Lukə 8:35 - Yálá laawoo hɛɓɛ (dc)

³⁵ Nuą di pa, əgɛ, mɛ̨nįi tii kɛ laa, di gaa. Di pa di həli Jesus ɓa, ɉulɔnui ŋɛ̨i ɲį́nɛ̨nŋąa di kɛ bului, di gaa hee ni Jesus kɔ́wɔ mu, gɔlɔi ponoɔ̨ kɛa, həɠə yɛ ɓo gwąną, ə lɛɛ, ɲɛ̨i laa tiɛɛ kɛa a nɛlɛɛ. Nuą tii kəlee kwəi ə pili diɛ.

Yálá laawoo hɛɓɛ

³⁵ Nuą di pa, əgɛ, mɛ̨nįi tii kɛ laa, di gaa. Di pa di həli Jesus ɓa, ɉulɔnui ŋɛ̨i ɲį́nɛ̨nŋąa di kɛ bului, di gaa hee ni Jesus kɔ́wɔ mu, gɔlɔi ponoɔ̨ kɛa, həɠə yɛ ɓo gwąną, ə lɛɛ, ɲɛ̨i laa tiɛɛ kɛa a nɛlɛɛ. Nuą tii kəlee kwəi ə pili diɛ.

Bible

³⁵ Nya ƃe ǹûai dí lì a gɛɛ dí mɛnii káa kɛ̂i. Dí pà Zîsɛ pɔ, dí nalôŋ káa nyii nyînaŋ nyɔ́mɔɔ-ŋai dí kɛ̀ bôlui, gɛ ƃo see ni Zîsɛ kɔ́ɔ mu, maa ɣiriɛ, gíli ŋá ponoɔ nâa. Gɛɛ ti, dí yào.

Lukə 8:35 Referans Kwoze

Lukə 10:39

Martə nəɠə nɛ̨ɛ̨nu ta ə kɛ laa, diɛ kɛ nąą ɓa Mari, ə pa ə hee Ną́mu Jesus kɔ́wɔ mu, nwəli tɔɔ nwɔ kalan gɛ woo ɓa.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Gɛlaɠaa 22:3

«Gáá a Ɉuifə, di gáá Talisə daai, Silisi lɔi hu. Kɛlaa, Ɉerusalɛmə ɓɛ ɓə ŋį́ kɛnɛ̨ laa, nui ŋį́ lakwəli kɛ ɲəi, naa ɓaa: Gamaliɛlə. Ya ɓə mą́ą́ kwɛli gu kalaɓɔlɔni di wɔ tɔ́n ɓa kpɔ tɛhvɛ-tɛhvɛ. Yálá mąą mɛ̨nį kɛɛ ŋą hvaŋą lɔ ə kɛ ɉú, yɛ pələi gaa la ka yəi háákələi.

Mąątɛ̨nɛ̨ 51:10

'Hváá mą, gɛ́ pɛli wələ woo, da kwəinɛ̨ɛ̨ woo mɛ̨n ɉi, gɔ́wɠaai ə́ di kiin giin, diɛ pɛli mąnąi.

Lukə 8:27

Jesus kɛɛ kulɔi gələn ɉu, yɛ hvilɛn nɔi ɓa; daai tii hu hulɔnu ta, ə kpuluun yɛ pa Jesus pɔ. Ɉulɔnui tii, ɲį́nɛ̨n ɲɔ̨nwɔ̨ɔ̨ tamąą di kɛ bulu. Ə kɛ a kwɛlan damąą ɉulɔnui tii hvo kɛi həɠə too gwąną, hvo kpɛli kɛi yii pɛlɛ́n, ə kɛi yii kámą woloɠaa hu.

Lukə 15:17

Hvóló ta, ə hee, ə giliŋąhiɛ, yɛ mą: ‹Kóló kɛ nuą tamąą kaa ną́n ɲəi bɛlɛ́n, diɛ kɔ̨nɔ̨n mį́į́ diɛ gbəli lɛɛ! Kɛlaa, ɲą́ą́ mun, gɛ́ ɓo ɓɛ, gɛ́ haa a pulu!

Lukə 2:46

Voló haaɓa yələ, də li di gaa Yálá hee pɛlɛ́ mu, ɉiɛ Ɉuifə kalamɔ̨ɔ̨ɠaa lɔwai, nwəli tɔɔ di woo ɓa, ɛlɛɛ, yɛ di mąąni kɛ.

Markə 5:15

Nuą tii pa, di həli Jesus ɓa, nui tii ɲinɛ̨nŋąą di kɛ bulu, di gaa heeni, həɠə yɛ ɓo gwaną, kili lɛlɛɛ yɛ ɓo mą, ɲɛ̨i laɠiɛ. Nuą tii kəlee di ɲɔ̨w.

Azaya 53:12

Yili ɓə gaa mą, gáá pai ɉeei nu kpulu lɔwai, da nu waa tamąą ɓə pai kɛi kɔ́ pulu hɛn ɲąąkwɛlɛi, mąąhɔlɔɓo, ə gili kulɔ gbɔwɔ hu, ə lɛɛ ɉu ə haa la, yɛ hvaa mą diɛ doo nɛ̨ŋɛn ɉəɠə nuą lɔwai, ə nu kpulu nwɔ hɔn ɲɔ̨n ɉee nwuɔ̨, ɛlɛɛ, yɛ nɛ̨ɛ̨mąą hvə nɛ̨ŋɛn gɛ nuą mąą mɛ̨nį ɓa.

Maafîu 4:24

Mąą tin ə too Siri lɔi hu nąą kəlee, diɛ pa bɔ a ɲɔ̨n ɉuwu lɔpee gəlee kɛ nuą, yɛ di kɔ́lɔi pono. Yiiɠaai ɲį́nɛ̨n ə kɛ di pulu, ə mą kɛ, hvɛli-hvɛli ɲɔ̨n gɛ nuą, da kpɛɠi ɲɔ̨n gɛ nuą, ə mą kɛ, kpɛlɛɠɛlɛn ɲɔ̨n gɛ nuą.

Lukə 8:34

Nuą tii kɛ moiɠaa tii pulu, yii kɛa di mɛ̨nįɠaai tii kaa, di gilɛ həɠə, də li diɛ ɉukulɔ daa kpɛa-kpɛaɠaa, da daa pɛlɛɛɠaa hu.