Maafîu 11:19 - Yálá laawoo hɛɓɛ (dc)

¹⁹ Nu Lon ə pa, yɛ kɔ̨nɔ̨n mį́į́, yɛ gbələ. Diɛ kɛ mą: ‹Nui ŋɛ̨i nwɛi, gwəi kɛnɛ̨i, yɛ lɔɔ kpələ, yɛ ɓo a nįįhɔ̨nwɔ̨ kulɔ nuą da mɛ̨nį ɲɔ̨n gɛ nuą di ɓɛlan.› Kɛlaa, Yálá kɔ́lɔn gili ə lɛ a ɉaŋąą dúwɔ pələɠaa hu.»

Yálá laawoo hɛɓɛ

¹⁹ Nu Lon ə pa, yɛ kɔ̨nɔ̨n mį́į́, yɛ gbələ. Diɛ kɛ mą: ‹Nui ŋɛ̨i nwɛi, gwəi kɛnɛ̨i, yɛ lɔɔ kpələ, yɛ ɓo a nįįhɔ̨nwɔ̨ kulɔ nuą da mɛ̨nį ɲɔ̨n gɛ nuą di ɓɛlan.› Kɛlaa, Yálá kɔ́lɔn gili ə lɛ a ɉaŋąą dúwɔ pələɠaa hu.»

Bible

¹⁹ Núu-kpune Ǹóŋ è pà gɛ ǹáa mii gɛ ŋwã̂ai kpèle, kɛ́lɛ, dí mò, dîyɛɛ, ‘Ka gáa, gáa a mii-sɛŋ wɛli-nuu gɛ ƃo a ŋwã̂ai-kpele-nuu, gɛ ƃo a ŋuŋ-fela-fei kula-ƃela da sɔnyɔ̂ŋ-ƃela díwɛli!’ Kú táre kɔ́lɔŋ táre ŋɔtíi-ŋai su.”

Maafîu 11:19 Referans Kwoze

Lukə 19:7

Nąą kaai kɛa nuą di mo, di dɛi kɛi Jesus ɓo, diɛ kɛ mą: «Gaa li yɛ yii nɛ̨ŋɛ̨n ɉəɠə mun ɲəi bɛlɛ́n.»

Lukə 14:1

Hvįįtɔɔ yələ ta, Jesus ə li Farisiɛ̨ nwun nąmu ta pɔɔli, kɔ̨nɔ̨n mį́į́ mɛ̨nį ɓa. Nuą tii kɛ laa, di ɲɛ̨i heɛ kpɔ kɛ Jesus ɓa, diɛ mąąkpɛɛ.

Lukə 7:29

Nuąi tii kəlee, ə mą kɛ nįįhɔ̨nwɔ̨ kulɔ nuą, di kɛi di wəli tɔɔ Ɉaan-Batistə woo ɓa. Di gɔlɔn gɛ diɛ: Yálá tələnmoɔi, di kɛi pa Ɉaan pɔ, əgɛ, ə di mąąwaa.

Hanwon 17:24

Nui gili kaa ɲəi, da nwɔ mɛ̨nį kɔ́lɔn gili kaa ɲɛ̨ilai, Kɛlaa, nui kili hvo mą, nwun a kɛ lɔ a vilɛn ŋąą.

Lomaŋ 15:2

Mąąnɛ̨ɛ̨ gu gu kiliŋąhiɛ gu ɓɛlaa di wɔ mɛ̨nį lɛlɛɛ ɓa, ə gɛ, gu dɛ tɔwɔ laa na pələ mɛ̨i.

Ɉaan 2:2

Di Jesus da nwɔ kalan nɛai diɛ kpɛli di təli.

M̀ɛni-lɛɛi 7:12

Diɛ kɛ mą: «Amįįną! Mąątɛ̨nɛ̨, mąąwiɛlaa, kilikɛɲəilaa, mąmąɓo, ɓɛlɛ laa hvaŋą laa, ɛlɛɛ da huwalawalalaa, di kaa a ku wɔɔ Yálái nwɔɔ, ɲɛ̨n deei hvo mą! Amįįną!»

Hanwon 23:21

Mąąhɔlɔɓo, lɔɔ kpələmun da kwəi kɛnɛ̨mun da too yeehowololaa hu; ɛlɛɛ, yíi kɛnɛ̨ a həɠə haɠa too nu kwąną.

Maafîu 5:46

Mąąhɔlɔɓo, akɛ, ka wɛlikɛmąą nuą lɔ ɓə ka di wɛli la kɛ, tɔ̨nɔ̨ lə kɛɛ ɓə ka pɛli Ɉɔlɔɓoi Yálá yəi yili hu? Niihɔ̨nwɔ̨ kulɔ nuą diɛ kpɛli da gɛ lɔ tii.

Mąątɛ̨nɛ̨ 109:20

Bələ ɓə Yai-Laa kaa pai gálámąɓo nuą tii hon ɉii la, da nuąi da kɛ mɛ̨nį ɲɔ̨n moi a náá.