Maafîu 12:34 - Yálá laawoo hɛɓɛ (dc)

³⁴ Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

Yálá laawoo hɛɓɛ

³⁴ Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, ka pɛli ka mɛ̨nį lɛlɛɛ ɓo pələ kɛi ləi? Yaan, ka hɔn ɲɔ̨nwɔ̨ɔ̨? Mąąhɔlɔɓo, mɛ̨nįi gaa nu kwəi, ya ɓə a tɛ na.

Bible

³⁴ Kákaa a kali nyɔ́mɔɔ koi-lonii! Ka pɔ̂ri lônoi leŋ a ǹɛ́lɛɛ? Kpɛ́ni fêi, mɛnii gáa núu líi sui, ǹyaa ƃe a mò.

Maafîu 12:34 Referans Kwoze

Lukə 6:45

Nu kwəi kiliŋąhiɛ lɛlɛɛ lɔ ɓə, mɛ̨nį lɛlɛɛ kɛɛ a kulɔ ɉu. Nu kwəi kiliŋąhiɛ ɲɔ̨nwɔ̨ɔ̨ lɔ ɓə, mɛ̨nį ɲɔ̨nwɔ̨ɔ̨ kɛɛ a kulɔ ɉu. Mąąhɔlɔɓo, yii gaa nu nwɔ kiliŋąhiɛ hu, ya ɓə a tɛ na.»

Maafîu 15:18

Kɛlaa, yii a kulɔ nu la, a həɠə nwɔ kiliŋąhiɛ hu. Yili ɓə a nu mąą liɓi.

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Samuɛlə dɔlɔɔ 24:13

Gɛ́ Yai-Laa ə gwa yɛ́ gu lɔwai mɛ̨nį hutɔɔ. Yai-Laa ə nwą́ną kulɔ yɛ́. Kɛlaa, və́ pai ɲéé tunwɔ̨n ɉii yɛ́.

Zɔ̂ŋ Maa-ŋuŋ 3:10

Mɛ̨nįi a Yálá lonnii da nąnį lonnii di lowai tɔɔ, ya ka: Nui lɔpee hva tələnmo laa kɛ Yálá nwɛi ta hvə li, ə mą kɛ, nui nwɔ̨nɔ̨, nąn non nwɛli hvo mą.

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Ɉaan 8:44

Ka nąn ɓaa a nąnį, niiɓa ɓə ka káá bɔ kaa gɛ. Ə həɠə kpɔ yɛnɛ̨ɛ̨ kɔ́wɔ tɔɔ yələ ɓa, paa lɔ ɓə nwɛli kaa mą. Hvo ta tɔɔ li tɛ̨ą pələ mɛ̨i, mąąhɔlɔɓo, hvo tɛ̨ą kɔ́lɔn. A kɛi lɛɛ mɛ̨nį ɓo, a gulɔ gbɔwɔ kɛ pələ hu, mąąhɔlɔɓo, gaa a lɛɛmun, yɛ ɓo a lɛɛ nąn.

Azaya 32:6

Yaan, kilikpɛɛɲəimun nwɛi, ɓowo wooɠaa ɓə a mo, yɛ mɛ̨nį ɲɔ̨n gili tee gwəi, a túwɔ́ a nɛ̨ŋɛ̨n ɉəɠə mun dúwɔ́ pələ. Yɛ Yai-Laa laa mąątea woo ɓo, nui pulú aa gbɔlɔɔn, yɛ nɛɛ a gwəi howolo, nui kpələ wɛli kaa mą, yɛ nɛɛ a yá wɛli.

Maafîu 23:33

Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo, ka pɛli kulɔ pələ kɛi ləi ɉahanąmą gaho nwɔ̨n ɉu?

Azaya 59:14

Yili mąą mɛ̨nį ɓa, daa giti tee mɛ̨nį pili pulu, ɛlɛɛ, tələnmolaa aa mąą tɛ pulu, aa tɔɔ. Mąąhɔlɔɓo, tɛ̨ą aa kalin gwəli hɛ̨ąi, ɛlɛɛ, nui kpɔ yɛ ə haŋąn hva pɛli dɔɔi hɔlɔɓoi laa.

Mąątɛ̨nɛ̨ 64:3

Nóó ɲɛ̨nikɛ-nuąi da ɲabalɔ mą́ą́, diɛ, Mą́ą́ kwɛa mɛ̨nį ɲɔ̨n gɛ nuąi di nwun dɔɔi, diɛ.

Maafîu 3:7

Kɛlaa yii kɛa Ɉaan ə Farisiɛ̨ɠaa da Sadusiɛ̨ɠaa tamąą kaa, diɛ pa bɔ di mąąwaa mɛ̨nį ɓa, ə mo diɛ, yɛ diɛ: «Kaa yiiɠaa ka wɔ mɛ̨nį ɲɔ̨nwɔ̨ɔ̨ ŋɛ̨i, yɛ tumo kwəi lonnii, gbɛɛ ɓə kɛ kaa ka pu, ka həɠə Yálá nwɔ liiɲąnwąną yii gaa pai dɔwɔ?

Lukə 3:7

Nu kpulu kɛnɛ̨ ə kɛi pai Ɉaan pɔ, əgɛ, ə di mąąwaa. Ɉaan ə kɛi mo diɛ, yɛ kɛ diɛ: «Kaa yii ka wɔ mɛ̨nį ɲɔ̨nwɔ̨ɔ̨ ŋɛ̨i yɛ tumo kwəi lonni, gbɛɛ ɓə kɛ kaa ka pu ka həɠə Yálá nwɔ liiɲąnwanąąi ŋɛ̨i pai dɔwɔ?

Azaya 59:4

Nu ta hva kalamąɓo kɛ́, nwɔ tɛ̨ą mɛ̨nį hu, nu ta hva tɔɔ bulu laa kɛ kwəi kwələ laa hu, kpɛli kpɛli mɛ̨nį ɓə da di kilitɔɔ mą, lɛɛ mɛ̨nį ɓə da mo, da túwɔ́ pələ ɲɔ̨n mąą koo həɠə, di di laa yɛɛ a kɛɛ kalaa.

Mąątɛ̨nɛ̨ 53:1

Nwələ ɲɛ̨itɔwɔmun, ə doo a hvɛlikɛ hɛn da vɛɛ. Davidə nwɔ mąą kwɛli woo.

Mąątɛ̨nɛ̨ 64:5

Diɛ kwəi kwələmun mon na dɛɠii. Da di wɔ tɔ́nwąɠaai pili nu tɛɠii, ɲɔw kpɛli hva kɛ di hu.

Hanwon 4:23

Ə́ kili kɛ ə́ kpɔwɔ hu, ə tɛɛ hɛn gəlee ɓa, mąąhɔlɔɓo, yili ɓə a gɛ ə́ yíi ə kwɛa.

Hanwon 16:23

Kilimąą mun a gbɛa giliŋąhiɛ, yɛ tɛɠa lɛɛ hvaai. Mɛ̨nį kɔ́lɔn mɛ̨nį a kulɔ na.

Azaya 9:17

A tɛ̨ą, nwąnąlɔ a nu kələn yɛ nwɔ̨n, yɛ tíi kələn nwɔ̨n, yai a lɔwɔ kələn, yɛ lulu kɛnɛ̨ tɛ yələ kwəi.

Ifisiɛŋ 5:4

Mąą hvo kpɛli nɛ̨ɛ̨li, lono ɲɔ̨nwɔ̨ɔ̨ɠaa, kili kpɛɛ gwəi lonoɠaa di hvo kɛ ká la, yili hva ká mąą hon; káámun, ká yee ə kɛ lɔ, Yálá hɛɠɛɛɓo mɛ̨nį hu.

Zĩi 3:2

Gu lan bələ huwu tamąąi. Akɛ nu a wala kɛ lan ɉii vaa woo hui, gaa a nui mąą mɛ̨nį pɛliɛ ɉu, ɲee a pɛli ə gbɔwɔ ɓa.