Maafîu 10:41 - Yálá laawoo hɛɓɛ (dc)

⁴¹ Nui a ɲee hee Yálá kwəi mɛ̨nį hukulɔ nuą ŋɛ̨i ta mui, mąąhɔlɔɓo, Yálá kwəi mɛ̨nį hukulɔ mun ni, mąą nui a vɛla hɔlɔɓo yɛ Yálá kwəi mɛ̨nį hukulɔ mun. Nui a ɲee hee nu haŋąą ta mu, mąąhɔlɔɓo, ɉaŋąąi Yálá ɲɛ̨i ɓa, mąą nu a mąą hvɛla hɔlɔɓo Yálá yəi.

Yálá laawoo hɛɓɛ

⁴¹ Nui a ɲee hee Yálá kwəi mɛ̨nį hukulɔ nuą ŋɛ̨i ta mui, mąąhɔlɔɓo, Yálá kwəi mɛ̨nį hukulɔ mun ni, mąą nui a vɛla hɔlɔɓo yɛ Yálá kwəi mɛ̨nį hukulɔ mun. Nui a ɲee hee nu haŋąą ta mu, mąąhɔlɔɓo, ɉaŋąąi Yálá ɲɛ̨i ɓa, mąą nu a mąą hvɛla hɔlɔɓo Yálá yəi.

Bible

⁴¹ Ǹúui a ǹyée sèe Ɣâla ŋɔlóno-kɛ-nuu mu, kpɛ́ni fêi, gáa a Ɣâla ŋɔlóno-kɛ-nuui, maa-nûui a pâi Ɣâla ŋɔlóno-kɛ-nuui ŋɔsama-sɛŋ sɔlɔ ƃôi. Ǹúui a ǹyée sèe tɔ̃yâ-nuu mu, kpɛ́ni fêi gáa a tɔ̃yâ-nuui, a pâi tɔ̃yâ-nuu ŋɔsama-sɛŋ sɔlɔ ƃôi.

Maafîu 10:41 Referans Kwoze

Hebreu 6:10

Ɛlɛɛ, Yálá hvo hvulu li, hva pɛli lɛ̨ąi ka kɛ mɛ̨nį nɛ̨ɛ̨ɠaai ka káá gɛi, diɛ, gəlee ə mą kɛ, wɛlikɛmąąlaai ká kɛi tí la kristalɛa diɛi, diɛi wɔlɔ kɛ laa, ə mą nwɔ̨nɔ̨ kɛ, háákələi.

Zɔ̂ŋ Veerɛi 1:8

'Ká ká kpɔwɔ mɛ̨i kaa káá kpinįi, ə gɛ, ká hvo pa hvɛɠɛ a ká kɛ kólo dɔlɔ, kɛlaa yaamun, ká ká hvɛla hɔlɔɓo kpɔ kɛnɛ̨.

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Korɛntə dɔlɔɔ 9:17

Akɛ gáá gɛi gbɔ́wɔ́ ɓa, ŋą́ li və́la mɛ̨nį ɓo, kɛlaa, akɛ di dí la, yili kaa a nwuɔ́ tiɛ̨.

Maafîu 16:27

Ɓɛlɔwai Nu Lon kaa pai pai la, Nąn Yálá nwɔ mąąwiɛi hu, da nwɔ malakaɠaai, nąąlɔwai ɓə gaa pai nu tɛitɛi kəlee hvɛla kulɔi la, yɛ pələi dúwɔ́ pələ ə kɛ la.

Maafîu 6:18

Ya ɓə a gɛ, nuą kili hva pu ɉu, diɛ ə́ kaa hin ɉu. Kɛlaa ə́ Ną́n a loo mɛ̨nį hu kaa, ya ɓɛ pai ə́ woo ŋąąpənəi.»

Lomaŋ 16:23

Gaiusə yai a nwɛ̨́ą́ ną́mu, yɛ ɓo a gbɔn nwɛ̨ą nąmu, yɛ ka túwɔ́ɓo. Erastə yai a daa hɛngɔw laikɛ mun, yɛ ka tuwɔ ɓo, ə mą kɛ, gu nąn non Kuartusə yaa kpɛli, yɛ ka tuwɔ ɓo.

Maafîu 6:6

Kɛlaa, yɛ́ ə́ wɛi, yá kɛi Yálá hvɛli, lɔ ə́ yəi bɛlɛ́n, ə́ naa kpulu; ə́ Ną́n Yálái gaa laa ə́ pɔ loo hu, vɛli. Yaa tii a loo mɛ̨nį hu kaai, ya ɓə pai ə́ hvɛla kulɔi.

Gɛlaɠaa 16:15

Yii kɛa di Lidi mąąwaa, yaa da ɲəi bɛlɛ́n nuą kəlee. Ə ku təli, yɛ kuɔ: «Yɛ bələi kpɔ káá gáá a nui aa laa gu Ną́mu Jesus mąą mɛ̨nį lai, 'ká pa kani 'ká lɔ ɲə́i bɛlɛ́n.» Ə ku kpaan di, ku hvaa mą.

Maafîu 6:4

Ya ɓə a gɛ, ə́ wɔ kɔ́ɓo hɛn ə lɛɛ a nooɔ. Ə́ Nąn Yálái a loo mɛ̨nį hu kaa, ya ɓə pai ə́ hvɛla kulɔi.»

Maafîu 6:1

«Ka gɛ a nɛlɛɛ, ka hvo ka wɔ kalan non naa, mąą túwɔ́ pələ kulɔ nuą ɲɛ̨i ɓa, ə gɛ, di ka káá. Akɛ ka gɛ tii, ka Nąn Yálái yələkɔlɔn ɉu, hva kɛa ka hvɛla kulɔ.

Azaya 3:10

Ka mo kaa diɛ: tələnmomun nwun na nɛ̨ɛ̨i, hvó gaai kaa pai gɛ tíi dɔlɔ mįi.

Maafîu 7:8

Mąąhɔlɔɓo, nui lɔpee a hvɛliɓo kɛ, da gɔ́; nui a hɛn gwɛli, a ɉɔlɔɓo; əlɛɛ, da pɛlɛ laaɓo naa kɛlɛ mun dɔwɔ.

Maafîu 25:44

«Nąąlɔwai diɛ kpɛli da nwoo ŋąąpənə diɛ mą: ‹Námu mįnɛ̨ lɔwai ɓə ku ə́ kaa la pulu ə ɓo yɛ́, ku hvo ə́ kɔ́ a kɔ̨nɔ̨n? Kpələ wɛli ə ɓo yɛ́ ku hvo yalaɠi tɛɛ ə́ pɔ? Ə́ kulɔ la kuɔ a nweą, ku hvo ə́ nweą laa kɛ? Ə́ mąą haɠaa, ku hvo həɠə kɛ yɛ́? A wala kɛ tii, ə́ ɓo gaho ŋą, ku hvo ku woo pili yɛ́?›

Maafîu 25:45

«Tɔɔmun a mo kɛa yɛ diɛ: ‹Gáá tɛ̨ą ɓoi kaa, ɓɛlɔwai ka kɛi nwɔ́ lɛapɛlɛɛɠaa ŋɛ̨i ta kaa la mɛ̨nįɠaa ŋɛ̨i ta hu, ka hvo mąąkpɔn mąąɓo, ɲą́ą́ ka tii ka gwəiɲɔ̨n tii kulɔ mą́ą́.›