Maafîu 11:20 - Yálá laawoo hɛɓɛ (dc)

²⁰ Taa yiiɠaai Jesus ə tɛɛ ɉu, yɛ kpalo mɛ̨nį kpɛa-kpɛaɠaa kɛ, ə kɛi kɛa haŋą diɛ. Mąąhɔlɔɓo, daaɠaa tii hu nuą di hvo di túwɔ́ pələ mąą hvalin ni.

Yálá laawoo hɛɓɛ

²⁰ Taa yiiɠaai Jesus ə tɛɛ ɉu, yɛ kpalo mɛ̨nį kpɛa-kpɛaɠaa kɛ, ə kɛi kɛa haŋą diɛ. Mąąhɔlɔɓo, daaɠaa tii hu nuą di hvo di túwɔ́ pələ mąą hvalin ni.

Bible

²⁰ Nya ƃe è pɛ̀lɛ lónoɔ ma daa-ŋai su-ƃelai dîa, ƃɛi è ŋɔtíi kpaya-kpayai dámaa kɛ̀ naai, kpɛ́ni fêi, dífe dílii pene ni.

Maafîu 11:20 Referans Kwoze

Ɉeremi 8:6

Ŋą́ nwə́li tɔɔ kpɔ a nɛlɛɛ, di hvaa woo ɲąą hvo mą. Da lɔpee hvo ɲee kulɔi nwɔ kili ɲɔ̨nwɔ̨ɔ̨ hu, yɛ diɛ: «Akɛti lə ɓə ŋɛ̨i gáá gɛi?» Nu kəlee kaa lii nwun ma, yɛ hoo aa kɛi pili kɔ́ hu.

M̀ɛni-lɛɛi 2:21

Ŋą́ą́ kuu tɛɛ bɔ, əgɛ, ə duwɔ pələ mąąhvalin, kɛlaa, hvo bɔ hvo ɲee kulɔ mąąliɓi yíi tii hu.

M̀ɛni-lɛɛi 16:11

Diɛ yələkɔlɔn ɉu Yálá lalan, mɔ̨nɔ̨i tii di kaa mįi mąą mɛ̨nį ɓa, ɛlɛɛ, da di wɔ palaɠaai mąą mɛ̨nį ɓa, kɛlaa, di hvo gɛ di hvo di tuwɔ́ pələ mąąhvalin.

M̀ɛni-lɛɛi 16:9

Ɛlɛɛ, nu kanŋaa di kələn a wələən gɛnɛ̨; Yálái tii ɲee a pɛli mɔ̨nɔ̨ɠaa tii diɛ, diɛ naa ɓɛlɛ too, kɛlaa, di hvo gɛ di hvo di tuwɔ pələ mąąhvalin, di hvo mąąwiɛlaa tɛɛ bɔ.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Gɛlaɠaa 17:20

Mąąhɔlɔɓo, ə́ kaa ku wəlii woo ɲąąnwąnąi a nwɛ̨ą mɛ̨nįɠaa, ɛlɛɛ, ku kaa kpɔ bɔ, ku mukulaa kɔlɔn.»

Markə 16:14

Ɲąą kpɛɛi, Jesus ə gbɔwɔ lɛ nwɔ kalan nɛa pow kɔ́w tɔ̨nɔ̨i ɓa ɓɛlɔwai di kɛi di kɔ̨nɔ̨n mį́i la. Ə haŋąą diɛ, mąąhɔlɔɓo, di di lii walawala di hvo laa di ɓɛlaa woo la, ɓɛlɔwai di kɛ la diɛ, Jesus aa nwun aa kulɔ haaɓɛlaa lɔwai.

Markə 9:19

Jesus ə mo nu kpului tii ɓa, yɛ diɛ: «Nu huwu ɲɔ̨nwɔ̨ɔ̨ɠaa ɓaa kaa, laa na laa hvo ka yei. Akɛti, hvo kɛli gwa lɛɛ gu kee ɓa hąą mįnɛ̨ lɔwai, ə gɛ, kaa pɛli mɛ̨nįɠaa ɲɛ̨i kɛi? Akɛti, hvo kɛli ŋą níí kpələ ka mu hąą mįnɛ̨ lɔwai? Ka pa a nokoloi tii bɔ́.»

Maafîu 12:41

Yálá nwɔ kiti teei lɔwai, Ninivə nuą da di muhəɠə, nu huwui ŋɛ̨i pɔ, di gití kala diɛ. Mąąhɔlɔɓo, Ɉonasə ə Yálá nwɔ liiɲąnwąną mɛ̨nį laa həli la diɛ, di di túwɔ́ pələ ɲɔ̨n mąąhvalin. Yaan, nui ka káá gaai, gɛnɛ̨i dɛɛ Ɉonasə ɓa!

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.