di hu.

Tɛsalonikə veelɛ 2:10

ɛlɛɛ, a ɲąąhɛn mɛ̨nįɠaa, yɛ nwun napili nuą ɓowo la, mąąhɔlɔɓo, wɛlikɛmąą tɛ̨ąi a pɛli di nwun mąąɓoi, di hvo di yee hee li mu.

Tɛsalonikə dɔlɔɔ 4:1

Ną́n nonnii, yii lɛɛ pulu, ya ka; mɛ̨nįi ku kaa ɉuhvɛlii, kuɔ gɛ a ká hvaŋąlɔ pələ gu Nąmu Jesus hu, ya ɓaa: Bələi mąąnɛ̨ɛ̨ ká túwɔ́ la káá pɛli Yálá lii hon ɉii, kwaa ká mąąkwɛli yili ɓa, ɛlɛɛ yaan, bələ kpɔ ɓə ká káá túwɔ́i la, 'ká ká yee mąą tɛ ká ɉon nwɔ̨nɔ̨ a nįnɛ̨.

Filipə 4:17

Və́ moi ti gɛ́ kɛ nwɔ̨nɔ̨ ká hɛn da tɛɛ bɔ́, yii gáá bɔ ya ɓaa: ka kɛnɛ̨ Yálá mɛ̨nį hu.

Korɛntə veelɛ 9:10

Yaa tii ɓə, a hihɛn ɉuwu tɛɛ tíi-kɛmun bɔ, yɛ gɔ̨nɔ̨n bɛlɛ mą, yaa lɔ ɓə pai hihɛn ɉuwu tɛɛi ká pɔ, yɛ ɉu kɛnɛ̨, yaa ti lɔ ɓə pai, ká wɔ tələnmolaa má tamąi ɲą.

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Gɛlaɠaa 16:14

Nɛ̨ąą ti dɔ̨nɔ̨ laa ɓaa kɛ a Lidi, a həɠə Tiatirə daai. Nįnį-kɔlɔ həɠə lɔwɔ́tɔɔmun ni, ə kɛli kwɛli hvilɛn Yálá ɓa. Nwəli tɔɔi kpɔ kɛ kpąą, gu Ną́mu aa kɛ hvaa mą, aa níi laa ɓo Polə woo tɔwɔ.

Ɉaan 8:47

Nui gaa a Yálá nwɔɔ, a nwəli tɔɔ Yálá woo ɓa. Gɛ mɛ̨nį ka hvo a Yálá nwɔɔɠaa, ya ɓə gɛi ka hvo ka wəli tɔɔi la nwóó ɓa.»

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Markə 10:15

Gáá tɛ̨ą ɓoi kaa, nui a wala ɲee hee Yálá-taa tɔɔlaa mu yɛ lokolo, mąą nu hva pɛli lɔi Yálá-taa tɔɔlaa hu.»

Markə 4:20

Nu taɠaa da di yee hee nwoo tii mu yɛ pələi nɔi lɛlɛɛ kaa la. Da gbaɠala kaa. Daɠaa di ɓa yɛ ɓo: pow haaɓa, daɠaa pow mɛ̨ida, daɠaa nwun dɔ̨nɔ̨.»

Maafîu 3:10

Yili ɓa, daa ɲowa ŋąą hee nwulu hamu ɓa. Wului hva ɓa lɛlɛɛ ɓo, da gulɔ di bili nwɔ̨n ɉu.

Izikiɛ 36:26

Gáá pai lii nįnɛ̨ tooi ka kwəi, gɛ́ kili nįnɛ̨ too ka hu. Gili wala wali tii ka hu yɛ kwɛni, gáá pai gulɔi ka hu, gɛ́ kaalon gili too ka hu.

Izikiɛ 18:31

'Ka ká yee kulɔ ka wɔ kulɔ nwoo mu laa kəlee hu, 'ka kiliŋąhiɛ nįnɛ̨ həɠə, 'ka too ka nįnɛ̨ kɔ́lɔi, lə mɛ̨nį ɓa ka káá bɔ ka haa, Israɛlə nwɔ pɛlɛ́i mu nuą?

Hebreu 6:7

Akɛ tulɔ́ a kɛi pu lɔi ɓa pɔlɔɔ-pɔlɔɔ, ɛlɛɛ, nɔi yɛ hihɛnŋaa lɛlɛ, ɉin nuą diɛ dɔlɔ hɔlɔɓo, mąą lɔi a lúwɔ́ hɔlɔɓo Yálá yəi.

Lukə 8:8

Kɛlaa, daɠaa di too lɔi lɛlɛɛ hu, di ɓɔn, di ɓa. Gbaɠa tɛitɛi kəlee kɔ́w yɛ ɓo: nwun dɛitɛi.» Yili pulu, Jesus yɛ nwɔ̨nɔ̨ diɛ: «Nui wəli kaa mą, ə mɛ̨n.»