Lukə 9:29 - Yálá laawoo hɛɓɛ (dc)

²⁹ Ɓɛlɔwai Jesus ə kɛi Yálá hvɛli la, ɲɛ̨ilaai mąą ə hvalin, nwɔ həɠəi gwələ ɲɛ̨i ə kulɔ kpɔ pə-pə.

Yálá laawoo hɛɓɛ

²⁹ Ɓɛlɔwai Jesus ə kɛi Yálá hvɛli la, ɲɛ̨ilaai mąą ə hvalin, nwɔ həɠəi gwələ ɲɛ̨i ə kulɔ kpɔ pə-pə.

Bible

²⁹ Gɛɛ Ɣâla fɛlîi, ŋ̀ɛi maa e fàleŋ, ŋɔseɣei kɛ́ kole kpɔ́ pe-pe, gɛ folo.

Lukə 9:29 Referans Kwoze

Maafîu 17:2

Di lɛɛ lɔ laa, Jesus ɲɛ̨i laa mąą ə hvalin. Yɛ lən yɛ hvóló. Mąą həɠə ə kwələ yɛ kɛɛ pono.

M̀ɛni-lɛɛi 20:11

Yili pulu, ŋį́ tɔɔkpəlin gɛnɛ̨ gwɛlɛɛ pə-pə ta kaa, nui kɛ ɉu heeni; lɔi da yələkɔlɔn di pu dɔwɔ, di pɔɔ kpɛli hvo lɛɛ laa.

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Azaya 33:17

Ə́ ɲɛ̨i kaa pai tɔɔi tɔɔmun nɛlɛ pələ ɓa, ə́ ɲɛ̨i kaa pai hiɛi nɔi nąą kəlee mɛ̨i.

Gɛlaɠaa 6:15

Nuąi kpɔ kɛ dɔ́n gələ mu, di kəlee di di ɲɛ̨i hee Etiɛnə ɓa, ɲɛ̨ilaai ə ɓo yɛ Yálá nwɔ malaka ta.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Markə 16:12

Yili pulu, Jesus ə gbɔwɔ lɛ nwɔ kalan nɛai veelɛ ɓa a ɉuwu takpɛli, ɓɛlɔwai di kɛ la yɛa pələ ta ɓa diɛ li.

Lukə 3:21

Ɉaan ə nu kpului tii mąąwaa lɔ, ə Jesus yaa kpɛli mąąwaa. Ɓɛlɔwai ə kɛi Yálá hvɛli la, yələkɔlɔn nąą ə ɓo;

Lukə 5:16

Yili pulu, Jesus ə li dɔ̨nɔ̨ kɛɛnąą yɛ Yálá hvɛli.

Lukə 6:12

Nąąlɔwai tii hu, Jesus ə tɛ yee kpukpu ta ɓa, əgɛ, ə Yálá hvɛli mąą kpinįi tii hu, ə yii Yálá hvɛli; ə lɛɛ la ɉu yələ ə ɓɔ.

Lukə 9:18

Yələ ta, Jesus yaa tɔ̨nɔ̨ ə kɛi Yálá hvɛli, nwɔ kalan nɛa di laŋąn ma. Ə di mąąni kɛ, yɛ diɛ: «Nuą da kɛ kɛi lə mą́ą́ mɛ̨nį hu?»

Lukə 9:30

Kpɔlɔ tii ŋąąɓa, nu hveelɛ di kulɔ nąą, da Jesus ni diɛ mɛ̨nį ɓo. Nu hveelɛi tii ɓaa kɛ a: Moisə da Eli.