Lukə 9:11 - Yálá laawoo hɛɓɛ (dc)

¹¹ Kɛlaa, nu kpului tii kɛ laa, di gbaɠala kaa, di hvilɛn di pulu. Jesus ə ɲee hee di mu. Ə Yálá-taa tɔɔlaa mąą mɛ̨nį hukulɔ diɛ: ə lɛɛ, nuąi ɲɔ̨n ə kɛ diɛ, ə di kɔ́lɔi pono.

Yálá laawoo hɛɓɛ

¹¹ Kɛlaa, nu kpului tii kɛ laa, di gbaɠala kaa, di hvilɛn di pulu. Jesus ə ɲee hee di mu. Ə Yálá-taa tɔɔlaa mąą mɛ̨nį hukulɔ diɛ: ə lɛɛ, nuąi ɲɔ̨n ə kɛ diɛ, ə di kɔ́lɔi pono.

Bible

¹¹ Tãi ǹûai dí mɛ̀ni lai, dí pìlaŋ bôlu. Nya ƃe e dílɛ̀ɛ naa dí pa bɔ. È lòno dípɔ é pîlaŋ Ɣâla ŋɔkâloŋ-laai ma, gɛ ǹûai nyii-ŋai kɛ̀ kɔ́lɛ̂i ƃalo.

Lukə 9:11 Referans Kwoze

Hebreu 4:16

'Ká gu gu mąąlɛɠɛ kan dɔɔkpəlin ma a kilitɔɔmąąlaa walawala, əgɛ, gu ɲɛ̨imąąwɛli kaa hɔlɔɓo da mɛ̨inɛ̨ɛ̨, yɛ pɛli kpɔn ɉii guɔ a ɲələi bɛliɛi mą.

Timote veelɛ 4:2

Nwoo ŋɛ̨i laa həli, ə́ hɔlɔ too mą, ə kɛ a ɲələ hvo kɛ a ɲələ, haŋąmąą kɛ, nuą hvaŋąlɔ, ə́ di liɛwoo kɛ a yələ kəlee, a liikpələ da di mąąkwɛli liihɛlɛn.

Lomaŋ 15:3

Mąąhɔlɔɓo, Kristə hvo kɛ gbɔwɔ liiɓa kɛ li yɛnɛ̨ɛ̨, kɛlaa, yɛ pələi bɛ̨ɛ̨ la Yálá lawoo hɛɓɛ́ hu yɛ mą: «Ə lalan di mo, ɲą́ą́ ɓə di kɛ mą́ą́.»

Lomaŋ 10:14

Akɛ tii, da pɛli di woo tɛ pələ kɛi ləi bɔ pələ, akɛ di hvo laa li na? Da pɛli laai ləi na, akɛ, di hvo naa woo mɛ̨n ni? Da pɛli di mąą mɛ̨nį mɛ̨n nəi, akɛ, nu ta hvo naa həli li diɛ?

Gɛlaɠaa 28:31

Yɛ Yálá-taa tɔɔlaa mąą mɛ̨nį laa həli, yɛ gu Ną́mu Jesus Kristə mąą mɛ̨nį laa həli, a kilitɔɔmąą laa kɛnɛ̨, a ɲee həɠɛɛ giimɛ̨i.

Ɉaan 6:37

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Ɉaan 4:34

Jesus ə mo diɛ yɛ diɛ: «Gɔ́nɔ́n mąą: Yálá ŋɛ̨i dɔ́ɔ́ ŋį́ niiɓa kɛ, ə lɛɛ, gólói ŋɛ̨i ə dɛɛ bɔ́, ŋą gɛ ŋį́ naa kulɔ.

Lukə 9:2

Yili pulu, yɛ diɛ: ka li, ka Yálá-taa tɔɔlaa mąą wɛlɛɛ lɛlɛɛ laa həli, ka ɲɔ̨n gɛ nuą kɔ́lɔi pono.

Lukə 8:10

Jesus ə di woo pulu pənə, yɛ diɛ: «Ká wɛi, Yálá-taa tɔɔlaa hu mɛ̨nį loɔɠaa kəlee, ka gɔlɔn. Nuą yiiɠaa tii di wɛi, ŋą mɛ̨nį ɓo diɛ hanwon ɉu, əgɛ, diɛ kɛɛ kaa, kɛlaa, di hva hɛn nɔpee ta mąąkpɛɛ, diɛ mɛ̨nį mɛ̨n, di hva ŋąą kaa.»

Lukə 8:1

Yili pulu, Jesus ə kɛi li taa kpɛa-kpɛaɠaa da taa pɛlɛɛɠaa hu, yɛ kalan gɛ, ə lɛɛ, yɛ Yálá-taa tɔɔlaa mąą wɛlɛɛ lɛlɛɛ laa həli, nwɔ kalan nɛa pow kɔ́w hveelɛ diɛ ɓo bɔ.

Lukə 5:31

Jesus ə di woo pulu pənə yɛ diɛ: «Nui gɔlɔi ponoɔ̨, mąą kpaan və yɔwɔtɔlɔ ɓa; hvo kɛ li nui ɲɔ̨n gaa mą, ya ɓə mąą kpaan gaa mą.»

Lukə 1:53

Nuąi kɛ pulu toɔ diɛ, aa di yee laahvɛɛ a mɛ̨inɛ̨ɛ̨ kɛnɛ̨. Aa hɛn gɔw nąmįną kɛ a yeehvowolo nuą.

Maafîu 21:43

Jesus ə mo nwɔ̨nɔ̨ diɛ, yɛ giə: «Gáá moi kaa, Yálá-taa tɔɔlaa kaa pai kulɔi ka yəi, ə tɛɛ nu takpɛliɠaa pɔ, yiiɠaai di túwɔ́ pələ a kɛ a bɛliɛ dɔɔlaai tii ɓa.

Maafîu 21:31

Akɛti, gáá ka mąąni kɛi; nɛapəlɛɛ hveelɛi tii, nɛlɛ ɓə nąn niiɓa kɛ?» Nuą tii di Jesus nwoo ŋąąpənə diɛ mą: «Nón dɔlɔɔ tii ɓə.» Jesus ə mo kɛa diɛ yɛ diɛ: «Gáá tɛ̨ą ɓoi kaa, niihɔ̨nwɔ̨ kulɔ nuą da wɛli hon nuą di kaa pai tɛi ka tɔwɔ Yálá-taa tɔɔlaa hu.

Maafîu 14:14

Di kulaa gələn ɉu Jesus ə nu kpulu kɛnɛ̨i tii kaa di ɲɛ̨imąąwɛli ə Ɉon; ɲɔ̨n gɛ nuąi di paa a diɛ, ə gəlee kɔ́lɔi pono.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Lomaŋ 10:17

Nwɛlɛɛ lɛlɛɛ mɛ̨n ŋąą ɓə laa na laa a kulɔ ɉu, nwɛlɛɛ lɛlɛɛ ɓaa: Kristə mąą mɛ̨nį laa həliɛ.

Maafîu 12:15

Yii kɛa Jesus ə di wɔ kiliŋąhiɛ kaa tii, ə həɠə laa yɛ li. Nu kpulu kɛnɛ̨ ə hvilɛn bulu, ə ɲɔ̨n gɛ nuą kəlee kɔ́lɔi pono.

Lukə 9:10

Jesus nwɔ nu pow kɔ́w hveelɛ tii ə di tɔɔ, di pənə di pa, yiiɠaa kpɔ di gɛ, di gəlee hukulɔ mą. Ə di həɠə, da diɛni də li Bɛtsaida daa kwɛlɛ, di tɔ̨nɔ̨ kɛɛnąą.

Lukə 9:12

Yii kɛa hvitili ə kɛi pu, galan nɛa pow kɔ́w hveelɛ tii di lɛɠɛ Jesus ɓa, diɛ mą: «Mo nuą ŋɛ̨i diɛ, də li gu kwɛlɛ taa kpɛa-kpɛaɠaa, da daa pɛlɛɛɠaa hu, əgɛ, di di kɔ̨nɔ̨n gwɛli da di yiiɠaa. Mąąhɔlɔɓo, ɓɛ kaa a lɔi pun ɉu, hɛn da hvo ɓɛ.»