Lukə 6:28 - Yálá laawoo hɛɓɛ (dc)

²⁸ Nuąi da ka nɛ̨ŋɛ̨n nąą, ka lúwɔ́ too diɛ. Nuąi da mɛ̨nį nwanąą laa kaa, ka Yálá hvɛli diɛ.

Yálá laawoo hɛɓɛ

²⁸ Nuąi da ka nɛ̨ŋɛ̨n nąą, ka lúwɔ́ too diɛ. Nuąi da mɛ̨nį nwanąą laa kaa, ka Yálá hvɛli diɛ.

Bible

²⁸ Ka lûwa too dîa diai da kanáɣaŋ làai. Ka Ɣâla fɛli dímɛni ma diai da káwoo nyɔŋ fêi.

Lukə 6:28 Referans Kwoze

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Korɛntə dɔlɔɔ 4:12

kwa kólo kɛ a ku kpɔwɔ yee ə gɛ, ku kɔ̨nɔ̨n ɉɔlɔɓo. Da ku lalan, kuɔ lúwɔ́ too, da ku mɔ̨nɔ̨ɓo, kuɔ ku liikpələ.

Lomaŋ 12:14

Nuąi da mɔ̨nɔ̨ɓo, 'ká, lúwɔ́ too diɛ. Ká hvo nu ta nɛ̨ŋɛ̨n naa, ka lúwɔ́ too nu kəlee ɓa.

Zĩi 3:10

Naaləi tanɔ̨n tii hu lɔ ɓə, lúwɔ́ da nɛ̨ŋɛ̨n naa da kulɔ laa. Nąn nonnii, bələ hvəə mąą nɛ̨ɛ̨i ə kɛ la.

Lukə 23:34

Jesus ə mo Yálá ɓa, yɛ mą: «Nąn Yálá, nuą ŋɛ̨i mąąhvaalɛɛ, mąąhɔlɔɓo, mɛ̨nį ŋɛ̨i di kaa gɛi, di hvo gbaɠala kɔ́lɔn.» Ɉolahiɠaa di Jesus mąąhəɠə ŋąąkwɛlɛ di kee lɔwai yɛ pələi da tɔ̨nɔ̨ huwɔ ɲąąkwɛlɛ la.

Lukə 6:27

«Kɛlɛɛ, kaa ŋɛ̨i ka wəli tɔɔ nwóó ɓa, gáá moi kaa, ka ka yowoɠaa wɛli la kɛ. Nuąi ka wɛli kpɛɛ diɛ, ka mɛ̨nį lɛlɛɛ kɛ diɛ.

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Gɛlaɠaa 7:60

Yili pulu, ə pu gbəlin na, ə tomą kpɔ a nwoo kɛnɛ̨ɛ̨, yɛ mą: «Ną́mu! 'Hvó nɛ̨ŋɛ̨n ŋɛ̨i pɛ̨ɛ̨ di nwuɔ̨.» Moi ə mo tii, ə haa.

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Gɛlaɠaa 14:5

Ɉuifəɠaa da nuąi di hvo kɛ a Ɉuifəɠaa da di nwun nąmįną di naa di kwəi diɛ kɛ di bili nwɛa mɛ̨nį hu ɛlɛɛ, di gɛlaɠaa paa a kwɛnį.

Izikiɛ 36:5

Mɛ̨nį kəlee ŋą Hééɓomun Yálá woo ka, yɛ: ‹Nwɔ́ tolo nwɔ̨n hu ɓə gáá mɛ̨nįi ŋɛ̨i ɓoi laa, lɔiɠaa kəlee diɛ, da Edɔmə lɔi; mąąhɔlɔɓo, di nwɔ́ lɔi kɛ a di wɔɔ. Di kwəinɛ̨ɛ̨i kɛ kɛnɛ̨, diɛ nuą hviiɓo, ɓɛlɔwai di too la nɔi hu, diɛ gɛ a di pɔɔ.›

Izikiɛ 25:15

«Mɛ̨ni kəlee ŋą Hééɓomun Yálá woo ka, yɛ: Filisti nuą di toomɛ̨i kɛ, di di nwąną kulɔ a tɛɠɛɓo ɉu kɛnɛ̨; di gɛ lɔ tii kɛɛ kala wɛli ɓa. Yili kɔ́wɔ ə tɔɔ yowo laa mɛ̨nį yii kpɛɛ hvo mą, mąą mɛ̨nį ɓa.

Tɔɔɓɛlaa dɔlɔɔ 13:6

Tɔɔmun yɛ Yálá nwɔ nui ɓa: «Yai-Laa ə́ wɔɔ Yálái liilaa mą, nɛ̨ɛ̨ yɛ́! Mą́ą́ nɛ̨ɛ̨mąą hvə mą, ə gɛ, ɲéé ə pɛli lɛɠɛi mą́ą́.» Yálá nwɔ nui ə Yai-Laa hvɛli, tɔɔmun ɲee ə pənə ə lɛɠɛ mą; ə kɛ lɔ yɛ bələi ə kɛ la a bɔlɔ.