Maafîu 13:12 - Yálá laawoo hɛɓɛ (dc)

¹² Mąąhɔlɔɓo, nui a da hɔlɔɓo da pənə nwɔ̨nɔ̨ di da tɛɛ bɔ, əgɛ, ə kɛnɛ̨ ɲəi. Kɛlaa, nui gaa ɲəi tiikpə, da yili woloi kulɔ ɲəi, ə lɛɛ a ɲeehowolo.

Yálá laawoo hɛɓɛ

¹² Mąąhɔlɔɓo, nui a da hɔlɔɓo da pənə nwɔ̨nɔ̨ di da tɛɛ bɔ, əgɛ, ə kɛnɛ̨ ɲəi. Kɛlaa, nui gaa ɲəi tiikpə, da yili woloi kulɔ ɲəi, ə lɛɛ a ɲeehowolo.

Bible

¹² Kpɛ́ni fêi, ǹúui sɛŋ da káa ǹyêei, da pâi dámaa tɛɛ̂i bɔ a gɛ́ɛ é támaa. Kɛ́lɛ, ǹúui sɛŋ da fé ǹyêei, ǹyii máŋ gáa ǹyêei, da pâi kulâi ǹyêei.

Maafîu 13:12 Referans Kwoze

Maafîu 25:29

Mąąhɔlɔɓo, nui da kaa ɲəi, da pɛlɛ mą, ə gɛ, ə kɛnɛ̨ ɲəi. Kɛlaa, nui da hvo ɲəi, yii woloi gaa ɲəi da ɉəɠə ɲəi.

Lukə 8:18

Ka gɛ a nɛlɛɛ, mɛ̨nįɠaai ka káá mɛ̨n ɉi mąą mɛ̨nį ɓa. Mąąhɔlɔɓo, nui hɛn da kaa ɲəi, Yálá a da pɛlɛ mą. Kɛlaa, nui hɛn da hvo ɲəi, yii woloi gili kaa mą, Yálá a tinąą gulɔ ɲəi.»

M̀ɛni-lɛɛi 2:5

Ɓɛi ə́ too laa, ə́ kili hvilɛn nąą, ə́ tuwɔ pələ mąąhvalin, ɛlɛɛ, mɛ̨nį lɛlɛɛi ə́ kɛi gɛ tɔlɔɔ, 'ə́ gɛ. Yili hvo mą, gáá pai həlii yɛ́, ɛlɛɛ, yá wala ə́ túwɔ́ pələ mąą hvalin, gáá pai ə́ wɔɔ wulɔ nwɔ̨n ɉəɠəi ɉeei.

Lukə 16:25

«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Lukə 16:2

Ɉɛn gɔw nąmu ə nwɔ hɛn gɔw laaikɛ mun də li, yɛ mą: ‹Ŋą́ą́ mɛ̨nįɠaa mɛ̨n ə́ laa mɛ̨i, yii hvo lɛlɛ li, bələi hiɛ ə́ kaa goló kɛi la, pa ə́ gwɛlanmo kɛ. Mąąhɔlɔɓo, hvo kɛa pai lɛɛi a nwɔ́ hɛn gɔw laaikɛ mun.›

Lukə 10:42

Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Lukə 9:26

Akɛ nu a nwumɛ̨ náá ɓoi, ə nwumɛ̨ nwóó hon ɉii, ɓɛlɔwai Nu Lon kaa pai pai la nwɔ mąąwiɛ hu, da Nąn Yálá nwɔ mąąwiɛ hu, da Yálá nwɔ malakaɠaa, a nwumɛ̨ mąą nui laa ɓoi.

Markə 12:9

Jesus ə di mąąni kɛ, yɛ diɛ: «Akɛti, ɉihɛn ɲeai tii nąmu a pa, lə ɓə a gɛ a góló kɛ nuąi tii? A pɛli ə di paa ə ɉihɛn ɲɛa tɛɛ nu kpɛliɠaa pɔ, di kólo kɛ laa.»

Lukə 12:48

Kɛlaa, nui hvo nąmu liiɓa kɔ́lɔn, a gala, di hva gɛlɛ a hvaɠa ɲąą tamąą. Nui da hɛn gɛnɛ̨ tɛɛ bɔ, ya ɓə da damąą hvɛli mą. Nui da hɛn tamąą kalihvaɓo mą, ya ɓə da damąą kwɛli ɲəi.»

Zĩi 4:6

Kɛlaa yaamun, Yálá aa mɛ̨inɛ̨ɛ̨ kɛnɛ̨ kɛ guɔ nwɔ̨nɔ̨. Ɉɛɓɛ́ yɛ mą: «Kpɔwɔ ɲąąkɛnɛ̨mun nwɛli hvo Yálá ɓa, kɛlaa, nui a gbɔwɔ mąąyɛɛ, a ɲɛ̨i lɛlɛɛ hee mą.»