Biblia Todo Logo
Bib sou entènèt

- Piblisite -




Maafîu 12:50 - Yálá laawoo hɛɓɛ (dc)

50 Mąąhɔlɔɓo, nuąi di kaa Ną́n Yálái yələkɔlɔn ɉu niiɓa kɛi, diɛ ɓə di kaa a néé da gááyɔwɔɠaa.»

Gade chapit la Kopi

Yálá laawoo hɛɓɛ

50 Mąąhɔlɔɓo, nuąi di kaa Ną́n Yálái yələkɔlɔn ɉu niiɓa kɛi, diɛ ɓə di kaa a néé da gááyɔwɔɠaa.»

Gade chapit la Kopi

Bible

50 Kpɛ́ni fêi, ǹúui a Ńâŋ nîa-mɛnii kɛ̀ nyii gáa Ɣâla-taai, maa-nuui ƃa ńêɣe, kpaa ńzaaƃɔlɔ kpaa ńee.”

Gade chapit la Kopi




Maafîu 12:50
38 Referans Kwoze  

Kɛlaa, nu kpului tii kɛ di wəli tɔɔ Jesus woo ɓa, Jesus ə mo diɛ, yɛ diɛ: «Néé lonnii ɓaa a nuą ŋɛ̨i di wəli tɔɔ Yálá laawoo ɓai, ə lɛɛ, diɛ bɔ mɛ̨nį kɛ.»


Nui lɔpee a Yálá liiɓa kɛi, ya ɓə gaa a néé lon ɉulɔnu da néé lon nɛ̨ɛ̨nu, a wala kɛ tii néé.»


Yii ŋį́ ka tí la, ka gɛi, kɛ tii mɛ̨́laa ɓaa kaa.


Jesus ə di woo pulu pənə yɛ diɛ: «Yii Yálá ka gwɛli ka yei, ya ɓaa, nui ŋɛ̨i ə dɔɔ, ka laa na.»


Jesus yɛ diɛ: «Ka hvo ɲɔ̨w. Ka li ka mo Ną́n nonnii diɛ də li Galile lɔi hu nąą ɓə di kaa pai gáái laa.»


Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.


Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»


Yaan, yɛnɛ̨ɛ̨ da ɉu mɛ̨nįɠaa kəlee di kaa pai tɛɛi, kɛlaa, Yálá liiɓa kɛmun nwɛi, gaa laa a yələ kəlee.


«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›


Nɛ̨ɛ̨goloɠaa kaa yɛ, ə́ leeni, ə́ nɛ̨ɛ̨lɛa kaa yɛ ə́ mąąhalani, yiliɠaa kəlee kɛ mąąhəɠə laa hu.


ɲíi kuui aa lɛɛ ɲəi yɛ gɛ kɔlɔ hu, hva gɛ yɛ bələi nuą di wɔ ɲɛ̨i kulɔ bɔ kaa la, a gɛ Yálá liiɓa hu.


Gbala ə tɔɔ, kɛ́nɛ̨-lon naa da kɛ́nɛ̨ kpolɔwa laa, tɔ̨nɔ̨ hvo da lɔpee hu. Yii lɔ tɔ̨nɔ̨ kaa mą, ya ɓaa: Yálá aa gu kɛ a nu nįnɛ̨ɠaa.


Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»


Di nwun na nɛ̨ɛ̨i, diɛi da di wɔɔ həɠə kwɛaaɠaai waa, əgɛ, diɛ pɛli di wɔɔ nąą hɔlɔɓoi ɲɛnɛ̨ɛ̨ kɛ wului hu, ɛlɛɛ, diɛ pɛli lɔi bɛlɛ́ laaləiɠaa ɓa daa-lee hu.


Yiihu kɛa, Grɛkə mɛ̨nį hvo kɛa ɉu, Ɉuifə mɛ̨nį hvo kɛa ɉu, kɛ́nɛ̨-lon mɛ̨nį hvo kɛa ɉu, kɛ́nɛ̨-kpoloaa mɛ̨nį hvo kɛa ɉu, huwu takpɛli mɛ̨nį hvo kɛa ɉu, lɔwɔ-pɔmun mɛ̨nį hvo kɛa ɉu, luwɔ mɛ̨nį hvo kɛa ɉu, lɛɛ gbɔwɔ ɓamun mɛ̨nį hvo kɛa ɉu, kɛlaa, Kristə ɓə a gəlee, gəlee hu.


Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.


Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.


Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»


'Gúlɔ yala la, 'gúlɔ lan mįnɛ̨ lɔwai… Yáá nwóó mu hon!


Ɛlɛɛ, ə pələ kulɔ, ə həli la mąąhəɠə laa ɓa, Kristə ə kɛ kɛa la tii a nuąi da lɛɛ nwoo mu, di ɓalomun a yələ kəlee mɛ̨nį,


Ká wɛlii gaa mą́ą́, yili aa ká mąą tolo lɔ ɉú, nwɛlikɛmąąlaa kɛnɛ̨i tii ə həɠə Yálá pɔ. Hulɔnu tanɔ̨n gbən mə, ŋą́ ká toonwəlii kɛ mą, ya ɓaa a Kristə. Ŋą́ ká lɛ mą yɛ, nɛ̨ɛ̨gbəla mąą haŋąnŋąąi hvo hulɔnu mɛ̨nį hu kɔlɔn;


Kɛlaa yaamun, ŋį́ gbɛa tɔlɔɔ Damasə nuą diɛ, yili pulu, Ɉerusalɛmə daai, da Ɉude lɔi hu nuą, ə mą kɛ, lɔi takpɛliɠaa hu nuą. Gɛ́ kɛ diɛ: 'Hvo kɛli da di hɔn mąą pənə, di di ɲɛ̨i tínɛ̨n Yálá pɔ pələ, da di kili mąą hvalin, diɛ túwɔ́ a nąą mąą hon bələ.


«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›


Akɛti, mąąlaa hvo mɔ̨ɔ̨ ku yəi, ku hvo kristalon nɛ̨ąą hvilɛn ku pɔ, yɛ bələi, gɛlaɠaa takpɛliɠaa di gɛ la, a gu Nąmu kaayɔwɔɠaa da Sefasə?


Ə́ Kaa a nɔw yɛa mąąkwənąnŋąą, oo níiɓa nɛ̨ɛ̨nu! Nwɔ́ wɛli! Ə́ kaa a yáton mąąkwənąnŋąą, yá nwun gulɔi nąmu kɔ́lɔn ɉi kaa mą.


Yili pulu, ə ɲee lɛ nwɔ kalan nɛai mɛ̨i, yɛ mą: «Néé da ną́n nonnii lɔ ɓaa nuą ŋɛ̨i.


Volói tii, Jesus ə kulɔ bɛlɛ́n, ə li ə hee bowa-ya kwɛlɛ, yɛ nuą kalan.


Swiv nou:

Piblisite


Piblisite