Lukə 8:54 - Yálá laawoo hɛɓɛ (dc)

⁵⁴ Kɛlaa, Jesus ə́ nokoloi hon a ɲee, ə mo kpɔ a nwoo kɛnɛ̨, yɛ mą: «Lokolo, ə́ muhəɠə!»

Yálá laawoo hɛɓɛ

⁵⁴ Kɛlaa, Jesus ə́ nokoloi hon a ɲee, ə mo kpɔ a nwoo kɛnɛ̨, yɛ mą: «Lokolo, ə́ muhəɠə!»

Bible

⁵⁴ È zòŋ a ǹyée, é dòli, ǹyɛɛi, “Nɛnî-lo, ímu siɣe.”

Lukə 8:54 Referans Kwoze

Ɉeremi 31:32

Hvo pai kɛi yɛ mįnɛ̨i kwa di nąnni ku ɉəɠə, ɓɛlɔwai ŋą́ di hon na a di yee, gɛ́ di kulɔ Eziptə lɔi hu. Mįnɛ̨i tii, di ɉukala, kɛlaa, ɲą́ą́n, gáá lɔ a di Nąmu di nwun na. Yai-Laa woo li!»

Gɛlaɠaa 9:40

Piɛrə ə nu kəlee kulɔ ɲɛnɛ̨ɛ̨, ə pu gbəlin na, ə Yálá hvɛli, yili pulu, ə tínɛ̨n nu powa pɔ pələ yɛ mą: «Tabita! 'Ə́ muhəɠə!» Nu powai ə ɲįnąąɓo, ə Piɛrə kaa, ə muhəɠə ə hee.

Ɉaan 11:43

Yii kɛa ə kpɛɛ a nwooɠaa tii ɓoɔ, ə tómą kpɔ a nwoo kɛnɛ̨ɛ̨ yɛ mą: «Lazarə kulɔ ə́ kámą hu.»

Ɉaan 5:21

Bələi lɔ Ną́n a haa nuą nwun na, yɛ yɛnɛ̨ɛ̨ tɛɛ di pɔ, bələ lɔ ɓə Non a yɛnɛ̨ɛ̨ tɛɛ la nwɛlikɛmąą nuą pɔ.

Lukə 8:51

Ɓɛlɔwai Jesus ə həli la Ɉairusə yəi bɛlɛ́ laaləi, hvo hvaa mą nui lɔpee ta hvo lɛɛ bɔ di hvo lɔ bɛlɛ́n, hvo kɛli, Piɛrə, Ɉaan, Ɉakə, ə lɛɛ, da nokoloi nąn da nee.

Markə 9:27

Kɛlaa, Jesus ə nokoloi tii yee hon ə muhəgə, ə dɔɔ.

Markə 8:23

Jesus ə́ ɲɛ̨ipumun tii hon a ɲee, ə kulɔ la taai. Ə nɛaya pu ɲɛ̨i, ə ɲee laa mɛ̨i, yɛ mą: «Ə kaa kɛɛ kaai?»

Markə 1:31

Ə lɛɠɛ nɛ̨ɛ̨nu tii ɓa ə ɉon a ɲee; ə muhəɠə. Gɔlɔ kələn mąą tii ə kpɛɛ. Nɛ̨ɛ̨nu tii ə muhəɠə, ə di kɔ̨nɔ̨n gɛ.

Maafîu 9:25

Nu kpului tii kulaa ɲɛnɛ̨ɛ̨, Jesus ə lɔ bɛlɛ́n, ə nɛ̨ɛ̨non tii hon a ɲee, ə nwun.

Lomaŋ 4:17

Yɛ bələi bɛ̨ɛ̨ la Ɉɛɓɛ́ hu, yɛ mą: «Ŋą́ą́ ə́ kɛ a huwu tamąą di nąn.» Abrahamə kaa a gu nąn Yálá ti ə laa na ɲɛ̨i ɓa, Yai a haa nuą kɛ a di vulú, hɛn hvo yɛnɛ̨ɛ̨ yɛ gɛ laa.

Lukə 8:53

Nuą tii kəlee di kɛi yɛlɛ Jesus ɓa, mąąhɔlɔɓo, di laaikɛ na diɛ nokoloi aa haa.

Lukə 8:55

Nɛ̨ɛ̨non tii, ə pənə ə kɛ a vulú, ə muhəɠə kpɔlɔ tii ŋąąɓa. Jesus ə mo nuą tii diɛ, yɛ diɛ: «'Ka kɔ̨nɔ̨n dɛɛ bɔ ə mį́į́.»