Maafîu 10:30 - Yálá laawoo hɛɓɛ (dc)

³⁰ Ka wɛi, ka nwun nɛɠaɠaa kəlee lonɔɔ kpaɠala kaa mą.

Yálá laawoo hɛɓɛ

³⁰ Ka wɛi, ka nwun nɛɠaɠaa kəlee lonɔɔ kpaɠala kaa mą.

Bible

³⁰ Kɛ́lɛ, káŋuŋ-leɣai kpîŋ káŋûai gélee lónoɔ̂i.

Maafîu 10:30 Referans Kwoze

Lukə 12:7

Ə mą kɛ ka nwun-nəɠa kəlee lonoɔ kpaɠala kaa mą. Ka hvo ɲɔw, ka hviɛlaɓoɔi ə tɛɛ nwɛ̨ni pɛlɛɛɠaa tii diɛ kpɔ kɛnɛ̨.»

Samuɛlə dɔlɔɔ 14:45

Kɛlaa, nuą kəlee diɛ Saulə ɓa: «Ɉonatan a pɛli mɔ̨ɔ̨ haai, Yaai gɛ gɔ́ kɛnɛ̨i ŋɛ̨i yɛ nɛɛ guɔ? Yili hvo pɛli li ɉu. Yai-Laa kaa a vulú, akɛ yili a kɛ tii, kɛɛ kala mɛ̨nį kɛnɛ̨ kpɔ-kpɔɔ li. Ɉonatan nwun nəɠa tɔ̨nɔ̨ kpɛli hva kulɔ nwuɔ̨. Mąąhɔlɔɓo, Yálá ɓə kpɔnmąą tɛɛ bɔ, yɛ mɛ̨nįi ŋɛ̨i kɛ háákələi.» Bələ ɓə nuą di Ɉonatan nwun mąąɓo la diɛ gulɔ haa hu.

Gɛlaɠaa 27:34

Gáá ká mąąnɛ̨ɛ̨i, gɛ́ ká gu kɔ̨nɔ̨n mįi, mąąhɔlɔɓo, yili ɓə a ka nɔ̨ɔ̨ lɛɛ ka hu. Ka ta nwun nɛɠa tɔ̨nɔ̨ kpɛli hvo pai lan ɉii ɉu.»

Lukə 21:18

Kɛlaa, ə mą kɛ ka nwun-nəɠa kɔ́w tɔ̨nɔ̨ kpɛli hva pili ɉu.

Samia Veerɛi 14:11

Nɛ̨ɛ̨nui tii yɛ tɔɔmun ma: «Tɔɔmun! Ə́ kwɛla a Yai-Laa yɛ, nón ɉulɔnu tɔ̨nɔ̨i ŋɛ̨i aa lɛɛ ɲə́i di hvo pai baa, a mɛlan ŋama nwąną kulɔ hɛn.» Tɔɔmun yɛ mą: «Yii kpɔ Yai-Laa kaa laa, ə́ lon nwun nəɠa tɔ̨nɔ̨ kpɛli hva too lɔi ɓa.»

Tɔɔɓɛlaa dɔlɔɔ 1:52

Salomɔn yɛ diɛ: «Akɛ Adoniasə a túwɔ́ a kaalon dúwɔ́ pələ, nwun nəɠa tɔ̨nɔ̨ kpɛli hva too nɔi ɓa. Kɛlaa, kiliŋąhiɛ ɲɔ̨nwɔ̨ɔ̨ logolo tiikpə ə mą kɛ mą, a ɉu haa ɓo.»