Maafîu 11:17 - Yálá laawoo hɛɓɛ (dc)

¹⁷ diɛ kɛ diɛ: ‹Kwaa kwəinɛ̨ɛ̨ tulu hvɛɛ, ka hvo mąną li; kwaa haa too, ka hvo wɔlɔ li!›

Yálá laawoo hɛɓɛ

¹⁷ diɛ kɛ diɛ: ‹Kwaa kwəinɛ̨ɛ̨ tulu hvɛɛ, ka hvo mąną li; kwaa haa too, ka hvo wɔlɔ li!›

Bible

¹⁷ ‘Kú túru fɛ̀ɛ kâa, kɛ́lɛ, káfe mãla ni. Kú gbeɣêi too, kɛ́lɛ, káfe wɔlɔ ni.’

Maafîu 11:17 Referans Kwoze

Azaya 30:29

Ka wɛi, ka káá pai kɛi wələ tooi, yɛ da kɛi hɛli pu kwii hɛ̨ą, ka ɓo la kwəinɛ̨ɛ̨ hu, yɛ nui di kaa ɓɔɔ hvɛɛi bulu, yɛ li la Yai-Laa nwɔ yeei pɔ pələ, Israɛlə mąą kɔ́nwɔ̨ kwɛni pɔ pələ.

Maafîu 9:15

Jesus ə di woo ŋąąpənə yɛ diɛ: «Gaa ka kwəi, nɛ̨ą həɠəmun mɛlaa da mąąwɛli hee ɓo a nɛ̨ą ya yələ? Yili hva kɛ tii. Kɛlaa, gaa pai kɛi a yələ ta, nɛ̨ą həɠəmun tii kaa pai həɠəi di pɔ; nąąlɔwai ɓə da hin nɔ la.

Ɉeremi 31:4

Gáá bɔ ŋį́ pənə ŋį́ ə́ tɔɔ, Israɛlə nɛ̨ɛ̨gbɛla, ə́ kaa pai tɔɔi, ə́ kaa pai pənəi ə́ pu ə́ ninə kɔ́lɔi. Ŋą́ ə́ mąąyili, ə́ wɔ hvɛli kɛ hɛnŋaa di ɓo ə yəi, ə́ tɔɔ la nuą ɲɛ̨itɔwɔ nwələ yɛli hu, a ɉɛli yələ.

Maafîu 9:23

Ɓɛlɔwai di həli la Ɉuifə kalanɉon tii yəi bɛlɛ́n, di tulu hvɛɛ nuą kaa laa. Nu kpulu kɛnɛ̨ ə kɛ laa diɛ wɔlɔ.

Tɔɔɓɛlaa dɔlɔɔ 1:40

Nuą kəlee di hvilɛn Salomɔn pulu, diɛ túlú hvɛɛ, diɛ mąną. Nɔi ə kɛ yɛ a kɛi kpɛlin di kɔ́wɔ mu.

Lukə 15:25

«Nąąlɔwai, ɉulɔnui tii non gɛnɛ̨mun ə kɛ ɲɛa yɛ koló kɛ. Ɓɛlɔwai kɛa ə kɛi paa la, mąą kpua bɛlɛ́ laaləi ɓa, hvɛli woo yɛ tɔɔ bɛlɛ́ laaləi, nuą diɛ mąną kaa.

Zɛnɛse 50:10

Di həliɛ kɛa Atadə gwɛni gbaha ŋą ɲąąləngbɔlɔ hu, Ɉurdɛn pulu pələ, di pənə nwɔ̨nɔ̨ di Ɉakɔbə haa wɔlɔ ta ɓo laa a mąąwiɛ pələ. Ɉosɛfə ə hvóló mɛ̨ihveelɛ kɛ laa, yɛ nąn ɉaa wɔlɔ ɓo.

Maafîu 11:16

«Lə ɓə ŋą pɛli ŋį́ nuą ŋɛ̨i kɔ́ɔn mą? Di kaa yɛ lɛapɛlɛɛ yiiɠaai di kaa heeni kwəli hɛ̨ąi, daɠaa diɛ haŋą di ɓɛlaa diɛ;

Maafîu 11:18

Yaan, Ɉaan pai ə mo, hvo kɔ̨nɔ̨n mį́į́, hvo kɛi lɔɔ kpələ, kɛlaa, di kɛ mą: ‹Ɲįnɛ̨n gaa bulu.›

Lukə 7:32

Di kaa yɛ, lɛapɛlɛɛ yiiɠaai di kaa heeni kwəli hąmąi, daɠaa diɛ tómą di ɓɛlaa mɛ̨i, diɛ kɛ mą: ‹Kwaa kwəinɛ̨ɛ̨ tulu hvɛɛ, ka hvo mąna li, kwaa haa too kaa, ka hvo wɔlɔ li!›

Lukə 8:52

Nuą tii kɛ laa bɛlɛ́n, di kɛi wɔlɔ diɛ di woolaa nokoloi tii mąą mɛ̨nį ɓa. Jesus ə mo diɛ, yɛ diɛ: «Ka hvo wɔlɔ, hvo haa li, gaa yii.»

Lukə 23:27

Nu kpulu kɛnɛ̨ ə kɛ Jesus pulu, nɛ̨ą tamąą di kɛ di lɔwai diɛ wɔlɔ, diɛ di woolaa Jesus mąą mɛ̨nį ɓa.