Maafîu 11:22 - Yálá laawoo hɛɓɛ (dc)

²² Gáá tɛ̨ą ɓoi kaa, Yálá nwɔ kitii tee lɔwai, Tirə da Sidɔn taa di wɔ gahoi a hviɛlaɓo ə tɛɛ ka wɛi ɓa.

Yálá laawoo hɛɓɛ

²² Gáá tɛ̨ą ɓoi kaa, Yálá nwɔ kitii tee lɔwai, Tirə da Sidɔn taa di wɔ gahoi a hviɛlaɓo ə tɛɛ ka wɛi ɓa.

Bible

²² Kɛ́lɛ, ŋá m̀o kâa, kásɔnyɔ̂ŋ a pâi kɛ̂i a gɛ́tɛ é tɛ́ɛ Taya da Sidɔŋ díwɔ̂i ma a mɛni-ŋa-tee-tãi.

Maafîu 11:22 Referans Kwoze

Maafîu 11:24

Yili ɓə gaa mą, gáá moi kaa, Yálá nwɔ kiti teei lɔwai Sodomə taa nwɔ gahoi a hviɛlaɓo ə́ wɛi ɓa.»

Maafîu 10:15

Gáá moi kaa a tɛ̨ą; gití tee lɔwai, bɛlɛi tii mu nuą, a wala kɛti, daa tii hu nuą, di wɔ kitii a tinąą walawala ə tɛɛ Sodomə da Gomorə di wɛi ɓa.»

Zɔ̂ŋ Maa-ŋuŋ 4:17

Yili hu ɓə, nwɛlikɛmąąlaai gu lɔwai, naa aa kulɔ la, guɔ, kilitɔɔmąą laa walawala kaa gu yəi, giti tee hvoló mąą mɛ̨nį ɓa, Mąąhɔlɔɓo, bələi lɔ Yaa tii gaa la, bələ lɔ ɓə guɔ kpɛlimąn gu kaa la ɲɛnɛ̨ɛ̨ ŋɛ̨i hu.

Maafîu 12:36

Gáá moi kaa, Yálá nwɔ kiti teei lɔwai, nwoo kpɛli-kpɛliɠaai nuą da mo, di hvulú kɔ́wɔ ŋą, da dɛ ɲɛ̨i ɓa kɛ Yálá lííla.

Lukə 10:14

Yili ɓə gaa mą, Yálá nwɔ kiti tee lɔwai, Tirə taa da Sidɔn taa, di wɔ gahoi a hviɛlaɓo ə tɛɛ ka wɛi ɓa.

Izikiɛ 29:18

«Hulɔnu lon, Babilonə tɔɔmun Nabukodonosorə aa naa tɛ kóló kɛnɛ̨ mu; a kɔ́ pɛlɛi ə mo Tirə ɓa: nu kəlee nwun galaanŋąąi, di ɓonwon gəlee hu ɓɛlaa; kɛlaa hvo vɛla hɔlɔɓo li Tirə, ə mą kɛ ŋą kɔ́kulááɠaai hvɛla; gɔ́ kɛnɛ̨i ti di gɔ́ da Tirə taa, ə kɛ kpɔlɔ mąa kpɛli.

Ɉeremi 27:3

ə́ da tɛɛ Edɔmə tɔɔmun da Moabə tɔɔmun ma, Amɔn lonnii di wɔ tɔɔmun, Tirə tɔɔmun, da Sidɔn tɔɔmun; di wɔ kɛlaɠaai tii pa Ɉerusalɛmə, Ɉuda tɔɔmun Sedesiasə pɔ ə́ dɛɛ di pɔ dəli la.

Ɉeremi 25:22

Tirə tɔɔɓɛlaa kəlee, da Sidɔn tɔɔɓɛlaa da gboloyá pulu pələ lɔi hutɔɔɓɛlaa kəlee.

Piɛrə veelɛ 3:7

Yálá lawoo tɔ̨nɔ̨i ti ɓə mo yɛ diɛ: Yiihu, yələkɔlɔn da lɔi ŋɛ̨i, nwɔ̨n gaa pai di kələn ɉi. Yálá aa ɲee kɛ diɛ, ə lɛɛ la ɉu, volói gaa pai mɛ̨nį ɲɔ̨n gɛ nuą kiti teei la, yɛ ɉəli.

Piɛrə veelɛ 2:9

Pələi nuą di kanąn ŋąą Ną́mu Yálá ɓa a di kulɔ la hukɔɔn mɛ̨nį hu, ə bələ kɔ́lɔn. Pələi nwɔ̨nɔ̨ mąąnɛ̨ɛ̨ ə mɛ̨nį ɲɔ̨n gɛ nuą hon na, yɛ pa di hutɔɔ kiti teei lɔwai, ə bələ kɔ́lɔn.

Hebreu 2:3

gu hvomun kɛ nwun mąąɓo wɛlɛi ŋɛ̨i, naa həliɛ ə gɔwɔ tɔɔ gu Nąmu yəi, gu ŋą tɛ̨ą mɛ̨nį mɛ̨n, lə takpɛli ɓə kɛa a pɛli gu kulɔi nwun napili yəi, akɛ gwa ɲagban naa kulɔ?

Zooɛ 3:4

Hvoló hu kaa pai kpinįi, ɲąnin ɉu ə kɛ a ɲąmą. Yili a gbɛa kɛ tii Yai-Laa nwɔ hvólói yɛ teɠa pa, a voló kɛnɛ̨ɛ̨ mąąɲɔwɔɔ.»

Maafîu 11:21

Ə mo diɛ, yɛ diɛ: «Kpalo ɓɛlaai yɛ́, Korazɛn taa! Kpalo ɓɛlaai yɛ́, Bɛtsaida taa! Mąąhɔlɔɓo, gbalo mɛ̨nįɠaai kɛ ka hu, akɛ tii kɛ Tirə da Sidɔn, yɛ nąą nuą də li kɛ di hɔn mąąhvalin di mąąwɛli hee ɓo, di too muluun ɉu diɛ wɔlɔ, di həɠə haɠa kɛ diɛ, diɛ hiɛ di luwu ɓa, ə gɛ, di nɛ diɛ mą, daa di túwɔ́ pələ mąąhvalin.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

M̀ɛni-lɛɛi 20:12

Yili pulu, ŋį́ haa nuą kaa, nu kpɛa-kpɛaa da lɛapɛlɛɛ, di ɓo tɔɔni dɔɔkpəlin niila, ɛlɛɛ, di hɛɓɛ́ɠaa laaɓo. Di hɛɓɛ́ takpɛli laa ɓo, yai a yɛnɛ̨ɛ̨ hva kpɛɛ hɛɓɛ́, ɛlɛɛ, di haa nuą kiti tee yɛ bələ di tuwɔ la, kpɔlɔɔ yɛ bələi ə kɛ la ɉɛɓɛ́ɠaa hu.