Bib sou entènèt

Maafîu 11:11 - Yálá laawoo hɛɓɛ (dc)

¹¹ Gáá tɛ̨ą ɓoi kaa, nui kpɔ nɛ̨ɛ̨nu ə gaa, da hvo kɛnɛ̨ li hvo tɛɛ Ɉaan-Batistə ɓa. Kɛlaa yaan, nui gaa a lokolo Yálá-taa tɔɔlaa hu, mąą nu kɛnɛ̨i dɛɛ mą.

Gade chapit la Kopi

Yálá laawoo hɛɓɛ

¹¹ Gáá tɛ̨ą ɓoi kaa, nui kpɔ nɛ̨ɛ̨nu ə gaa, da hvo kɛnɛ̨ li hvo tɛɛ Ɉaan-Batistə ɓa. Kɛlaa yaan, nui gaa a lokolo Yálá-taa tɔɔlaa hu, mąą nu kɛnɛ̨i dɛɛ mą.

Gade chapit la Kopi

Bible

¹¹ “Ŋá tɔ̃yâ ƃôi kâa, diai kélee nɛyâa dí dísɔlɔ ƃôi, da fé kɛ́tɛ ní é tɛ́ɛ Batâi-kɛ-nuui Zɔ̂ŋ ma. É máŋ kɛ́ tí Ŋ̀âla-taa kâloŋ-laai su-ƃelai guro-te-ɣelei kɛ̂tɛi é tɛ́ɛ mà.

Gade chapit la Kopi

tounen moute ⬆

Maafîu 11:11
31 Referans Kwoze

Lukə 7:28

Jesus yɛ diɛ: «Gáá moi kaa: Ɉaan-Batistə kaa a nu kɛnɛ̨, dɛɛ nu kəlee ɓa. Kɛlaa, nui gaa a lokolo Yálá-taa tɔɔlaa hu, gɛnɛ̨i dɛɛ Ɉaan-Batistə ɓa.»

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Ɉaan 1:15

Nwoo tii ɓə Ɉaan Baptistə ə kɛi mąą kɛla hvaa ɓo yɛ tómą la, yɛ kɛ mą: «Nui ŋɛ̨i ɓə ŋį́ kɛi mąą mɛ̨nį ɓo gɛ́ kɛ diɛ: ‹Gaa búlú yɛ pa, kɛlaa, bɔlɔ-pɔlɔɔi dɛɛ mą́ą́. Mąąhɔlɔɓo, ə wɔlɔ kɛ laa gɛɛ di hvo ɉɔ́lɔ́ɓo.›»

Maafîu 5:19

Yili ɓə gaa mą, nui a dɔ́n ŋɛ̨i nogolo kpɛli kala, əlɛɛ, yɛ nu takpɛliɠaa kalan a tɔ́n gala mɛ̨nį yɛ yaa, mąą nui tii ɓə di kaa pai kɛi mą: lokolo Yálá-taa tɔɔlaa hu. Kɛlaa, nui a dɔ́n ɉɔn, əlɛɛ, ya nu takpɛliɠaa kalan a dɔ́n ɉɔn mɛ̨nį yɛ yaa, ya ɓə di kaa pai kɛi mą: nu kɛnɛ̨ Yálá-taa tɔɔlaa hu.

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Lukə 9:48

Yili pulu, ə mo diɛ, yɛ diɛ: «Nui a ɲee hee nokoloi ŋɛ̨i mu ɲą́ą́ mąą mɛ̨nį ɓa, a kɛ tii, ɲą́ą́ ka tii aa ɲee hee mú, nui a ɲee hee múi, a kɛ tii, nui dɛ́ɛ́, yaa ka tii aa ɲee hee mu. Mąąhɔlɔɓo, nui gaa a lokolo ka lɔwai, yaa ɓə gaa a nu kɛnɛ̨.»

Piɛrə dɔlɔɔ 1:10

Malo mɛ̨nįi tii ɓə, Yálá kwəi mɛ̨ni hukulɔ nuą di kɛli gwɛli, diɛ mąą mɛ̨nį ɓo, ɓɛlɔwai di kɛli pələ ɓo la yɛ hvilɛn na, nɛ̨ɛ̨laai di ɉee ká tɔwɔ, mą;

Hebreu 11:40

Hvo gaai, Yálá ə mɛ̨nį lɛlɛɛ mąą kili tee gwəi nwɔ̨nɔ̨ a gu wɔɔ, ya ɓaa, mąą hvo nɛ̨ɛ̨li, di hvo həli mɛ̨nį kəlee laa kulɔi ɓa, gu tɔwɔ.

Korɛntə dɔlɔɔ 15:9

Mąąhɔlɔɓo, ɲą́ą́ ɓə gɛlaɠaa lɔwai a nogolaamun, a ɲą́ą́i mą́ą́ hvo nɛ̨ɛ̨li di hvo kɛ mą́ą́: kɛla; mąąhɔlɔɓo, ŋį́ gbɔn mɔ̨nɔ̨ɓo.

Korɛntə dɔlɔɔ 6:4

Yaan, akɛ mɛ̨nį ta a kɛ ka lɔwai, lə mɛ̨nį ɓa nuąi di hvo mɛ̨nį ta kɔ́lɔn yɛ hvilɛn na gbɔn ɓa, káá di kɛ a ka wɔ kiti tee nuą?

Ɉaan 10:41

Nu tamąą di pa Jesus pɔ. Di kɛi mo diɛ kɛ mą: «Ɉaan hvo kɛ kpalo mɛ̨nį kɛ li, kɛlaa, mɛ̨nįi kpɔ ə mo yɛ hvilɛn na ɉulɔnui ŋɛ̨i ɓa, gaa tɛ̨ą.»

Ɉaan 3:30

Hvo kɛli Jesus tii laa ə tɛ, nwɛ́i mą́ą́ ə yɛɛ.»

Mąątɛ̨nɛ̨ 51:5

A tɛ̨ą, ŋą́ą́ ɉɔ́n gɔlɔn, nwɔ́ nɛ̨ŋɛ̨n kaa lɔ ɲɛ̨́i mu a yələ kəlee.

Zôo 15:14

Lə kpɔ ɓaa nu kan, yaai a gbɔwɔ kɛ a nu haŋąą? Lə ɓaa nɛ̨ɛ̨nu kwəi lon, yaai a gbɔwɔ kɛ a tələnmomun?

Zôo 14:4

Gbɛɛ kpɔ ɓə laa yɛ pɛli mɛ̨nį ɲɔ̨nwɔ̨ɔ̨, da nɛlɛɛ gulɔ ɉu kɛi yɛ bələi ə́ kaa la? Mąą nu hvo mą!

Zôo 14:1

Lon lɔpee nɛ̨ɛ̨nu a gaa, Nwɔ yɛnɛ̨ɛ̨ kaa lɔ a gbuɔ, kɛlaa naahvɛɛ a mɔ̨nɔ̨.

Ɉaan 5:35

Ɉaan ə kɛ yɛ labon daa dɔɔ yɛ lən. Ka kɛ bɔ ka da hɔlɔɓo, ka ɲąąnɛ̨ɛ̨ gulɔ.

Ɉaan 1:27

gaa búlú yɛ pa, ɲą́ą́ ŋɛ̨i mą́ą́ hvo nɛ̨ɛ̨li kpɛli a nwɔ kɔ́lɔi ɲɛli hvólóonmun.»

Zakari 12:8

Mąą yələi tii, Yai-Laa a goon bɛlɛ Ɉerusalɛmə nuą mɛ̨i, nui kpɔ hvaŋą hvo ɲəi di lɔwai, gaa pai kɛi yɛ Davidə. Ɛlɛɛ, Davidə nwɔ pɛlɛ́i a kɛ yɛ Yálá, ə ɓo yɛ Yai-Laa nwɔ malaka, ə ɓo di ɲɛ̨i tɔwɔ.

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Azaya 30:26

Ɲąnin gaa pai kɛi lən ɉi yɛ hvóló, hvóló lən yɛ kɛnɛ̨ geemɛ̨i mɛ̨ihveelɛ, yɛ kɛ yɛ hvóló mɛ̨ihveelɛ ŋą kɛɛ pɔ̨nɔ̨ a pɛlɛ gee ɓa, gaa pai kɛi tii a ɓɛlɔwai Yai-Laa kaa pai nwɔ nuąi di wɔ palaɠaai hali kɛi la, di haɠai di mo, yɛ bala hali kɛ.

Zôo 25:4

Nu a pɛli mɔ̨ɔ̨ gbɔwɔ kɛi a tələnmomun Yálá lííla? Nɛ̨ɛ̨nu kwəi lon a pɛli kɛi a nu haŋąą?

Samuɛlə dɔlɔɔ 2:30

Yili mąą mɛ̨nį ɓa, Yai-Laa Israɛlə nwɔ Yálá woo ka: Ŋą́ ta mo tii, gɛ́ kɛ diɛ, ə́ wɔ pɛlɛ́i da ə́ nąn nwɔ pɛlɛ́i di kaa pai hiɛi ɲɛ̨i ɓa a yələ kəlee, kɛlaa, yiihu, Yai-Laa woo yili aa həɠə mą. Mąąhɔlɔɓo, nuąi da mą́ą́wiɛ, ŋą́ di mąąwiɛ, nuąi da tɛɠɛɓo ɉú, di ɓɛlɛ aa kpɛɛ diɛ.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Timote veelɛ 1:10

ya ka, aa too pono ɲą yiihu, gu ɓalomun Jesus Kristə háálai. Ya ɓə haa hukala, ɛlɛɛ, ə ɓalo hva kpɛɛ yɛnɛ̨ɛ̨ lən gu mɛ̨i, nwɛlɛɛ lɛlɛɛ háálai,

Lukə 1:15

Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Maafîu 3:1

Nąąlɔwai ɓə Ɉaan-Batistə ə kɛi kalan gɛ la Ɉude lɔi pun ɉu.

Maafîu 11:10

Mąąhɔlɔɓo, Ɉaan tii ɓə mąą mɛ̨nį pɛ̨ɛ̨ kɛ Yálá laawoo hɛɓɛ́ hu, ‹Yálá kpinį yɛ kɛ mą: Gáá pai gwə́i mɛ̨nį hukulɔ mun dɔɔi ə́ tɔwɔ, ə ə́ wɔ pələi pɛli.›

Maafîu 11:12

Ə həɠə Ɉaan-Batistə nwɔ kalan gɛ hvólói ɓa, ə hɛli la yiihu ɓa, Yálá-taa tɔɔlaa mɛ̨i kpulɔɔi a huwalawala, əlɛɛ, huwalawala nuą kaa bɔ di ɉɔlɔɓo a di wɔɔ.

Swiv nou:

Lyen patwone

Piblisite

Piblisite