Lukə 9:16 - Yálá laawoo hɛɓɛ (dc)

¹⁶ Jesus ə nɛɠɛ lɔɔli da ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo gɔ̨nɔ̨n tii mąą mɛ̨nį ɓa. Ə ɉəɠə ə dɛɛ nwɔ kalan nɛai pɔ, əgɛ, di ŋąąkwɛlɛ nuą diɛ.

Yálá laawoo hɛɓɛ

¹⁶ Jesus ə nɛɠɛ lɔɔli da ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo gɔ̨nɔ̨n tii mąą mɛ̨nį ɓa. Ə ɉəɠə ə dɛɛ nwɔ kalan nɛai pɔ, əgɛ, di ŋąąkwɛlɛ nuą diɛ.

Bible

¹⁶ Gɛɛ a gbólo lɔ́ɔlui siɣe da nyɛ̃ɛ feerɛi, e ŋ̀ɛi tɛ ŋelei su, e lûwa too dîa, e dísu ɣale, e dɛɛ ŋɔpôlu-ƃelai pɔ a gɛɛ dí dɛɛ ǹûai pɔ.

Lukə 9:16 Referans Kwoze

Maafîu 14:19

Yii kɛa di dɛɛ bɔ, ə mo diɛ yɛ diɛ: 'Ka mo nuą ŋɛ̨i diɛ, di kəlee di hee nɔi ɓa. Yili pulu, ə nɛɠɛ lɔɔli da Ɉɔwɔlee hveelɛi tii həɠə, ə ɲɛ̨i hee ɲələi, ə Yálá hɛɠɛɛɓo. Yili pulu ə ɉu tee-tee ə dɛɛ nwɔ kalan nɛai pɔ, yɛ diɛ: Ka ŋąąkwɛlɛ nu kəlee ɓa.

Lukə 24:30

Di kɛɛ yələ wilii laa mį́į́ kɛi da Jesus ni, Jesus ə Yáláhɛɠɛɛɓo nɛɠɛ tii mąą mɛ̨nį ɓa, ə ɉu tee ə nu kəlee nwɛi tɛɛ pɔ.

Maafîu 15:36

Ə nɛɠɛ mɛ̨ihveelɛi tii həɠə da Ɉɔwɔleeɠaa, ə Yálá mąmąɓo. Yili pulu, ə gəlee hu tee-tee ə dɛɛ nwɔ kalan nɛai pɔ, yɛ diɛ: «Ka ŋąąkwɛlɛ nuą diɛ.»

Lomaŋ 14:6

Nui a yələ ta hviala ɓo, a gɛ ti yɛ gu Nąmu mąąwiɛ la. Nui a hɛn gəlee mįi, a gɛ tii, yɛ gu Nąmu mąąwiɛ la. Mąąhɔlɔɓo, a Yálá hɛɠɛɛɓo, gɔ̨nɔ̨n ti mąą mɛ̨nį ɓa. Nui hva hɛn gəlee mįi a gɛ ti, yɛ gu Nąmu mąąwiɛ la, yɛ Yálá hɛɠɛɛɓo.

Gɛlaɠaa 27:35

Moi Polə ə mo tii, ə lɛɠɛ həɠə, ə Yálá hɛɠɛɛɓo nu kəlee ɲɛ̨i ɓa, ə ɉu yali, yɛ kɛa mįi.

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Ɉaan 6:11

Jesus ə nɛɠɛɠaa tii həɠə, ə Yálá hɛɠɛɛɓo, ə ŋąąkwɛlɛ nu kəlee diɛ. Pələ lɔ ɓə ə gɛ la a ɉɔ̨nwɔ̨lee, ə ɲąąkwɛlɛ diɛ, nu kəlee di ɉɔlɔɓo yɛ pələi di kɛ la bɔ.

Lukə 22:19

Yili pulu, ə nɛɠɛ həɠə, gbɛɛ kɛa a Yálá hɛɠɛɛɓoɔ, ə ɉu yali ə dɛɛ di pɔ, yɛ diɛ: «Yii ŋɛ̨i, gɔ́lɔ́ li gáá dɛɛi ka mąą mɛ̨nį ɓa, ka kɛ gɛi, kaa gíli too la ka ɲą.»

Korɛntə dɔlɔɔ 11:24

ɛlɛɛ, gbɛɛ a Yálá hɛɠɛɛɓoɔ, ə ɉu yali, yɛ diɛ: «Yii kaa a gɔ́lɔ, yai a ká wɔɔ, 'ká yii kɛ káá ną́ą́ kili too la ká ɲą.»

Korɛntə dɔlɔɔ 10:30

Akɛ ŋą́ Yálá hɛɠɛɛɓo kɔ̨nɔ̨n ma, gɛ́ mįi, lə mɛ̨nį ɓa ɉɛn gáá mįi, gɛ́ Yálá hɛɠɛɛɓo, ká haŋą mą́ą́ mąą mɛ̨nį ɓa?

Markə 7:34

Yili pulu ə ɲɛ̨i pili yələi, ə nii tɛ ə doo; yɛ ɉulɔnu tii ɓa: «Ɛfata!» Mukulaa ɓaa: «Hvólóon.»

Samuɛlə dɔlɔɔ 9:13

Ka lɛɛ kpɔlɔɔ tɛi taai, ka li ka həli mą, hvo tɛɠa kɛ pai lii ɉala kulɔi pələ. Mąąhɔlɔɓo, yaa tii ɓə nuą kaa mąąkpɔn ɉii; di hva pɛli kɔ̨nɔ̨n mįi dɔwɔ. Gbala ə tɔɔ, ya ɓə mąąnɛ̨ɛ̨ ə lúwɔ́ too ɉaláá kɔ̨nɔ̨n ma. Yili kɛɛ pulu ɓə, nuąi di di təli, da pɛli kɔ̨nɔ̨n mįi la. Ka li kɛa, nwɛi tii, ka káá lii gaai háákələi.»

Lukə 9:15

Galan nɛa di nwoo hon. Di gɛ yɛ pələi tii ə mo la.

Lukə 9:17

Nu kəlee di da hɔlɔɓo, di mį́į́ yɛ pələi di kaa la bɔ. Gbəlii lɛɛ, di gbɔn gee ɓa, ə kpɔlɔ pow kɔ́w hveelɛ laahvɛɛ.