Lukə 7:19 - Yálá laawoo hɛɓɛ (dc)

¹⁹ ə di tɔɔ Ną́mu Jesus pɔɔli, əgɛ, di mąąni kɛ, diɛ mą: «Akɛti, Nwun mąąɓomun Yálá ə naakwɛlanmo yaai ku kaa mąąkpɔn ɉi, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąąkpɔn?»

Yálá laawoo hɛɓɛ

¹⁹ ə di tɔɔ Ną́mu Jesus pɔɔli, əgɛ, di mąąni kɛ, diɛ mą: «Akɛti, Nwun mąąɓomun Yálá ə naakwɛlanmo yaai ku kaa mąąkpɔn ɉi, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąąkpɔn?»

Bible

¹⁹ Nya ƃe Zɔ̂ŋ e ŋɔpôlu-ƃelai veerɛ tòli, e dítɛɛ Kúnuu-namui pɔ naa, ǹyɛɛ, “Ƃia ƃa ǹúui gáa pâi, kpaa máŋ, fɛ̂ɛ ku núu da kpɛni perêi káa?”

Lukə 7:19 Referans Kwoze

Ɉaan 4:25

Nɛ̨ɛ̨nui tii yɛ Jesus ɓa: «Gílí kaa ɉu gɛ́ diɛ: Nwun mąąɓomun Yálá ə naakwɛlanmo, gaa pai pai; yii da kɛ mą: Kristə. Ɓɛlɔwai gaa pai pai la, gaa pai mɛ̨nį kəlee huponoi a kuɔ.»

Lukə 10:1

Yili pulu, Ną́mu Jesus ə nu pu-mɛ̨ihveelɛ-kɔw-hveelɛ takpɛli yɛɠɛ ɉu, ə di tɔɔ hveelɛ-hveelɛ, diɛ li, taaɠaai kɛ mąąnɛ̨ɛ̨ kɛ Jesus kpinįi ə həli ɉu.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Egaa 2:7

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Azaya 11:1

Ɉɛse nwɔ nwungbəi mąą kaa pai pooi, ɉamu kaa pai kpuwun ɉii.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Zasua 2:1

Di lɛɛ Sitimə lɔi hu, Nun lon ɉulɔnu Ɉosue, ə nu hveelɛ tɔɔ, diɛ li kɔ́ nɛ̨lɛ̨ɛ̨n naa kɛi; yɛ diɛ: «Ka li, ka Ɉeriko lɔi hu kaa.» Di li di lɔ wɛlikɛ nɛ̨ɛ̨nu ta yəi bɛlɛ́n, yii di kɛi kɛ naa ɓaa Rahabə, di lɛɛ laa.

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

M̀ɛni-lɛɛi 11:3

Ɛlɛɛ, yili pulu, gáá pai nwɔ́ kɛla hveelɛ tɛɛi di mąą yiliɛ a mąąwɛli həɠə, di gwə́i mɛ̨nį ɓo, hvóló waa tɔ̨nɔ̨ pulu nwun veelɛ ɲee mɛ̨ida yee mu.»

Markə 6:7

Ə nwɔ kalan nɛa pow kɔ́w hveelɛ təli ə di tɔɔ hveelɛ-hveelɛ, ə di tí. Ə huwalawala tɛɛ di pɔ ɲinɛ̨nŋąą mɛ̨i.

Lukə 7:13

Ɓɛlɔwai Ną́mu Jesus ə nɛ̨ɛ̨nui tii kaa la, ɲɛ̨imąąwɛli ə ɉon, ə mo mą yɛ mą: «Nɛ̨ɛ̨nu! Hvo wɔlɔ.»

Lukə 7:20

Ɓɛlɔwai di həli la Jesus ɓa, di mo mą, diɛ mą: «Ɉaan-Batistə ɓə ku tɔɔ, yɛ, ku ə́ mąąni kɛ: ‹Akɛti, Nwun mąąɓomun Yálá ə naakwɛlanmo ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąąkpɔn?›»

Lukə 11:1

Hvóló ta, Jesus ə kɛi Yálá hvɛli kɛɛnąą ta, nwɔ kalan nɛai dɔ̨nɔ̨ yɛ mą: «Ną́mu, Yálá hvɛli pələ lɛ kuɔ yɛ pələi Ɉaan ə nwɔ kalan nɛai mąąkwɛli la.»

Lukə 11:39

Ną́mu ə mo kɛa mą, yɛ mą: «Kaa ŋɛ̨i a Farisiɛ̨ɠaa, bələi ka káá la, bələ ka: kpələkɔwɔ da gəgən, ka di pulu waa a nɛlɛɛ. Kɛlaa, ka hu pələ laahvɛɛ a: nwuɔ̨ da lii ɲɔ̨n gwəi laa.

Lukə 12:42

Nąmu ə nwoo pulu pənə yɛ mą: «Gbɛɛ ɓə gaa a koló kɛmun tələnmoɔ, kili yɛ ɓo mą? Mąą nu ɓaa a nui ŋɛ̨i bɛlɛ nąmu a kɛ mą: ə́ ɲɛ̨i kɛ bɛlɛ ɓa, ə́ kɔ̨nɔ̨n dɛɛ di pɔ a dɛɛi lɔwai.

Lukə 13:15

Jesus ə nwoo pulu pənə yɛ mą: «Ka hu hveelɛ nuą ŋɛ̨i, vįitɔɔ yələ, ka ka wɔ nįŋɛ̨ɠaai da ka wɔ hoohvaalənŋąąi, ka gəlee kulɔ di kwənąn ɉu, kaa li a diɛ əgɛ, di di kpələ kɛlɛ-e?

Lukə 17:5

Jesus nwɔ kɛlaɠaa tii di mo Ną́mu Jesus ɓa, diɛ mą: «Kuɔ laa na laa ta pɛlɛ mą.»

Lukə 17:6

Ną́mu ə di woo pulu pənə yɛ diɛ: «Akɛ kɛ, ka wɔ laa na laa a kɛ kpɛli yɛ gbɔ kɔ́w, ka pɛli kaa nwului ŋɛ̨i ɓa: ‹Kulɔ ɓɛ, ə́ li, ə́ tɔɔ gboloyá hu!› A gɛ kpɔlɔɔ yɛ pələi tii ka mo la.»

Lukə 18:6

Nąmu Jesus a kɛ diɛ: «Nwoo tii gití tee mun vuluɔ tii ə mo ka mɛ̨n?

Lukə 19:8

Zase ə́ muhəɠə yɛ Ną́mu Jesus ɓa: «Ną́mu! Gáá ɲə́i hɛn gɔw bələ tɔ̨nɔ̨ tɛɛi yeehvowolo nuą pɔ, ɛlɛɛ, akɛ ŋą nu ta hulu, ŋą hɛn gulɔ ɲəi, ŋą bɔɔi tɛɛ mąą nu pɔ gee mɛ̨i nąąn.»

Lukə 22:61

Gu Ną́mu Jesus ə tínɛ̨n ə ɲɛ̨i hee Piɛrə ɓa. Mɛ̨nį tii gu Ną́mu Jesus ə mo mą, nąą kili ə too ŋą. Yai ə kɛ mą: «Háákələi, gɛɛ tɛɛ hvo tɔlɔɔ hvo hvaa, ə́ kaa pai lənəi mą́ą́ gee mɛ̨i haaɓa.»

Lukə 24:34

Di mo nu hveelɛi tii ɓa diɛ diɛ: «Jesus aa muhəɠə kpɔ aa kulɔ haaɓɛlaa lɔwai a tɛ̨ą, Simɔn ə gaa.»

Ɉaan 4:1

Jesus ə gbaɠala kaa yɛ: Farisiɛ̨ɠaa daa kɛ bələ mɛ̨n, diɛ kɛ mą: Jesus kaa kalan nɛa mąąwaai yɛ tɛɛ la Ɉaan ɓa.

Ɉaan 6:23

Yaan, kələn da kpɛliɠaa di həɠə Tiberiadə daai pələ, di pa, di həli ɓɛi Jesus ə Yálá hɛɠɛɛɓo laa kɔ̨nɔ̨n mąą nuą diɛ mįi.

Ɉaan 11:2

(Mari nɛi Ną́mu Jesus kɔ́wɔ mąąti a wulɔ kun-nɛɛ, yɛ mąą kələ a nwun nɛɠa, Mari tii da Martə di kɛ a Lazarə ŋɛ̨i ɲɔ̨n ə kɛ mą mąąhalani.)