Maafîu 12:44 - Yálá laawoo hɛɓɛ (dc)

⁴⁴ a mo, yɛ mą: ‹Gáá pənəi ŋį́ li ɓɛi ŋą həɠə laai.› A pənə a pa, a gaa yɛ: bɛlɛ tii kaa a vowolo, mukəlɛɛ, nąą pɛliɛ, nu hvo mu.

Yálá laawoo hɛɓɛ

⁴⁴ a mo, yɛ mą: ‹Gáá pənəi ŋį́ li ɓɛi ŋą həɠə laai.› A pənə a pa, a gaa yɛ: bɛlɛ tii kaa a vowolo, mukəlɛɛ, nąą pɛliɛ, nu hvo mu.

Bible

⁴⁴ Gɛ̀ ní, a mò, ǹyɛɛ, ‘Ŋa pâi liî pôlu ŋápɛrɛi mu ŋá kùla naai.’ Tãi a pâ la naai, a mu kàa a volo, m̀u kɔ́ɔ, mu kpɛ́tɛɛ.

Maafîu 12:44 Referans Kwoze

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Zɔ̂ŋ Maa-ŋuŋ 2:19

Gu pɔɔli ɓə di kulɔ laa, kɛlaa di hvo kɛli a gu ta. Də li kɛ a gu tai, də li lɛɛ gu pɔ. Kɛlaa, hvo kɛli kɛ di kəlee di too tii pono ɲą, di nɛ kpɔ tii, diɛ di hvo a gu ta.

Korɛntə dɔlɔɔ 11:19

Hvo kɛli kpɔ yili ə kɛ tii, ə gɛ, gu pɛli huwalawala nuą kɔlɔn ɉii ká lɔwai ɲąąhɛn mɛ̨nįɠaa hu.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Ɉaan 13:27

Ɓɛlɔwai tii Jesus ə nɛɠɛ kpuɔ tɛɛ la Ɉudasə pɔ, nąąlɔwai kpɔlɔ ɓə ɓilihi ə lɔ la Ɉudasə hu. Jesus yɛ Ɉudasə ɓa: «Mɛ̨nįi yɛ́i gɛ, gɛ ɉa-ɉa.»

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Ɉaan 12:6

Yee hvowolo nuą mąą liihɛlɛn hvo kɛ mą, yɛ yili ɓo. Ə kɛi mo tii mąąhɔlɔɓo, nwuąi kɛ, ɛlɛɛ, ya ɓa nwali ɓíi ə kɛ ɲəi; yii nwɔ̨nɔ̨ kɛi hɔlɔɓo, yɛ ɲee mąą laa yɛ ɉəɠə.

Maafîu 12:29

Nu ya pɛli ə huwalawala mun yəi hɛnŋąą həɠə pələ kɛ ləi ɲəi, akɛ hvo ɲili li hvo naa, yili pulu, yɛ tɛɠa pa gwɛlin ɉəɠəi a ə́ wɔ!

Osia 7:6

Mąąhɔlɔɓo, daa di mąąkpuɔ yɛ kpaɠa nwɔ̨n, di laa hvɛɛ a nuą ɓowo kili, di wɔ liiholi a yíi a kpinį; Kɛlaa yələ wala pɔ, nən a kɛ tɛi yɛ nwɔ̨n gɛnɛ̨.

Maafîu 12:43

«Akɛ ɲį́nɛ̨n ɲɔ̨nwɔ̨ɔ̨ a həɠə nu ta pulu, a li yɛ kɛɛnąą lɛlɛɛ ta kwɛli ɓɛi mąąnɛ̨ɛ̨ ə vįitɔɔ laa. Akɛ a wala kɛɛnąą ta hɔlɔɓo,

Maafîu 12:45

Yili pulu, a li, ə mɛlaa ɲį́nɛ̨n mɛ̨ihveelɛ təli, yiiɠaa di wɔ mɛ̨nį ɲɔ̨nwɔ̨ɔ̨ yee tɛɛi nwɛi ɓa, di pa nwɔ̨nɔ̨ di hvilɛn bulu. Ŋąąkpɛɛi, nui tii túwɔ́ pələ a ɲɔ̨n ə tɛɛ dɔlɔɔ ɓa. Bələ kpɔlɔɔ ɓə háákələi nuą ŋɛ̨i kaa la.»

Lukə 11:25

A pənə a pa, a gɛɛnąą tii kaa yɛ, pɛlɛ yii gaa a vowolo, mu kəlɛɛ, nąą pɛliɛ a nɛlɛɛ.