Maafîu 10:14 - Yálá laawoo hɛɓɛ (dc)

¹⁴ Pɛlɛ́i lɔpee ka lɔ mu, da taa lɔpee ka tɛ ɉu; da lənə kaai, da wala di wəli tɔɔ ka woo ɓa, ka kulɔ mąą pɛlɛ́i mu, a wala kɛ tii, ka kulɔ mąą taai hu, ka ka kɔ́wɔ ɲą muluun gbɛŋɛ̨n ka nɛɛ laa.

Yálá laawoo hɛɓɛ

¹⁴ Pɛlɛ́i lɔpee ka lɔ mu, da taa lɔpee ka tɛ ɉu; da lənə kaai, da wala di wəli tɔɔ ka woo ɓa, ka kulɔ mąą pɛlɛ́i mu, a wala kɛ tii, ka kulɔ mąą taai hu, ka ka kɔ́wɔ ɲą muluun gbɛŋɛ̨n ka nɛɛ laa.

Bible

¹⁴ Núu da kélee a wàla ǹyée see kámu, kpaa máŋ da wàla díwoli tɔ́ɔ káwoo ma, gɛ̀ ní, kà kɛ̀ kulâi maa-pɛrɛi mu kpaa maa-taai su, ka muluŋ kpɛ́mɛŋ kákɔɔ ŋá.

Maafîu 10:14 Referans Kwoze

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Nehemi 5:13

Ə lɛɛ, ŋį́ nwɔ́ həɠəi hu kpɛŋɛn, gɛ́ diɛ: «Bələ ɓə, nui lɔpee a wala nwoo pɔ mɛ̨nį kɛ, Yálá kaa pai gbɛŋɛ̨n ɉii la, yɛ gulɔ ɲəi bɛlɛ́n, yɛ mąą kwɛa ɲəi hɛnŋąą diɛ. Bələ ɓə da mąą nu kpɛŋɛn na, diɛ nɛɛ a ɲee hvowolo.» Nu kpɔn gəlee diɛ mą: «Ə kɛ tii!» Ə lɛɛ, di Yai-Laa mąątɛ̨nɛ̨ di gɛ yɛ pələi di mo la.

Gɛlaɠaa 13:51

Polə da mɛlan di di kɔ́wɔ ɓa muluun kpɛŋɛ̨n diɛ mɛ̨i, di tɛɛ diɛ li Ikoniumə.

Lukə 9:5

Ɓɛi lɔpee da wala di yee hee laa ka mui, ka ka kɔ́wɔ ɓa muluun kpɛŋɛn ka nɛɛ laa, əgɛ, di gɔlɔn diɛ daa mɛ̨nį ɲɔ̨n gɛ.»

Markə 6:11

Akɛ daa tii hu nuą da wala di yee hee ka mui, da wala di wəli tɔɔ ka woo ɓai, ka həɠə laa. Ka kɛi həɠə laai, ka ka kɔ́wɔ ɲą munun gulɔ ka kɔ́wɔ ɓa ka nɛɛ laa. Yili a kɛ diɛ a ka wɔ kɛla.»

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Ɉaan 13:20

A tɛ̨ą kpɔ-kpɔ gáá moi kaa, ŋą́ nu tɔɔ, nu a ɲee hee mui, aa ɲee hee mú; nui a ɲee hee múi, aa ɲee hee nui dɔ́ɔ́ mu.»

Markə 9:37

«Nui lɔpee a ɲee hee nɛapɛlɛɛɠaa ŋɛ̨i ta mu, ɲą́ą́ mą́ą́ mɛ̨nį ba, ɲą́ą́ gbinįi ka tii aa ɲee hee mú. Nui nwɔ̨nɔ̨, a ɲee hee mú, hvo kɛ ɲee hee li ɲą́ą́ dɔ̨nɔ̨ mú; a ɲee hee nui ə dɔ́ɔ́ mu.»

Maafîu 18:5

Nui a ɲee hee lokolo ta mu yɛ pələi nokoloi ŋɛ̨i kaa la, ɲą́ą́ náá hu, a kɛ tii mąą nui a ɲee hee ɲą́ą́ gbíní mu.»

Lukə 9:48

Yili pulu, ə mo diɛ, yɛ diɛ: «Nui a ɲee hee nokoloi ŋɛ̨i mu ɲą́ą́ mąą mɛ̨nį ɓa, a kɛ tii, ɲą́ą́ ka tii aa ɲee hee mú, nui a ɲee hee múi, a kɛ tii, nui dɛ́ɛ́, yaa ka tii aa ɲee hee mu. Mąąhɔlɔɓo, nui gaa a lokolo ka lɔwai, yaa ɓə gaa a nu kɛnɛ̨.»

Maafîu 10:13

Akɛ bɛlɛi tii mu nuą da di yee hee ka mui, ka wɔ liilaai a kɛ diɛ. Kɛlaa, da wala di yee hee ka mu, ka wɔ liilaai a lɛɛ ka yəi.