Maafîu 10:4 - Yálá laawoo hɛɓɛ (dc)

⁴ Simɔn yai kɛ a Kanaan mun, da Ɉudasə Iskariɔtə mun, yaai pai kɛ Jesus tɛŋɛ̨n gwɛlɛi.

Yálá laawoo hɛɓɛ

⁴ Simɔn yai kɛ a Kanaan mun, da Ɉudasə Iskariɔtə mun, yaai pai kɛ Jesus tɛŋɛ̨n gwɛlɛi.

Bible

⁴ Samaŋ nyii kɛ̀ a ŋɔlɔii wɛ́liɛɛi, da Zudasi Sekaria ma, nyii kùla bôlui.

Maafîu 10:4 Referans Kwoze

Maafîu 26:14

Jesus nwɔ kalan nɛai dɔ̨nɔ̨ yii da kɛ naa ɓa Ɉudasə Iskariɔtə mun, ə li ɉaláá la həli nuą kpɛa-kpɛaɠaa pɔɔli, yɛ diɛ:

Ɉaan 13:2

Ɓɛlɔwai di kɛi yələ wilii kɔ̨nɔ̨n mį́i la, nąnį aa gbɛa kɛ Jesus lɔwɔ́tɔɔ mɛ̨nį giliŋąhiɛ lɔ Simɔn lon Ɉudasə hu, yai a Iskariɔtə mun.

Ɉaan 6:71

Ɉudasə ŋɛ̨i kɛ a Simɔn Iskariɔtə mun lon, ya ka tii Jesus ə kɛi mąą mɛ̨nį ɓo. Mąąhɔlɔɓo, ya ɓə kɛ a nu pow kɔ́w hveelɛ tii dɔ̨nɔ̨, yii kɛi pa Jesus lɔwɔtɔɔi.

Markə 14:43

Ə lɛɛ kpɔlɔɔ moi tii, ŋąąɓa, Ɉudasə ŋɛ̨i kɛ a nwɔ kalan nɛa pow kɔ́w hveelɛ dɔ̨nɔ̨, yɛ pa da nu kpulu kɛnɛ̨, ɓɔwa kwɛa yɛ ɓo daɠaa yəi, gbɔn yɛ ɓo daɠaa yəi. Ɉaláá laa həli nuą nwun nąmįną, tɔ́n galamɔ̨ɔ̨ɠaa da Ɉuifə kalaɉonŋąą ɓə di tɔɔ.

Maafîu 26:47

Jesus ə lɛɛ lɔ moi tii, nwɔ kalan nɛai dɔ̨nɔ̨ yii da kɛ mą Ɉudasə, dɔɔ nuą ɲɛ̨itɔwɔ diɛ pa. Nu kpului tii kɛ bulu, gbɔn ə kɛ daɠaa yəi, ɓɔwa kwɛaa yɛ ɓo daɠaa yəi. Ɉaláá laa həli nuą kpɛa-kpɛaɠaa da Ɉuifə kalaɉɔnŋąa ɓə nuą tii tɔɔ.

Lukə 22:47

Ə lɛɛ lɔ yili ɓoi, nu kpɔn gɛnɛ̨ yɛ pa, Ɉudasə ŋɛ̨i kɛ a nu pow kɔ́w hveelɛ dɔ̨nɔ̨, vilɛn ŋąą di ɲɛ̨i tɔwɔ diɛ pa. Ə lɛɠɛ Jesus ɓa, ə nɛ̨nɛ̨ɓo.

Lukə 22:3

Ya ɓə, ɓilihi ə lɔ Ɉudasə Iskariɔtə mun hu, yai kɛ Jesus nwɔ kalan nɛa pɔw kɔ́w hveelɛi dɔ̨nɔ̨,

Markə 14:10

Ɉudasə Iskariotə mun yai kɛ a Jesus nwɔ kalan nɛai pow kɔ́w hveelɛ dɔ̨nɔ̨, ə li ə həli haláá laa həli nuą diɛ, ə gɛ, ə Jesus tɛŋɛ̨n gwɛlɛ.

Maafîu 27:3

Ɉudasə ŋɛ̨i Jesus lɔwɔtɔɔ, yii kɛa gaa yɛ daa Jesus hon diɛ li baai, naa mąąwɛli ə ɉon níí ə holi, ə pənə ə pa a nwalii tii di Jesus ya la, ə dɛɛ ɉaláá laa həli nuą kpɛa-kpɛa nwun nąmįną da Ɉuifə kalaɉonŋąą pɔ, yɛ diɛ:

Gɛlaɠaa 1:25

ə gɛ, mąą nu ə kɛ a Ɉudasə mąąhvalən, ə́ diɓoi ŋɛ̨i ə́ dɛɛ ku pɔ ɉu; yaai Ɉudasə ə nąą lɛɛ laa, yɛ li ɓɛi gaa bɔ.»

Gɛlaɠaa 1:13

Pai di mo, ɲələi-pɛlɛ́i di kɛi di ŋąąkpɔn mu a bɔlɔ, nąą ɓə di lɔ laa. Nuąi kɛ laa diɛ ɓaa: Piɛrə, Ɉaan, Ɉakə da Andre, Filipə da Tomasə, Bartelemi da Matie, Alfe lon Ɉakə, Simɔn nɔi-lon, da Ɉakə lon Ɉudə.

Maafîu 26:2

«Ka gɔlɔn kaa, aa lɛɛ a hvóló hveelɛ pakə hɛli yɛ ɉəli. Di kaa pai Nu Lon hon ɉii di kolɔwa ɓa.»

Maafîu 26:15

«Akɛ ŋą Jesus tɛɛ ka pɔ, lə ɓə ka ɉála la?» Di nɛɛmą, di wali kwələ pow-haaɓa lono di dɛɛ bɔ.

Ɉaan 6:64

Kɛlaa, nu taɠaa kaa ka lɔwai yiiɠaai di hvo laa li na. Mąąhɔlɔɓo, ə həɠə kpɔ gɔwɔ tɔɔi yələ ɓa, nuąi di hvo kɛi laa na, ɛlɛɛ, da nui kɛi pa nɔwɔtɔɔi, Jesus ə di kɔ́lɔn gɛ.»