Lukə 8:43 - Yálá laawoo hɛɓɛ (dc)

⁴³ Nɛ̨ɛ̨nu ta ə kɛ nu kpului tii lɔwai, ya hulɔ ɲɔ̨n yɛ ɓo mą, aa kwɛlan bow-kɔw-hveelɛ kɛ mą, yɛ mɔ̨nɔ̨ mį́į́ kpɔ la kɛnɛ̨. Nɛ̨ɛ̨nui tii, aa kɛ ɲəi hɛn gɔwɠaa kəlee kwɛlɛ, ɲɔ̨n ɉalə kɛ nuą diɛ, kɛlaa, da lɔpee hvo gɔlɔi pono.

Yálá laawoo hɛɓɛ

⁴³ Nɛ̨ɛ̨nu ta ə kɛ nu kpului tii lɔwai, ya hulɔ ɲɔ̨n yɛ ɓo mą, aa kwɛlan bow-kɔw-hveelɛ kɛ mą, yɛ mɔ̨nɔ̨ mį́į́ kpɔ la kɛnɛ̨. Nɛ̨ɛ̨nui tii, aa kɛ ɲəi hɛn gɔwɠaa kəlee kwɛlɛ, ɲɔ̨n ɉalə kɛ nuą diɛ, kɛlaa, da lɔpee hvo gɔlɔi pono.

Bible

⁴³ Nɛnî tɔnɔ ƃe kɛ̀ naa, ŋãa-kɔlɔ-fela e kɛ̀ ma kóraŋ puu kao feerɛ yée mu. Zɛŋ-kaoi kɛ̀ ǹyêei e gélee tɛ̀ɛ ŋɔkɔlɔ-fela sále-ƃelai pɔ. Díta tɔnɔ kpîŋ fe pɔ̂ri ni kɛ̀ m̀álôi.

Lukə 8:43 Referans Kwoze

Lukə 13:16

Nɛ̨ɛ̨nui ŋɛ̨i, gaa a Abrahamə huwu ta, yai ɓilihi aa ɲɔ̨n bɛlɛ mą, aa kɛ a kwɛlan bow kɔ́w mɛ̨ihaaɓa; a kɛ tii, mąą hvo nɛ̨ɛ̨li mɔ̨ɔ̨ ŋą gɔlɔi pono a vįitɔɔ yələ?»

Ɉaan 9:1

Jesus kɛɛ tɛɛi, ə hulɔnu ta kaa, yii di ɉɔlɔɓo lɔ ɲɛ̨ipuɔ.

Lukə 13:11

Nɛ̨ɛ̨nu ta ə kɛ laa, ɲɔ̨n yɛ ɓo mą. Ɲɔn tii, aa kɛ kwɛlan bow kɔ́w mɛ̨ihaaɓa kɛ mą. Ɲįnɛ̨n da ka tii kɛ bulu, aa bumun dɛ; hva pɛli kɛ haŋąi.

Lukə 8:27

Jesus kɛɛ kulɔi gələn ɉu, yɛ hvilɛn nɔi ɓa; daai tii hu hulɔnu ta, ə kpuluun yɛ pa Jesus pɔ. Ɉulɔnui tii, ɲį́nɛ̨n ɲɔ̨nwɔ̨ɔ̨ tamąą di kɛ bulu. Ə kɛ a kwɛlan damąą ɉulɔnui tii hvo kɛi həɠə too gwąną, hvo kpɛli kɛi yii pɛlɛ́n, ə kɛi yii kámą woloɠaa hu.

Azaya 2:22

Ka hvo ka kilitɔɔ nu ɓa, yai nwɔ yɛnɛ̨ɛ̨ ka lɔ nɔ̨w yəi, mɛlɛ kɛɛ nąą ɓaa mį?

Kɔlɔnikɔ Veerɛi 16:12

Asa ə ɲɔ̨n ɉəɠə, nwɔ tɔɔlaa gwɛlan bow haaɓa gɔw mɛ̨inąąn nɔwai. Ɲɔ̨n nwalawala ə yili gɔɠɔɠaa diɛ. Gɛɛ ɲɔ̨n ɉu, hvo gilitɔɔ Yai-Laa ɓa, ə gilitɔɔ halikɛnuą diɛ.

Gɛlaɠaa 4:22

Nui ti di malo a kpalo mɛ̨nį, gaa kwɛlan dɛɛi kɛ pow nąąn ɉu.

Gɛlaɠaa 3:2

Yálá hee pɛlɛ́ naaləi yii kɛi kɛ mą: Bɛlɛ́ laaləi lɛlɛɛ, hulɔnu ta ə kɛ laa heeni, di gaa lɔ gbɛlɛɠɛlɛnŋąą. Hvóló kəlee, di kɛi gbəŋə diɛ pa diɛ ɉee laa, ə gɛ, nuą daa kɛi lɔ Yálá hee pɛlɛ́ mu, yɛ wali hvɛli diɛ.

Ɉaan 9:21

Kɛlaa, pələi ə tɛɛ la ɲɛ̨i yɛ hvolon, ku hvo yili kpaɠala kɔ́lɔn, ə lɛɛ, nui ɲɛ̨i hvolon ku hvo gɔlɔn. Gaa kɛa a nu kɛnɛ̨, a pɛli nwoo hukulɔi, ka mąąnikɛ, ya ka ŋɛ̨i heeni.»

Markə 9:18

Ɓɛi lɔpee ɲinɛ̨n tii a ɉon naa, a doo nɔi ɓa, yɛ ɲį́n ɲą mį́i, ə nwalawala gɔw ɓa, yɛ nɛaya hvili-hvili tɛ. Ŋą́ą́ nɛ̨ɛ̨mąą hvə ə́ wɔ kalan nɛai diɛ, gɛ́ di gbɛ bulu. Kɛlaa, di hvo pɛli gbɛi.»

Mąątɛ̨nɛ̨ 108:12

Ə kulɔ ə pulu Yálá, yɛ́i yáá ku pili, Yálá, yɛ́ hvó kɛa, ku wɔ kulááɠaai mąąkpɛi?

Zôo 13:4

Ka wɛi, ka káá lɔ a lɛɛ kpɛtɛ nuą, ka káá lɔ a yɔwɔtɔlɔɔ gbɛliɠaa.

Markə 12:44

Mąąhɔlɔɓo, nuąɠaa ŋɛ̨i, wali yii di mąą kpaan və mą, ya ɓə di kaa dooi gbɔlɔ hu. Kɛlaa, galanini ŋɛ̨i nwɛi, nwɔ yeehvowolo laa hu, yii gaa ɲəi aa gəlee tɛɛ. Yii kpɔ kɛ ɲəi a gɔ̨nɔ̨n ɉɔ̨nwɔ̨ gəlee ka tii aa dɛɛ.»

Lukə 8:42

mąąhɔlɔɓo, ɉulɔnui tii, non nɛ̨ɛ̨nu tɔ̨nɔ̨ gbən ə kɛ laa, gaa kwɛlan ə kɛ lɔ pow kɔ́w hveelɛ ɲɔ̨n ə kɛ mą, ɉaa lii yɛ tɛ la.» Ɓɛlɔwai kɛa Jesus ə kɛi li la ɉulɔnui tii yəi bɛlɛ́ laaləi, nu kpulu kɛnɛ̨ tinɛ̨n ŋąąi kɛ mą, diɛ vana di kee lɔwai.

Lukə 8:44

Nɛ̨ɛ̨nui tii ə tɛɛ Jesus pulu pələ, ə ɲee hee Jesus nwɔ həɠəi wəli la. Ɲąąɓa, nɛ̨ɛ̨nui tii nwɔ ɲɔ̨n ə kpɛɛ mą.