Maafîu 1:6 - Yálá laawoo hɛɓɛ (dc)

⁶ Ɉɛse ə tɔɔmun Davidə kaa. Tɔɔmun Davidə ə Salomɔn kaa Uri nɛ̨ą ɓa.

Yálá laawoo hɛɓɛ

⁶ Ɉɛse ə tɔɔmun Davidə kaa. Tɔɔmun Davidə ə Salomɔn kaa Uri nɛ̨ą ɓa.

Bible

⁶ Zɛse kɛ́ ƃò a gâloŋ Deeƃé ǹâŋ. Deeƃé kɛ́ ƃò a Saloma ǹâŋ, nyii da Yuraya ŋɔnɛnîi dí zɔlɔ ƃôi.

Maafîu 1:6 Referans Kwoze

Tɔɔɓɛlaa dɔlɔɔ 15:5

Yai-Laa ə gɛ tii, mąąhɔlɔɓo, mɛ̨nįi kɛ ɉaŋąą Yai-Laa ɲɛ̨i ɓa, Davidə ə gɛ. Mɛ̨nįɠaa kpɔ ə Davidə tí la, Davidə hvo mąą kwɛa da lɔpee ɓa nwɔ yɛnɛ̨ɛ̨ kəlee yee mu. Hvo kɛli lɔ mɛ̨nįi ŋɛ̨i Davidə ə naa Hɛtə mun Uri ɓai.

Samuɛlə dɔlɔɔ 17:12

Davidə ə kɛ a Ɛfrata yəi gwəlii mun Ɉɛse lon, yai bɔ taai ɓaa Bɛtleɛmə Ɉuda lɔi hu. Ɉɛse lon ɉinąą di kɛ a nu mɛ̨ihaaɓa. Ɉɛse ə kɛ a nu mąą pɔlɔɔ, a Saulə nwɔ tɔɔlaa yələi.

Kɔlɔnikɔ Maa-ŋuŋ 14:4

Nonŋąąi ə di kaa Ɉerusalɛmə, diɛ ka: Samua, Sovavə, Natan, Salomɔn,

Kɔlɔnikɔ Maa-ŋuŋ 3:5

Lonŋaai Davidə ə di hɔlɔɓo Ɉerusalɛmə, diɛ ka: Simea, Sovavə, Natan da Salomɔn; Davidə ə non nąąn tii kaa Amiɛlə lon Batə-Sua ɓa.

Samia Veerɛi 23:1

Ɉɛse lon Davidə woo gbəlan mąą ka: Nui heeni dɔɔ kpəlin ɉu, nwoo li; Nui Ɉakɔbə nwɔ Yálá ə mąątí, Yaai Israɛlə nuą da naa too a wələ,

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Mąątɛ̨nɛ̨ 72:20

Ɓɛ ɓə Ɉɛse lon Davidə nwɔ Yálá hvɛli wooɠaai di kpɛla laa.

Kɔlɔnikɔ Maa-ŋuŋ 28:5

Yai-Laa ə gɔ́ a lon gbulu tamąą, nónnii lɔwai, nón Salomɔn ɓə ə ɉəɠə ɉu, ə ɉee Yai-Laa nwɔ tɔɔkpəlin mɛ̨i, Israɛlə nwun na.

Kɔlɔnikɔ Maa-ŋuŋ 11:41

Uri Hɛtə mun; Alai lon Ɉavadə;

Kɔlɔnikɔ Maa-ŋuŋ 2:15

Mɛ̨idanąą ɓa: Osɛmə, mɛ̨ihveelɛnąą ɓa: Davidə.

Samia Veerɛi 23:39

Yili pulu, Hɛtə mun Uri. Gəlee pɛlɛɛ gee ɓa, di kɛ a nu pow haaɓa kɔ́w mɛ̨ihveelɛ.

Samia Veerɛi 11:3

Davidə ə nuą tɔɔ, diɛ li nɛ̨ɛ̨nui tii mąą kɛɛ mąąni kɛi nuą diɛ. Di pa, diɛ mą: «Bɛtsabe li, yai a Eliamə lon nɛ̨ɛ̨nu. Hɛtə mun Uri, nɛ̨ą li.»

Samuɛlə dɔlɔɔ 22:8

Lə ɓə kani kɛ, yaai ka kəlee ka lɔ gílii? Nu ta hva gílaa pɔ̨nɔ̨, hvo kɛ mą́ą́: ‹Ə́ lon da Ɉɛse lon di kaa nɛ̨ɛ̨laa ɓa!› Mą́ą́ liihɛlɛn və ka ta ɓa! Nón aa kɛi bɔ mun ɉaɠa yɛ dɔɔ ná, yɛ hɛlɛn dɛ dɔ́wɔ́, yɛ bələi gaa gɛi la háákələi, ɛlɛɛ, nu ta hva gílaa pɔ̨nɔ̨ ɉu!»

Samuɛlə dɔlɔɔ 17:58

Saulə yɛ mą: «Nón! Gbɛɛ lon maa a yɛ́?» Davidə yɛ mą: «Ə́ nwɔ tí mun Ɉɛse, Bɛtleɛmə daai mun lon maa a ɲą́ą́.»

Rutə 4:22

Ovɛdə lon maa kɛ a Ɉɛse. Ɉɛse lon maa kɛ a Davidə, yai kɛ a tɔɔmun.

Maafîu 1:5

Salmɔn ə Boozə kaa, nee ɓaa kɛ a Rahabə. Boozə ə Obɛdə kaa Rutə ɓa. Obɛdə ə Ɉɛse kaa.