Bib sou entènèt

Maafîu 12:18 - Yálá laawoo hɛɓɛ (dc)

¹⁸ «Nwɔ́ kólo kɛmun ŋá ɉəɠə ɉu, ya ka. Nwɛli kaa mą́ą́ kpɔ a gbɔ-kpɔɔ, ya ɓə ŋá mą́ą́ mɛ̨nįɠaa kəlee lɛɛ mą. Gáá pai nwɔ́ Kilii tɛɛi bɔ; yɛ mɛ̨nį haŋą́ą́ laa həli hį́i kəlee ɓa.

Gade chapit la Kopi

Yálá laawoo hɛɓɛ

¹⁸ «Nwɔ́ kólo kɛmun ŋá ɉəɠə ɉu, ya ka. Nwɛli kaa mą́ą́ kpɔ a gbɔ-kpɔɔ, ya ɓə ŋá mą́ą́ mɛ̨nįɠaa kəlee lɛɛ mą. Gáá pai nwɔ́ Nįį tɛɛi bɔ; yɛ mɛ̨nį haŋą́ą́ laa həli hį́i kəlee ɓa.

Gade chapit la Kopi

Bible

¹⁸ “Ka Ŋátii-kɛ-nuui káa, nyii ŋá zìɣe zu, ńii-ma tii-kɛ-nuui, nyii m̀aa-mɛni a Ŋámɔ̂leŋ líi láai. Ŋa pâi ŋámɔ̂leŋ pûi gbonôi, ǹyaŋ a pâi dɔ̃yâ-mɛnii lɛ̂i Zɛ̃tai-ŋai dîa.

Gade chapit la Kopi

tounen moute ⬆

Maafîu 12:18
40 Referans Kwoze

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Piɛrə dɔlɔɔ 2:4

'Ká ká mąąlɛɠɛ mą, yai a gwɛnį hvulúmąą, ya ɓə nu kanŋaa di bili, kɛlaa, ya ɓə Yálá ə ɉəɠə ɉu, ɛlɛɛ, mąą mɛ̨nį nwąnąą ɲɛ̨i ɓa.

Azaya 52:13

Nwɔ́ tímun kaa pai tɛi tɔwɔ, gaa pai heei kɛnɛ̨ hɔlɔɓoi, da mąąwiɛ laa kɛnɛ̨.

Azaya 11:2

Yai-Laa nwɔ Kilii kaa pai kɛi a naa mɛ̨i a yələ kəlee mɛ̨nį, gaa a mɛ̨nį hukpɛ kili da mɛ̨nį ɲąą kaa, yə ɓo a liɛwoo kili, da huwalawala kili, ya ɓə a Yai-Laa lɛ nuą diɛ, diɛ ɲɔw mą mąąwiɛ laa hu.

Piɛrə veelɛ 1:17

Ɓɛlɔwai ə kɛi kɛnɛ̨ laa da mąąwiɛ hɔlɔɓo la Ną́n Yálá yəi, ku kɛ laa. Yálá kpinįi ɓə mo yɛ kɛ mą: «Nui ŋɛ̨i kaa a Nón ɉulɔnu, yii nwɛli kaa mą́ą́. Yaa ɓə ŋą́ą́ mą́ą́ mɛ̨nįɠaa kəlee lɛɛ ma.»

Kolosə 1:13

Aa gu kulɔ kpinį ŋą luwɔlaa yəi, aa gu lɔ nwɛlikɛmąą lon ŋą tɔɔlaa hu.

Kolosə 1:1

Ɲą́ą́ Polə, Jesus Kristə ŋą tímun, a Yálá liiɓa, kwa gu nąn non Timote,

Ifisiɛŋ 1:6

Ká gu Yálá mąmąɓo mɛ̨inɛ̨ɛ̨ kɛnɛ̨ɛ̨i aa gɛ guɔ nwɔ wɛlikɛmąą Lon ɉáálai, mąą mɛ̨nį ɓa.

Gɛlaɠaa 14:27

Həlii di mo Antiɔsə, di gbɔn ɉu nuą ɲąąkpɔn, yii kpɔ Yálá ə gɛ di yee hu, pələi nwɔ̨nɔ̨ ə pələ laa ɓo la huwu takpɛliɠaa tɔwɔ, əgə di laa na laa hɔlɔɓo, di yili kəlee hukulɔ diɛ.

Gɛlaɠaa 11:18

Yii kɛa di nwooɠaai ti mɛ̨n, ə di liilaa, diɛ Yálá hɛɠɛɛɓo, diɛ kɛ mą: «Hvó gaai, nuąi di hvo a Ɉuifəɠaa, diɛ kpɛlimąn, Yálá aa di kɔ a di hɔn mąąpənə kili, diɛ yɛnɛ̨ɛ̨ hva kpɛɛ hɔlɔɓo.»

Lukə 23:35

Nu kpului tii kəlee di kɛ tɔɔ ni di ɲɛ̨i həɛ laa. Ɉuifə kalanɉonŋąa diɛ yɛlɛ kulɔ Jesus hu, diɛ kɛ mą: «Aa kɛ nu tamąą nwun mąąɓo, ə gbɔwɔ nwun mąąɓo kani kɛa, akɛ Nwun mąąɓomun Yálá ə naakwɛlanmo, yii ɲɛɠɛɛ ɉu yaa li.»

Lukə 9:35

Woo ta ə kulɔ dulɔ kpinį tii hu, yɛ kɛ mą: «Nui ŋɛ̨i kaa a Nííɓa Lon ɉulɔnu, yii ŋą́ą́ ɉəɠə ɉu. Ka ka wəli tɔɔ nwoo ɓa!»

Lukə 3:22

Kili-Mąąhəɠɛɛ ə yɛɛ mɛ̨i yɛ tonwələn. Woo ta ə tɔɔ yɛ həɠə yələkɔlɔn ɉu, yɛ kɛ mą: «Yɛ́ ɓə ə́ kaa a nííɓa Lon ɉulɔnu, yii nwɛli kaa mą́ą́; ŋą́ą́ nííɓa mɛ̨nįɠaa kəlee lɛɛ yɛ́.»

Markə 9:7

Tulɔ kpinįn gɛnɛ̨ ə yɛɛ di mɛ̨i, ə di mɛ̨i kpulu a nįnįn. Woo ta ə kulɔ dulɔ kpinįn tii hu, yɛ kɛ diɛ: «Nííɓa Lon maa a nui ŋɛ̨i, 'ka ka wəli tɔɔ nwoo ɓa.»

Markə 1:11

Woo ta ə kulɔ yələi yɛ kɛ mą: «Ə kaa ɓo a nííɓa Lon, yaa níí hon gbɔ a mɔlɔɔ.»

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Zakari 3:8

«'Ə́ wəli tɔɔ Ɉosue, yɛ́i a ɉaláá laa həli mun gɛnɛ̨ɛ̨, yɛ́ ka ə́ ɓɛlaai heeni ə́ líílai; nuąi tii kaa a mɛ̨nį ta kɔlɔn ɉɛn; mąąhɔlɔɓo, gáá pai a nwɔ́ tímun, yii gaa yɛ wulu ɓɔn.

Ɉeremi 16:19

Yai-Laa kaa a nóo kpɔlɔ, da mą́ą́kilɛi, ya ɓə ŋį́ li bɔ a mą́ą́wɛlii lɔwai, lɔiɠaa kaa pai pai ə́ pɔ, diɛ həɠə lɔi kpɔn ɉeei, diɛ kɛ diɛ: «Ɉɛnŋaa kɛ ku nąnni yəi a di kwɛlin, ə kɛ a kpɛli kpɛli, a kilikpɛɛgwəi hɛnŋaa, di yee hva lɔ mɛ̨nį ta ɓa.

Azaya 62:2

Hįį kəlee kaa pai ə́ wɔ tələnmo mɛ̨nį kaa, tɔɔɓɛlaa kəlee diɛ ə́ wɔ mąąwiɛ kaa. Di kaa pai laa ninɛ̨ heei yɛ́, yai pai kulɔi Yai-Laa lá.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Maafîu 12:17

Ə gɛ tii, ə gɛ, mɛ̨nį Yálá kwəi mɛ̨nį hukulɔ mun Esai ə mo, naa ə hon, yaai ə kɛ la mą:

Swiv nou:

Lyen patwone

Piblisite

Piblisite