Maafîu 13:15 - Yálá laawoo hɛɓɛ (dc)

¹⁵ Mąąhɔlɔɓo, nuą ŋɛ̨i kili aa walawala, di wəlii aa kpɔlɔ, daa di ɲɛ̨i laakpulu, əgɛ, di hvo pa kɛɛ mąą kpɛɛ, di wəli hvo mɛ̨nį mɛ̨n, di kilaa hvo pa pono, di hvo pa tinɛ̨n di hvo kpəla mɛ̨nį ɲɔ̨n mą, və́ pa di kɔ́lɔi pono.›

Yálá laawoo hɛɓɛ

¹⁵ Mąąhɔlɔɓo, nuą ŋɛ̨i kili aa walawala, di wəlii aa kpɔlɔ, daa di ɲɛ̨i laakpulu, əgɛ, di hvo pa kɛɛ mąą kpɛɛ, di wəli hvo mɛ̨nį mɛ̨n, di kilaa hvo pa pono, di hvo pa tinɛ̨n di hvo kpəla mɛ̨nį ɲɔ̨n mą, və́ pa di kɔ́lɔi pono.›

Bible

¹⁵ Kpɛ́ni fêi, ǹûai ŋí líi su kpanaŋɔɔ̂i, díwolii kpanaŋɔɔ, díŋɛi lá tɛ́ɛ. A gɛɛ dífe kwaa kâa a dí ŋɛi, kpaa máŋ dífe mɛni mɛ̂ni a díwoli, kpaa máŋ dífe tàre m̀ɛni su a dílii, a gɛɛ dífa la pene la pôlu, a gɛɛ ŋá díƃalo Ɣâla ƃé m̀o tí.’

Maafîu 13:15 Referans Kwoze

Azaya 6:10

Nuąi tii kili walawala, 'di wəli hu kpɔn, di ɲɛ̨i pu, 'di hvo pɛli kɛɛ kaai a di ɲɛ̨i kɔ́w, 'di hvo mɛ̨nį mɛ̨n a di wəli, di hvo mɛ̨nį kpaɠala kaa a di kili, di hvo pa nee di hɔn mąą pənə, diɛ ɓalo.»

Markə 4:12

Əgɛ, yɛ pələi Yálá laawoo hɛɓɛ́ ə mo la, yɛ mą: «‹Da kɛɛ kaa, di hva mąąkpɛɛ; wəli kaa diɛ mɛ̨nį yɛ too ɉu, kɛlaa, di hva aa kaa; əgɛ, di hvo pa tinɛ̨n di hvo kpəla mɛ̨nį ɲɔ̨n mą, di mąąhvaa hvo lɛɛ!›»

Zakari 7:11

Kɛlaa, di hvo gɛ di hvo di wəli tɔɔ, di di nwun dinɛ̨n, di di wəli walawala, ə gɛ di hvo pa nəi mɛ̨nį mɛ̨n.

Ɉeremi 17:14

Yai-Laa, ɉálə kɛ, ŋį́ ɓalo, nwún mąąɓo, nwún gulɔ mɛ̨nįi; Mąąhɔlɔɓo, yɛ́ ɓə gílitɔɔ yɛ́.

Hebreu 5:11

Yii hvilɛn na mɛ̨nįɠaa tii diɛ, mɛ̨nįɠaa kaa laa yii mąąnɛ̨ɛ̨ ku mo, kɛlaa ɉukulɔ laa ɓə nwalaa, mąąhɔlɔɓo, ká wɔɔ mɛ̨nį kpaɠala kaa laa aa wala.

Timote veelɛ 4:4

Di kaa pai di wəli kulɔi tɛ̨ą woo hu, diɛ di wələ tɔɔ lɛɛ mɛ̨nįɠaa diɛ.

Gɛlaɠaa 7:57

Nuą kəlee di tomą kpɔ a di woo kɛnɛ̨ɛ̨, di di yee lɔ di wəlii. Di kəlee di kpuluun di wolo Etiɛnə ɓa,

Mąątɛ̨nɛ̨ 119:70

Di lii ɲɔ̨nwɔ̨ɔ̨ di kwəi kpɔ kɛnɛ̨, nwɛ́i, ə́ wɔ tɔn nwooiɠaai ɓə da níí hon.

M̀ɛni-lɛɛi 22:2

Daa-lee tii hu, ɛlɛɛ, da ɲálee nwonwo hveelɛi hu, nąą ɓə yɛnɛ̨ɛ̨ kɛ wulu ə kɛ laa, yɛ ɓá gee mɛ̨i pow-kɔw-hveelɛ. Ɲąnįn dɛitɛi yee mu, a ɓá, ɛlɛɛ, naa ə ɓo a hįi lɔiɠaa kɔlɔi pono hɛn.

Gɛlaɠaa 3:19

Yili ɓa, ka ka túwɔ́ pələ mąąhvalin, ka tinɛ̨n ka pa Yálá pɔ, ə ka wɔ nɛ̨ŋɛ̨nŋaai waa.

Osia 14:4

Asiri lɔi hva pɛli ku ɓaloi, ku hvo kɛa pai tɛi hoo mɛ̨i, ɉɛnŋąąi ku yee a di pɛli, ku hva kɛa kɛ diɛ: ‹Ku wɔ yálá›, Ə həli tii Yɛ́, yɛ́i ya təli lon ɲɛ̨imąąwɛli kaa.»

Ɉeremi 33:6

«Kɛlaa, gáá di hali kɛ mɛ̨nį hu wəleen ɉii, da di ɓalo mɛ̨nį. Ŋą́ di ɓalo, gɛ́ nwun na nɛ̨ɛ̨ da liilaa mɛ̨inɛ̨ɛ̨ kɛ diɛ.

Azaya 57:18

Ŋą́ dúwɔ́ pələɠaai tii kaa, ə mą kɛ tii, gáá pai maloi, gɛ́ dənən dɔɔ, gɛ́ vąŋą lɔ, yaa mąn da nwɔ nuąi di kaa ɲɛ̨iya hui.

Azaya 44:20

Luwu kpɛli-kpɛli ɓə kanąn ŋąą mą, gili ɲąą pɛlɛ pələ, yɛ gbɔwɔ nwun ɉu lan; hvo pai kulɔi ɉu! Yələ ta, hvo pai kɛi diɛ: «Ɉɛn ɲɛ̨i ɲə́i, aa ɓowo hɛn gbɛli kpɛli ɓəi?»

Ɉeremi 3:22

'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Lukə 19:42

Ee Ɉerusalɛmə! Yɛ́ kpɛlimąn, əli kɛ mɛ̨nįi a liilaa tɛɛ ə́ pɔ, ə́ gɔlɔn gɛ háákələi! Kɛlaa nooŋąąi ə́ ɲɛ̨i mu.

Gɛlaɠaa 28:27

Mąąhɔlɔɓo, nu huwui ŋɛ̨i kili mąą pɛlɛɛ ɓə. Daa di wəli laa kpulu, Daa di ɲɛ̨i laa kpulu, Ə gɛ, di ɲɛ̨i hvo nəi pa kɛɛ kaa, Di wəli hvo nəi pa mɛ̨nį mɛ̨n, Di kili hvo nəi pa mɛ̨nį kpaɠala kaa, Diɛ di hɔn mąą pənə la, diɛ pa Yálá pɔ, ɛlɛɛ, və́ pa nəi di ɓalo.›

Hanwon 16:30

Nui a ɲɛ̨i laa kpulu, yɛ giliŋąhiɛ mɛ̨nį ɲɔ̨n ma, yɛ ɲin gbɔn naa wulun ɉu, gaa mɛ̨nį ɲɔ̨n mąą kili teei gwəi, aa gbɛa kpɛɛ a gɛɛ nįį hu.