Lukə 7:34 - Yálá laawoo hɛɓɛ (dc)

³⁴ Ɲą́ą́ ŋɛ̨i a Nu Lon ŋą pa, gɛ́ kɔ̨nɔ̨n mį́į́, gɛ́ gbə́lə, kaa mą: ‹Nui ŋɛ̨i nwɛi, gwəi kɛnɛ̨i, ə lɛɛ, yɛ ɓo a lɔɔ kpələ mun gɛnɛ̨; yɛ ɓo nwɔ̨nɔ̨ a nįįhɔ̨nwɔ̨ kulɔ nuą, da túwɔ́ pələ ɲɔ̨n gɛ nuą di ɓɛlan.›

Yálá laawoo hɛɓɛ

³⁴ Ɲą́ą́ ŋɛ̨i a Nu Lon ŋą pa, gɛ́ kɔ̨nɔ̨n mį́į́, gɛ́ gbə́lə, kaa mą: ‹Nui ŋɛ̨i nwɛi, gwəi kɛnɛ̨i, ə lɛɛ, yɛ ɓo a lɔɔ kpələ mun gɛnɛ̨; yɛ ɓo nwɔ̨nɔ̨ a nįįhɔ̨nwɔ̨ kulɔ nuą, da túwɔ́ pələ ɲɔ̨n gɛ nuą di ɓɛlan.›

Bible

³⁴ Núu-kpune Ǹóŋ a pá, gɛ ǹáa mìi, gɛ gbele, ǹyaŋ, kakɛ mo, ‘Ka gáa, gáa a mii-sɛŋ-wɛli-nuu, gɛ ƃo a ŋwã̂ai-kpele-nuu, gɛ ƃo a ŋuŋ-fela-féi kula-ƃelai da sɔnyɔ̂ŋ-ƃela díwɛli!’

Lukə 7:34 Referans Kwoze

Lukə 15:2

Farisiɛ̨ɠaa da dɔ́n galamɔ̨ɔ̨ɠaa di líí ə holi, diɛ kɛ di kee ɓa: «Nui ŋɛ̨i a ɲee hee túwɔ́ pələ ɲɔ̨n gulɔ nuą mu, ɛlɛɛ, da diɛni diɛ kɔ̨nɔ̨n mį́į́ gee ɓa.»

Ɉaan 12:2

Di Jesus nwɛalaa kɛ laa. Martə ɓə kɛi nuą kɔ̨nɔ̨n gɛ, Lazarə da Jesus ni kəlee ɓə kɛ laa.

Lukə 19:7

Nąą kaai kɛa nuą di mo, di dɛi kɛi Jesus ɓo, diɛ kɛ mą: «Gaa li yɛ yii nɛ̨ŋɛ̨n ɉəɠə mun ɲəi bɛlɛ́n.»

Lukə 14:1

Hvįįtɔɔ yələ ta, Jesus ə li Farisiɛ̨ nwun nąmu ta pɔɔli, kɔ̨nɔ̨n mį́į́ mɛ̨nį ɓa. Nuą tii kɛ laa, di ɲɛ̨i heɛ kpɔ kɛ Jesus ɓa, diɛ mąąkpɛɛ.

Lukə 7:36

Farisiɛ̨ ta ə kɛ laa, diɛ kɛ nąą ɓa: Simɔn. Ə Jesus təli kɔ̨nɔ̨n ma ɲəi bɛlɛ́n. Jesus ə li, ə hee, da diɛni diɛ kɔ̨nɔ̨n mį́į́.

Lukə 5:29

Yili pulu, Levi ə Jesus təli ɲəi bɛlɛ́n, ə nwea laa kɛ. Nįįhɔ̨nwɔ̨ kulɔ nuą tamąą, ə mą kɛ da nu takpɛliɠaa, da Jesus ni diɛ kɔ̨nɔ̨n mį́į́ kɛɛnąą tɔ̨nɔ̨ ɓa.

Maafîu 9:11

Yii kɛa Farisiɛ̨ɠaa di yili nąą kaa tii, di mo Jesus nwɔ kalan nɛai diɛ, diɛ diɛ: «Lə mɛ̨nį ɓa ka kalamɔ̨ɔ̨, da nįįhɔ̨nwɔ̨ kulɔ nuą, ə mą kɛ, túwɔ́ pələ ɲɔ̨n gɛ nuą, di yee kaa kɔ́wɔ tɔ̨nɔ̨ hu?»

Ɉaan 2:2

Di Jesus da nwɔ kalan nɛai diɛ kpɛli di təli.

Lukə 11:37

Ɓɛlɔwai Jesus ə kpɛɛ la a mɛ̨nįɠaa tii ɓoɔ, Farisiɛ̨ ta ə dəli kɔ̨nɔ̨n ma. Jesus lɔɔ kɛa bɛlɛ́n, ə hee diɛ di laa mį́į́.

Maafîu 5:46

Mąąhɔlɔɓo, akɛ, ka wɛlikɛmąą nuą lɔ ɓə ka di wɛli la kɛ, tɔ̨nɔ̨ lə kɛɛ ɓə ka pɛli Ɉɔlɔɓoi Yálá yəi yili hu? Niihɔ̨nwɔ̨ kulɔ nuą diɛ kpɛli da gɛ lɔ tii.

Maafîu 11:19

Nu Lon ə pa, yɛ kɔ̨nɔ̨n mį́į́, yɛ gbələ. Diɛ kɛ mą: ‹Nui ŋɛ̨i nwɛi, gwəi kɛnɛ̨i, yɛ lɔɔ kpələ, yɛ ɓo a nįįhɔ̨nwɔ̨ kulɔ nuą da mɛ̨nį ɲɔ̨n gɛ nuą di ɓɛlan.› Kɛlaa, Yálá kɔ́lɔn gili ə lɛ a ɉaŋąą dúwɔ pələɠaa hu.»

Lukə 7:33

Yaan, Ɉaan-Batistə pai ə mo, hvo ka wɔ kɔ̨nɔ̨n ta mį́į́, hvo lɔɔ kpələ, kɛlaa, ka mo kaa diɛ: ‹Ɲinɛn gaa bulu!›

Lukə 7:35

Kɛlaa, Yálá nwɔ kili mɛ̨nį aa lɛ a ɉaŋąą nuąi da di yee hee mu di pɔ.»