Lukə 8:47 - Yálá laawoo hɛɓɛ (dc)

⁴⁷ Nɛ̨ɛ̨nui tii kili ə pu ɉu, yɛ daa gaa. Ə kulɔ kɛa nuą lɔwai, mąą yɛ kpɛlin, ə pa, ə too Jesus kɔ́wɔ mu. Mɛ̨nįi gɛ yɛ ɲee hee Jesus nwɔ həɠəi wəli la, ə lɛɛ, pələi gɔlɔi ə pono la ŋąąɓa, ə yili hukulɔ Jesus ɓa, nu kəlee ɲɛ̨i ɓa.

Yálá laawoo hɛɓɛ

⁴⁷ Nɛ̨ɛ̨nui tii kili ə pu ɉu, yɛ daa gaa. Ə kulɔ kɛa nuą lɔwai, mąą yɛ kpɛlin, ə pa, ə too Jesus kɔ́wɔ mu. Mɛ̨nįi gɛ yɛ ɲee hee Jesus nwɔ həɠəi wəli la, ə lɛɛ, pələi gɔlɔi ə pono la ŋąąɓa, ə yili hukulɔ Jesus ɓa, nu kəlee ɲɛ̨i ɓa.

Bible

⁴⁷ Tãi nɛnîi e gàa la a gɛɛ maa-mɛni fa ŋɔ́nɔ pɔ̂ri loôi, e kɛ̀ kpɛ̃linii, e pa e too Zîsɛ kɔ́ɔ mu e mɛnii ƃo ǹûai kélee ŋɛi e pîlaŋ mɛnii ma e lɛ̀ɣɛ la mai, da berei e ƃàlo la a maa felaai.

Lukə 8:47 Referans Kwoze

Markə 5:33

Nąąlɔwai, nɛ̨ɛ̨nu tii ə ɲɔ̨w, mąą yɛ kpɛlin. Mąąhɔlɔɓo, mɛ̨nį kɛ la ə gɔlɔn. Ə li ə too Jesus kɔ́wɔ mu, ə tɛ̨ą kəlee ɓo mą.

Korɛntə veelɛ 7:15

A giliŋąhiɛ a vilɛn ká wɔɔ lɛɛ nwoo mu laa kəlee ɓa, ká wɛlii gaa mą, da lɔ ɓə a pɛlɛ mą, ɛlɛɛ, bələi ká ká yee hee la mu, a ɲɔw mąą yɛ kpɛlin.

Hebreu 12:28

Yii kani, dɔɔlaai kala hvo mą gwaa ɉɔlɔɓo, 'ká gu gu yee kanąn kani mɛ̨inɛ̨ɛ̨i lii ɓa kpɔ kpąą; mɛ̨inɛ̨ɛ̨ tii pɔ pələ, 'ká gu tí Yálá ɓa, yɛ bələi a nɛ̨ɛ̨la mą, kpɔwɔ mąąyɛɛ laa hu da ɲɔw mąą laa hu.

Korɛntə dɔlɔɔ 2:3

Yili ɓə gɛ, ŋą́ kɛ ka lɔwai yɛ nu hvįikpɛɛ, gɛ́ ɲɔw, mąą yɛ kpɛlin.

Mąątɛ̨nɛ̨ 2:11

'Ka tí Yai-Laa ɓa a ɲɔwmąąlaa, 'ka ka yee yɛɛ a gɔwɔ kaa kpɛlin.

Gɛlaɠaa 16:29

Ɉulɔnui ti, ə mo di pa a nwɔ̨n, ə nɛɛmą ə gilɛ həɠə yɛ lɔ gaho pɛlɛ́ mu, mąą yɛ kpɛlin, ə li, ə pɛlɛ Polə da Silasə di kɔ́wɔ mu.

Samuɛlə dɔlɔɔ 16:4

Pələi Yai-Laa ə mo la, Samuɛlə ə gɛ tii. Həlii ə mo Bɛtleɛmə, daa kalanɉonŋaa di gaa, di həɠə diɛ li naakwiɛn ɉii, di mąą yɛ kpɛlin, di mąąnin gɛ, diɛ mą: «Mɛ̨nį lɛlɛɛ ɓə ə́ kaa pai la?»

Habakukə 3:16

Ŋą́ din tii mɛ̨n, ɉú ə pu mą́ą́ kpɔ kɛnɛ̨; nááwuluun yɛ kɛlɛ gee ɓa a ɲɔw, gɔ́lɔi kəlee ə haa, gɔ́wɔ́ɠaa diɛ kɛlɛ di kee hu. Ŋą́ hee lɔ tin, və́ hvaa, gɛ́ mąąwɛli hvólói tii mąą kpɔn, ə gɛ, nɔi ŋɛ̨i aa hee ku mɛ̨i, diɛ li pɛlɛi mą.

Azaya 66:2

Ɉɛnŋąąi tii kəlee di kulɔ ɲéé ŋą, gəlee kaa a nwɔ́ɔ́, Yai-Laa woo li, yɛi: Nui ŋą ɲɛ̨́i pili mɛ̨i ya ká: Kpɔwɔ mąąyɛɛmun, a yai tii nii yaliɛ gwəi, yai tii, nwóó a mąą kpɛlin.

Mąątɛ̨nɛ̨ 38:9

Vínna aa tɔn, ɉú aa haa, níi yɛ too gwə́i, gɛ́ ɲįŋɛ̨.

Filipə 2:12

Yili ɓa, nwɛ́likɛmąą nuą, bələ ká kɛi lɛɛ nwoo mu laa kɛ la, a yələ kəleei, 'ká lɛɛ lɔ ka yee yili ɓa, yiihu, ə mą kɛ və́ laa ká pɔ, ká túwɔ́ pələ ə ká nwun mąąɓo mɛ̨nį too pono ɲą, káá ɲɔwu la, ká mąą yɛ kpɛlin.

Maafîu 28:8

Nɛ̨ąą tii, di di pulu pənə kpɔlɔɔ tii a mąą hulaa diɛ li, di kwəinɛ̨ɛ̨ kpɔ kɛnɛ̨, kɛlaa ɲɔ̨w yɛ ɓo di hu, di gilɛ həɠə də li di nwəlɛɛ tii ɓoi, Jesus nwɔ kalan nɛai diɛ.

Osia 13:1

Ɛfraimə a kɛi kɛ mɛ̨nį ɓo, di kɛi ɲɔw mą Israɛlə lɔi hu, kɛlaa Baalə mąą mɛ̨nį hu, ə ɉɔn gɛ, ə ɉu haa ɓo.

Osia 5:3

Nwɛ́i, ŋį́ Ɛfraimə kɔ́lɔn, ɛlɛɛ Israɛlə hvo loo li mą́ą́. Yɛ́i a Ɛfraimə, ə́ yee tooi ə́ mo wɛli mɛ̨nį hui, Israɛlə mąą ə luwu ɉu.

Mąątɛ̨nɛ̨ 66:16

'Ka pa, kaa kpɔ tii ka ɲɔw Yálá ɓai, 'ka pa, ka nwóó mɛ̨n, mɛ̨nįɠaai ə gɛ mą́ą́, ŋį́ di hukulɔ ka ɲɛ̨i ɓa.

Lukə 8:46

Kɛlaa, Jesus ə pənə ə mo yɛ diɛ: «Nu ta a ɲee hee mą́ą́. Mąąhɔlɔɓo, huwalawala ta aa kulɔ ɉú, ŋą́ą́ gili kɔ́lɔn.»

Lukə 8:48

Jesus yɛ mą: «Nón nɛ̨ɛ̨nu, ə́ wɔ laa na laa aa ə́ kɔ́lɔi pono. Li, a ə́ lii laa yɛ́.»